ប្រមូលផ្តុំទិន្នន័យ និង រាល់ព័ត៌មានផ្សេងដោយមជ្ឈមណ្ឌលវិទ្យាសាស្រ្តជំនាញកុំព្យូទ័រ ៕​សូមថ្លែងអំណរអរគុណចំពោះប្រិយមិត្តដែលបានចំណាយពេលវេលាដ៏មានតំលៃចូលមកកាន់ គេហទំព័ររបស់មជ្ឈមណ្ឌលយើងខ្ញុំ ដែលមានទីតាំងនៅក្នុងបរិវេណវត្តនរាធិបតី ខាងត្បូងអង្គការសហសង្រ្គោះកម្ពុជា SCC ចំងាយប្រហែល៥០ម៉ែត្រ៕ សូមអភ័យទោសរាល់កំហុសឆ្គងដែលមាននៅក្នុងកូនគេហទំព័រនេះ និងរង់ចាំទទួលនូវមតិរិះក្នុងន័យស្ថាបនាទាំងអស់គ្នា ៕ ទាំងអស់គ្នាដើម្បីបច្ចេកវិទ្យា បច្ចេកវិទ្យាដើម្បីទាំងអស់គ្នា ៕

Wednesday, November 25, 2009

សង្ខេប​ព័ត៌មាន​ប្រចាំ​សប្ដាហ៍ ថ្ងៃ ១៦ ដល់ ២២ វិច្ឆិកា ២០០៩


ព័ត៌មាន​សំខាន់ៗ​ប្រចាំ​សប្ដាហ៍​នេះ​រួម​មាន រដ្ឋ​សភា​បាន​អនុម័ត​ព្យួរ​អភ័យ​ឯកសិទ្ធិ​ប្រធាន​គណបក្ស​សមរង្ស៊ី និង​ព័ត៌មាន​ផ្សេងៗ​ដទៃ​ទៀត។

លោក អយុធ្យា អ្នក​យក​ព័ត៌មាន​វិទ្យុ​អាស៊ីសេរី ប្រចាំ​រាជធានី​ភ្នំពេញ បាន​រាយការណ៍​សរុប​ព័ត៌មាន​សំខាន់ៗ​នៅ​កម្ពុជា ពី​ថ្ងៃ ១៦ ដល់ ២២ វិច្ឆិកា ឆ្នាំ​២០០៩។


រដ្ឋ​សភា​អនុម័ត​ព្យួរ​អភ័យ​ឯកសិទ្ធិ​លោក សម រង្ស៊ី


សភា​ជាតិ​នៃ​ប្រទេស​កម្ពុជា​បាន​អនុម័ត​ជា​ផ្លូវការ​ព្យួរ​អភ័យ​ឯក​សិទ្ធិ​លោក សម រង្ស៊ី បើ​ទោះ​បី​ជា​សមាជិក​សភា​ដែល​មក​ពី​គណបក្ស​សមរង្ស៊ី​និង​គណបក្ស​សិទ្ធិ​មនុស្ស​ធ្វើ​ពហិការ​មិន​ចូល​ប្រជុំ​ក៏​ដោយ។


នៅ​ថៃ្ង​ច័ន្ទ ទី​១៦ ខែ​វិច្ឆិកា សភា​ជាតិ​នៃ​ប្រទេស​កម្ពុជា​បាន​បោះ​ឆ្នោត​លើក​អភ័យ​ឯក​សិទ្ធិ​តំណាង​រាស្រ្ត​ពី​លោក សម រង្ស៊ី មេ​ដឹក​នាំ​គណបក្ស​ប្រឆាំង តាម​សំណើ​របស់​តុលាការ​ខេត្ត​ស្វាយរៀង ដើម្បី​បើក​ផ្លូវ​ឲ្យ​តុលាការ​នេះ​ស៊ើប​អង្កេត​និង​ចោទ​ប្រកាន់​ក្រោម​បទ​ព្រហ្មទណ្ឌ បំផ្លាញ​ទ្រព្យ​សម្បត្តិ​សាធារណៈ​កាល​ពី​ពេល​ថ្មីៗ​នេះ។


ការ​ចោទ​ប្រកាន់​នេះ​ធ្វើ​ឡើង​ក្រោយ​ពី​លោក សម រង្ស៊ី បាន​ដក​បង្គោល​ឈើ​តំណាង​ឲ្យ​បង្គោល​​​ព្រំដែន​រវាង​កម្ពុជា​និង​វៀតណាម​ចោល កាល​ពី​ថៃ្ង​ទី​២៥ ខែ​តុលា​កន្លង​ទៅ នៅ​ក្នុង​ឃុំ​សំរោង ស្រុក​ចន្ទ្រា ខេត្ត​ស្វាយ​រៀង ជាប់​នឹង​ព្រំដែន​នោះ ដោយសារ​តែ​ពលរដ្ឋ​នៅ​ទី​នោះ​បាន​ប្តឹង​លោក​អំពី​ការ​បោះ​បង្គោល​នោះ​ដែល​ឲ្យ​នាំ​ពួក​គាត់​បាត់​បង់​ស្រែ​ចម្ការ​និង​ដី​ធ្លី។


ទាក់ទង​ករណី​លោក សម រង្ស៊ី នេះ​ដែរ បន្ទាប់​ពី​រដ្ឋ​សភា​បាន​អនុម័ត​លើក​អភ័យ​ឯកសិទ្ធិ​រួច​មក លោក អង្គវង្ស វឌ្ឍានា រដ្ឋមន្រ្តី​ក្រសួង​យុត្តិធម៌​ប្រទេស​កម្ពុជា បាន​ជំរុញ​ឲ្យ​តុលាការ​ខេត្ត​ស្វាយរៀង​កោះ​ហៅ​លោក សម រង្ស៊ី មេ​ដឹក​នាំ​គណបក្ស​ប្រឆាំង ដើម្បី​សាក​សួរ​ចម្លើយ និង​ចោទ​ប្រកាន់​ឲ្យ​បាន​ឆាប់​ទាក់ទង​បទ​ព្រហ្មទណ្ឌ​នៃ​ការ​បំផ្លាញ​ទ្រព្យ​សម្បតិ្ត​សាធារណៈ​ដក​បង្គោល​ឈើ​តំណាង​ឲ្យ​បង្គោល​ព្រំដែន​រវាង​កម្ពុជា​និង​វៀតណាម​កាល​ពី​ពេល​ថ្មីៗ។


សកម្មភាព​នេះ​ត្រូវ​បាន​លោក សម រង្ស៊ី និយាយ​ថា ស្រុក​ខ្មែរ​សព្វថ្ងៃ​គឺ​ចម្លែក​មែនទែន អ្នក​ដែល​ស្មោះ​ត្រង់​ជាមួយ​នឹង​ប្រទេស​ជាតិ ស្មោះ​ត្រង់​ជាមួយ​នឹង​ប្រជារាស្រ្ដ បែរ​ទៅ​ជា​មាន​រឿង តែ​អ្នក​ដែល​ធ្វើ​បាប​រាស្ត្រ អ្នក​ដែល​បំផ្លិច​បំផ្លាញ​ជាតិ អ្នក​ដែល​លក់​ជាតិ បែរ​ទៅ​ជា​រួច​ខ្លួន​និង​មាន​បុណ្យ​ស័ក្តិ​ថែម​ទៀត។


សង្គម​ស៊ីវិល​អំពាវនាវ​ឲ្យ​រដ្ឋាភិបាល​យក​ចិត្ត​ទុក​ដាក់​ចំពោះ​ជន​ពិការ


កាល​ពី​ថ្ងៃ​ច័ន្ទ ទី​១៦ ខែ​វិច្ឆិកា ដើម​សប្តាហ៍​នេះ ក្រុម​អង្គការ​តំណាង​ឲ្យ​ជន​ពិការ​នៅ​កម្ពុជា បាន​ទាមទារ​ឲ្យ​រដ្ឋាភិបាល​យក​ចិត្ត​ទុក​ដាក់​ចំពោះ​ជន​ពិការ​ឲ្យ​បាន​ច្រើន​ថែម​ទៀត និង​ចៀសវាង​ការ​រើសអើង​ជន​ពិការ បើ​ទោះ​បី​ជា​ប្រទេស​កម្ពុជា​មាន​ច្បាប់​ការពារ​សិទ្ធិ​ជន​ពិការ​ហើយ​ក៏​ដោយ។


លោក ងិន សៅរ័ត្ន នាយក​ប្រតិបត្តិ​អង្គការ​ជន​ពិការ​កម្ពុជា ហើយ​ដែល​រូប​លោក​ជា​ជន​ពិការ​ផង​នោះ មាន​ប្រសាសន៍​ថា គេ​សង្កេត​ឃើញ​ថា ជន​ពិការ​នៅ​ក្នុង​ប្រទេស​កម្ពុជា​នៅ​មាន​ការ​រើសអើង ជា​ពិសេស​សិទ្ធិ​ជន​ពិការ​ដែល​ការពារ​ដោយ​ច្បាប់​ហាក់​នៅ​មាន​ការ​ខ្វះ​ចន្លោះ​នៅ​ឡើយ។


ប្រតិភូ​គណៈកម្មការ​អឺរ៉ុប​ប្រចាំ​នៅ​កម្ពុជា​មាន​ប្រសាសន៍​ថា នៅ​លើ​ពិភពលោក​បច្ចុប្បន្ន​នេះ​មាន​ជន​ពិការ​ចំនួន​៦៥០​លាន​នាក់​ដែល​ភាគ​ច្រើន​មក​ពី​សហគមន៍​ក្រីក្រ។


បើ​យោង​តាម​ស្ថិតិ​របស់​ក្រសួង​ផែនការ​ឆ្នាំ​២០០៩​នេះ​បាន​ឲ្យ​ដឹង​ថា ជន​ពិការ​នៅ​កម្ពុជា​គឺ​មាន​ចំនួន​៤% ក្នុង​ចំណោម​ប្រជាពល​រដ្ឋ​១៤​លាន​នាក់​នៅ​ទូទាំង​ប្រទេស។


ទំនិញ​នាំ​ចូល​ពី​ប្រទេស​ថៃ​តាម​ច្រក​ប៉ោយប៉ែត​ថយ​ចុះ​៣០%


បន្ទាប់​ពី​ចំណង​ការទូត​រវាង​កម្ពុជា​និង​ថៃ​មាន​ការ​ប្រេះស្រាំ ព័ត៌មាន​ពី​ច្រក​ទ្វារ​ប៉ោយប៉ែត ខេត្ត​បន្ទាយមានជ័យ បាន​ឲ្យ​ដឹង​ថា ទំនិញ​គ្រប់​ប្រភេទ​ដែល​នាំ​ពី​ប្រទេស​ថៃ​ចូល​មក​កម្ពុជា​តាម​ច្រក​ទ្វារ​អន្តរជាតិ​ប៉ោយប៉ែត​បាន​ស្រុត​ចុះ​ប្រមាណ​៣០% បន្ទាប់​ពី​ម្ចាស់​ទំនិញ​នានា​នៅ​ស្រុក​ខ្មែរ​បាន​កាត់​បន្ថយ​ការ​បញ្ជា​ទិញ ដោយសារ​ពួក​គេ​មាន​ការ​ភ័យ​ខ្លាច​ពី​វិបត្តិ​នានា​រវាង​ខ្មែរ​និង​ថៃ។


តំណាង​ក្រុមហ៊ុន​ឯកជន​មួយ​បាន​ថ្លែង​នៅ​ថ្ងៃ​ច័ន្ទ ទី​១៦ ខែ​វិច្ឆិកា ថា ថ្វីត្បិត​ការ​ដោះ​ដូរ​ពាណិជ្ជកម្ម​រវាង​ខ្មែរ​-​ថៃ​នៅ​មាន​ដំណើរការ​ជា​ធម្មតា ប៉ុន្តែ​ក្នុង​រយៈ​ពេល​ចុង​ក្រោយ​នេះ ម្ចាស់​ទំនិញ​ជា​ច្រើន​ក្នុង​ប្រទេស​កម្ពុជា​បាន​កាត់​បន្ថយ​ការ​បញ្ជា​ទិញ​ពី​១០០% មក​នៅ​ត្រឹម​៧០% សម្រាប់​មុខ​ទំនិញ​គ្រប់​ប្រភេទ។


តាម​តួលេខ​ការ​ដោះ​ដូរ​ទំនិញ​ខ្មែរ​-​ថៃ​របស់​ក្រសួង​ពាណិជ្ជកម្ម​កម្ពុជា ហើយ​ត្រូវ​បាន​ប្រកាស​ជា​សាធារណៈ​ដោយ​លោក​នាយករដ្ឋ​មន្ត្រី ហ៊ុន សែន កាល​ពី​ពេល​ថ្មីៗ​នេះ នៅ​ឯ​ព្រលាន​យន្តហោះ​អន្តរជាតិ​ភ្នំពេញ ទំនិញ​គ្រប់​ប្រភេទ​របស់​ថៃ​ដែល​នាំ​ចូល​មក​កម្ពុជា​កាល​ពី​ឆ្នាំ​២០០៨ មាន​រហូត​២.០០០​លាន​ដុល្លារ និង​ទំនិញ​ពី​កម្ពុជា​នាំ​ទៅ​ថៃ​មាន​តែ​៩០​លាន​ដុល្លារ​ប៉ុណ្ណោះ។


អ្នក​ជំនួយ​ត្អូញត្អែរ​ពី​បញ្ហា​ស្រូវ​មិន​សូវ​សំបូរ


អ្នក​ជំនួញ​ស្រូវ​បាន​ត្អូញ​ត្អែរ​ថា នៅ​ដើម​រដូវ​កំពុង​ប្រមូល​ផល​នេះ ទិន្នផល​ស្រូវ​ឆ្នាំ​នេះ​មិន​សូវ​សំបូរ​ដូច​ឆ្នាំ​មុន​ដែល​ធ្វើ​ឲ្យ​តម្លៃ​ស្រូវ​ថ្លៃ​ជាង​មុន​បន្តិច។


នាយក​មជ្ឈមណ្ឌល​សិក្សា​និង​អភិវឌ្ឍន៍​កសិកម្ម​កម្ពុជា លោក​បណ្ឌិត យ៉ង សាំងកុមារ អះអាង​ថា តាម​ការ​ស្រាវជា្រវ ទិន្នផល​ស្រូវ​ឆ្នាំ​នេះ​អាច​ប្រហាក់​ប្រហែល​នឹង​ឆ្នាំ​មុន គឺ​ប្រមាណ​៧​លាន​តោន ដោយសារ​ភ្លៀង​ធ្លាក់​ដើម​ដៃ​ល្អ​ធ្វើ​ឲ្យ​កសិករ​ពង្រីក​ផ្ទៃ​ដី​ដាំ​ស្រូវ​ដើម​ដៃ​ច្រើន​ហិកតារ​ជា​រៀង​រាល់​ឆ្នាំ។


អ្នក​កាសែត​ជាប់​ឃុំ​ម្នាក់​បន្ត​ប្ដឹង​ឧទ្ធរណ៍​ក្នុង​រឿង​ក្ដី​ជាមួយ​សយសុភាព


ក្រោយ​ពី​តុលាការ​សាលា​ដំបូង​បាន​ផ្តន្ទា​ទោស​អ្នក​សារ​ព័ត៌មាន​ម្នាក់​ឈ្មោះ រស់ សុឃិត ឲ្យ​ជាប់​ពន្ធនាគារ​២​ឆ្នាំ ដោយ​សារ​ផ្ញើ​សារ​ទៅ​លោក សយ សុភាព អ្នក​ធ្វើ​អត្ថាធិប្បាយ​របស់​ទូរទស្សន៍​ស៊ី.ធី.អិន មក​ដល់​ពេល​នេះ​មេធាវី​របស់​លោក រស់ សុឃិត កំពុង​ដាក់​ពាក្យ​បណ្តឹង​បន្ត​ទៅ​សាលា​ឧទ្ធរណ៍​ទៀត។


ប្រភព​ពី​មេធាវី​បាន​អះអាង​ថា ពួក​គេ​បាន​បន្ត​រឿង​ក្តី​ដោយ​ប្តឹង​ទៅ​សាលា​ឧទ្ធរណ៍​កាល​ពី​ថ្ងៃ​ទី​១៦ ខែ​វិច្ឆិកា​កន្លង​ទៅ​នេះ ដើម្បី​ស្វែង​រក​យុត្តិធម៌​ជូន​លោក រស់ សុឃិត បន្ត​ទៀត។


លោក សុខ ដារ៉ា មេធាវី​របស់​អ្នក​កាសែត​ដែល​ត្រូវ​គេ​ប្តឹង​ដាក់​គុក​ថ្លែង​ថា លោក​មិន​អាច​ទទួល​យក​បាន​ទេ​ចំពោះ​ការ​សម្រេច​សេចក្តី​របស់​សាលា​ដំបូង​រាជធានី​ភ្នំពេញ កាល​ពី​ពេល​ថ្មីៗ​នេះ។ លោក​ថា ការ​ផ្ញើ​សារ​សួរ​នាំ​អំពី​ព័ត៌មាន គ្មាន​មូល​ហេតុ​អ្វី​ដែល​នាំ​ឲ្យ​ដាក់​គុក​មនុស្ស​នោះ​ឡើយ ហើយ​ការ​ផ្ដន្ទា​ទោស​នេះ​គឺ​ជា​ការ​គំរាម​ទៅ​ដល់​សិទ្ធិ​មនុស្ស​ទាំង​ស្រុង ដែល​ញ៉ាំង​ឲ្យ​ពលរដ្ឋ​ដទៃ​ទៀត​ខ្លាច។


អ្នក​កើត​ជំងឺ​ផ្ដាសាយ​A(H1N1)​នៅ​កម្ពុជា​កើន​ដល់​៤៤៤​នាក់


មន្រ្តី​ជំនាញ​ផ្នែក​សុខភាព​នៅ​កម្ពុជា​បាន​ឲ្យ​ដឹង​ថា មាន​ការ​កើន​ទ្បើង​យ៉ាង​ឆាប់​រហ័ស​នៃ​ជំងឺ​ផ្តាសាយ​ប្រភេទ​ថ្មី A(H1N1) បន្ថែម​ទៀត​ហើយ ដែល​គិត​មក​ដល់​សប្តាហ៍​ចុង​ក្រោយ​នេះ ចំនួន​អ្នក​កើត​ជំងឺ​ផ្ដាសាយ​ថ្មី​នេះ​កើន​ឡើង​ដល់​៤៤៤​នាក់។


សប្តាហ៍​កន្លង​ទៅ​គឺ​មាន​ចំនួន​៣៩៤​នាក់​ប៉ុណ្ណោះ ប៉ុន្តែ​ចំនួន​មនុស្ស​ស្លាប់​ដោយសារ​ជំងឺ​នេះ​នៅ​មាន​ចំនួន​តែ​៤​នាក់​ដដែល។
លោក លី សូវ៉ាន់ អនុ​ប្រធាន​នៃ​នាយកដ្ឋាន​គ្រប់គ្រង​ជំងឺ​ឆ្លង​របស់​ក្រសួង​សុខាភិបាល​ប្រទេស​កម្ពុជា បាន​មាន​ប្រសាសន៍​នៅ​ថ្ងៃ​ទី​១៩ ខែ​វិច្ឆិកា​កន្លង​ទៅ​នេះ ថា រដូវ​ត្រជាក់​កំពុង​បាន​ឈាន​មក​ដល់ ដូច្នេះ​ជំងឺ​ផ្តាសាយ A(H1N1) ងាយ​នឹង​ឆ្លង​រាតត្បាត​ពី​មនុស្ស​ម្នាក់​ទៅ​មនុស្ស​ម្នាក់​ទៀត៕

Friday, October 23, 2009

ប៉ូលិសខេត្តស្វាយរៀងរងការចោទថារំលោភស្រ្ដីម្នាក់

ស្រ្តី​មេម៉ាយ​ម្នាក់​នៅ​ក្នុង​ភូមិ​ម្អម ឃុំ​អង្គតាសូ ស្រុក​ស្វាយ​ជ្រំ ខេត្ត​ស្វាយរៀង កំពុង​តែ​ស្វែង​រក​កិច្ច​អន្តរាគមន៍​ពី​អង្គការ​ការពារ​សិទ្ធិ​មនុស្ស​អាដហុក​នៅ​ខេត្ត​នោះ ដើម្បី​រក​យុត្តិធម៌​ចំពោះ​អ្វី​ដែល​លោកស្រី​បាន​ចោទ​ថា មន្រ្តី​នគរបាល​ម្នាក់​បាន​ចាប់​រំលោភ​លោកស្រី​បាន​សម្រេច​ចំនួន​២​លើក ជាមួយ​នឹង​ការ​គំរាម​អារ​ក ឬ​បាញ់​សម្លាប់​ចោល បើ​សិន​ណា​រឿង​អាស្រូវ​នេះ​បាន​លេច​ឮ​ទៅ​អ្នក​ដទៃ។

លោកស្រី ព្រំ សៀ អាយុ​៤២​ឆ្នាំ ដែល​បាន​មក​ប្តឹង​រឿង​នេះ​នៅ​ឯ​អង្គការ​សិទ្ធិ​មនុស្ស​អាដហុក នៅ​ក្នុង​ខេត្ត​ស្វាយរៀង កាល​ពី​ថៃ្ង​អង្គារ ទី​១៣ ខែ​តុលា​ថ្មីៗ​នេះ បាន​ថែ្លង​ប្រាប់​វិទ្យុ​អាស៊ី​សេរី​ថា លោកស្រី​បាន​សម្រេច​ចិត្ត​ប្តឹង​មន្រ្តី​នគរបាល​រូប​នោះ ដោយសារ​តែ​លោកស្រី​មិន​អាច​ទ្រាំទ្រ​ចំពោះ​ការ​គំរាម​នោះ​បាន។

លោកស្រី ព្រំ សៀ មាន​ប្រាប់​ដូច្នេះ ៖ «ខ្ញុំ​កាល​មុន​អត់​ហ៊ាន​ប្ដឹង​ទេ ខ្ញុំ​ខ្លាច​គាត់​សម្លាប់​មែន ដល់​ពេល​ខ្ញុំ​ស្ដាប់​វិទ្យុ​តាម​អ្នក​ស្រុក​ហ្នឹង ឮ​អង្គការ​គេ​ប្រកាស​ថា បើ​មាន​វិបត្តិ​ក្នុង​ខ្លួន​ត្រូវ​ដោះស្រាយ​អង្គការ​ជួយ​រក​យុត្តិធម៌​ឲ្យ អ៊ីចឹង​បាន​ខ្ញុំ​ហ៊ាន។ ខ្ញុំ​ខ្លាច​សេចក្ដី​ស្លាប់​ខ្ញុំ​មិន​ហ៊ាន​តវ៉ា​យូរ​ហើយ»។

លោក ង៉ែត ណារ៉ា ជា​មន្រ្តី​សម្រប​សម្រួល​នៃ​អង្គការ​ការពារ​សិទ្ធិ​មនុស្ស​អាដហុក នៅ​ក្នុង​ខេត្ត​ស្វាយរៀង ដែល​បាន​ទទួល​ពាក្យ​បណ្ដឹង​ពី​ជន​រង​គ្រោះ​ខាង​លើ​នេះ បាន​មាន​ប្រសាសន៍​ថា ៖ «ជុំវិញ​បញ្ហា​នេះ ខ្ញុំ​សូម​សំណូមពរ​អាជ្ញាធរ​មូលដ្ឋាន ឬ​អាជ្ញាធរ​ពាក់ព័ន្ធ​ទាំង​អស់ ធ្វើ​ការ​ស៊ើប​អង្កេត​ជា​បន្ទាន់​ពី​ករណី​នេះ ព្រោះ​ជន​រង​គ្រោះ​គាត់​កំពុង​តែ​ភ័យ​រន្ធត់»។

មិន​អាច​ទាក់​ទង​លោក ប្រាក់ សាវ៉ន ជា​អនុ​ប្រធាន​ប៉ុស្តិ៍​រដ្ឋបាល​នៅ​ក្នុង​ឃុំ​អង្គតាសូ ស្រុក​ស្វាយជ្រំ ខេត្ត​ស្វាយរៀង​បាន​ទេ ដើម្បី​បំភ្លឺ​ជុំវិញ​ការ​ចោទ​ប្រកាន់​ខាង​លើ​នេះ ប៉ុន្តែ​លោក អ៊ិន ហាក់ ជា​ប្រធាន​ប៉ុស្តិ៍​រដ្ឋបាល​នោះ បាន​មាន​ប្រសាសន៍​ថា អាជ្ញាធរ​នៅ​មូលដ្ឋាន​មិន​បាន​ទទួល​កិច្ច​សហការ​ពី​ជន​រង​គ្រោះ​នោះ​ទេ ហើយ​សង្ស័យ​ថា វា​ជា​រឿង​ចោទ​ប្រកាន់​តែ​ប៉ុណ្ណោះ ពីព្រោះ​វា​ជា​រឿង​ព្រមព្រៀង​គ្នា​កន្លង​មក។

លោក អ៊ិន ហាក់ មាន​ប្រសាសន៍​ដូច្នេះ ៖ «អ្នក​នាង​ហ្នឹង​មិន​ដែល​បាន​មក​ជួប​ខ្ញុំ​បាន​ដោះ​ស្រាយ ឬ​ទទួល​ពាក្យ​បណ្ដឹង​អត់​ទេ មិន​បាន​មក​ជួប​សមត្ថកិច្ច ឬ​មួយ​បង្ហាញ​ភស្តុតាង ឬ​សាក្សី​ចង្អុល​បង្ហាញ ខ្ញុំ​មិន​បាន​ជួប​ដោះស្រាយ»។

សាក្សី​ម្នាក់​ដែល​បាន​ដឹង​រឿង​ចាប់​រំលោភ​នោះ បាន​មាន​ប្រសាសន៍​ថា វា​ជា​រឿង​ចាប់​បង្ខំ​និង​គំរាម​កន្លង​មក ៖ «ដោយ​ឡែក​គាត់​បង្ខិត​បង្ខំ​តាំង​ពី​គ្រា​ដំបូង​មក បើ​គាត់​មិន​យល់​ព្រម​គេ​អារ​ក​គាត់ ឬ​ក៏​គេ​បាញ់​សម្លាប់​គាត់​ចោល អ៊ីចឹង​បាន​សមី​ខ្លួន​ឈឺ​ចិត្ត​គាត់​ប្ដឹង»។

សូម​ជម្រាប​ថា ប្រភព​ពី​ជន​រង​គ្រោះ​និង​សាក្សី​នៅ​ជិត​ខាង​បាន​ឲ្យ​ដឹង​ថា លោក ប្រាក់ សាវ៉ន ជា​អនុ​ប្រធាន​ប៉ុស្តិ៍​រដ្ឋបាល​នៅ​ក្នុង​ឃុំ​អង្គតាសូ ស្រុក​ស្វាយជ្រំ ខេត្ត​ស្វាយរៀង បាន​រង​ការ​ចោទ​ថា លោក​បាន​ចាប់​រំលោភ​ស្រី្ត​មេម៉ាយ​ឈ្មោះ ព្រំ សៀ បាន​សម្រេច​ចំនួន​២​លើក កាល​ពី​ខែ​កក្កដា និង​ខែ​សីហា​កន្លង​ទៅ​នេះ ហើយ​បាន​ប៉ុនប៉ង​ចាប់​រំលោភ​ជា​ថ្មី​ទៀត ក្រោយ​ពី​ជន​រង​គ្រោះ​បាន​ផ្តាច់​ទំនាក់​ទំនង​ជាមួយ​នឹង​រូប​លោក។

អង្គការ​ការពារ​សិទ្ធិ​មនុស្ស​ក្រៅ​រដ្ឋាភិបាល​អាដហុក កាល​ពី​ថ្មីៗ​នេះ​បាន​ចេញ​ផ្សាយ​របាយការណ៍​ស្រាវជ្រាវ​មួយ​បង្ហាញ​ថា រយៈពេល​៥​ខែ​ដើម​ឆ្នាំ​២០០៩​កន្លង​ទៅ​នេះ ករណី​ចាប់​រំលោភ​សេពសន្ថវៈ​មាន​ចំនួន​២០១​ករណី នៅ​ក្នុង​នោះ​១៣៤​ករណី ជន​រង​គ្រោះ​ក្រោម​អាយុ​១៨​ឆ្នាំ។ បទ​ល្មើស​ព្រហ្មទណ្ឌ​នោះ ត្រូវ​បាន​សម្រួល​ជា​សំណង​រដ្ឋប្បវេណី ដើម្បី​បោះបង់​ចោល​ការ​ចោទ​ប្រកាន់​នៅ​គ្រា​ដែល​ច្បាប់​ប្រទេស​កម្ពុជា​បាន​ហាម​ឃាត់​ជា​ដាច់​ខាត៕

Thursday, October 15, 2009

The First Khmer, Stand for USA in National Assembly



My name is Sam Meas. I am a resident of Haverhill, Massachusetts. For some time now I have observed national politics from the sidelines. But now I must become involved because I believe our beloved country will never get back to traditional American values unless I do.


President Obama and the Democratic-controlled Congress have been using American tax dollars to subsidize corporate greed and reward incompetence. But they have not allocated a single penny to bail out the working and fast-disappearing middle class. They are printing money, borrowing from the Chinese, and spending money that we do not have. They are trying to spend our way out of this recession and into prosperity. But the Japanese tried to do this in the 1990s . . . and failed miserably.


We can only get out of this economic crisis by reverting to fiscal sanity. We must not spend money we do not have. We need to stop the flow of money to banks that do not lend. We must target the stimulus package directly to the working class by giving money to the people instead of to financial institutions. And we must keep taxes low for hardworking entrepreneurs.


Folks, I am profoundly grateful that my family and I have had the opportunity to become members of the American middle class through hard work, tenacity, and frugality. And I believe that it is my civic duty as an American citizen to serve in public office in any capacity I can. I am running as a Republican candidate for the 5th Congressional District of Massachusetts so that I can give you, the voter, a choice where there has been none for a long time.


In China, Vietnam, or Cuba there is only one sanctioned party, and the party bosses create a list of candidates for the people to vote for. In these countries, they call this a free and fair election.
But without choice there is no freedom.


I now have the extraordinary honor of inviting you, your families, and neighbors to learn more about my candidacy and the issues that I care about so deeply: the economy, education, immigration, border security, and veterans’ affairs. If you will send me to Washington to be your servant representative in Congress, I pledge to honor my promises and tenaciously work with other members of Congress to represent you and your voice.


Let’s come together to protect and preserve American values, jobs, and the working families.
And help me spread the message of freedom through choice throughout our district by promoting my candidacy as an alternative to the established candidate.


May God bless you and may God bless America!


Sincerely,


Sam Meas
BACKGROUND

Sam (Sambo) Meas was born in Cambodia, Kandal Province, sometime between 1970 and 1972. As a result of the civil war and the genocidal regime of the Khmer Rouge that drove Cambodia back into the Stone Age, all institutions and birth and death records were destroyed. The United States Immigration and Naturalization record lists December 31, 1972, as his official date of birth, but Sam could actually be two years younger or older.

In 1983, Sam and his oldest cousin escaped the war zone along the Cambodia-Thai border and made their way to Kao I Dang refugee camp inside Thailand. After several months of living in the camp, Sam’s cousin left Sam in the camp alone, went back to Cambodia, and never returned.
For the next three years, alone in the camp, Sam relied on the generosity of other Cambodian refugee families to survive. Sam and the other families shared a common situation: they were all Cambodian (Khmers) and fellow refugees living in barb-wired and guarded camp inside Thailand. Because Sam was alone, the other families took sympathy on him, giving him money, food, and clothing. In return, Sam cooked, cleaned, sewed, babysat, carried water, chopped wood, and smuggled food and goods from Thai entrepreneurs in the villages bordering the camp. But through it all, Sam was acutely aware that he was an outsider among those families, as he was not bonded to them by blood. At one point, a young Thai military officer took Sam in, fed him, and let him watch TV; and in exchange Sam did his laundry, and shined his shoes and boots.

For the most part, Sam was as happy a teenage boy as could be expected under the circumstances. In fact, he considered himself fortunate. For a while he worked as an aid to a Thai UNHCR immigration officer, running errands, making coffee, doing research and translations. He was not starving, he was not physically or mentally abused, he had a place to lay his head at night, and he had friends.

While engaging in the vigorous daily survival activities, with a lot of luck and the grace of the Lord Buddha, Sam managed to persuade fellow Cambodians who were teaching English to take him on as a student so that that he could learn English free of charge. He also attended grammar school taught in Khmer, the language of Cambodia. As a result, Sam is now fluent in both in English and Khmer.

After three years in the camp, Sam was sponsored by Catholic Charities of Virginia and was permitted to resettle in the United States of America as an “unaccompanied minor.” Sam arrived in the United States on November 16, 1986, as a foster child of the Abbey family of Richmond, Virginia. Chris and Louise Abbey gave Sam as much as love, care, and support as they gave their own children, two boys and two girls.

Sam lived with the Abbeys for three years, but due to the difficult transition from Cambodia, the refugee camp experience, acculturalization, as well as assimilation to the American way of life, Sam decided to transfer to a group home for boys and girls in Glen Allen, about 30 miles outside of Richmond. Sam lived in the group home for a little over year before he was adopted by Susan E. Morey, a single parent and teacher, in 1992.

All during his difficult transition period, Sam pursued his education. After two years at the Albert H. Hill Middle School, he skipped the eighth grade, and in the fall of 1992 he enrolled as a high school freshman in Trinity Episcopal High School, an excellent private school in Richmond, Virginia. The many scholarships he received enabled him to complete his high-school education there.

Upon graduation from Trinity Episcopal High, Sam was accepted to Virginia Polytechnic and State University (Virginia Tech). He graduated from Virginia Tech with a Bachelor of Science in Finance in 1996 and moved to Boston, Massachusetts.

For nearly two years now, Sam has been a Principal with State Street Global Advisors, a division of State Street Corporation, where he oversees a team of Performance Measurement Analysts providing performance and attribution data to Active Quantitative (Developed and Emerging Markets Strategies) Portfolio Managers.

Sam married his long-time girl friend and partner, Leah Saroeun Suan-Meas, in June 2001. Sam and Leah are proud parents of two beautiful, intelligent, vibrant, and energetic girls, Monique and Sydney.

Since June 2001 Sam has volunteered his time as a member of the Board of Directors of North Suffolk Mental Health Association (NSMHA), based in Chelsea, MA. NSMHA is a private, non-profit agency, with an annual budget of about $30M, providing community-based services to children, adults, and families dealing with problems of mental health, developmental disabilities, and substance abuse. He is presently serving as the Vice Chairman of the Board and has also served as Chairman of Finance, Personnel, By-Law, Compliance, and Audit Committees.

កម្ពុជានឹងដាក់ការពិភាក្សាពីជម្លោះខ្មែរ-ថៃនៅក្នុងកិច្ចប្រជុំកំពូលអាស៊ាន


មន្រ្តីជាន់ខ្ពស់នៃរាជរដ្ឋាភិបាលខ្មែរ ថ្លែងនៅថ្ងៃទី១៤ ខែតុលានេះថា កម្ពុជានឹងដាក់ការពិភាក្សាអំពីជម្លោះខ្មែរ-ថៃនៅក្នុងកិច្ចប្រជុំកំពូលអាស៊ានលើកទី១៥ នៅប្រទេសថៃ នាពេលឆាប់ៗខាងមុខនេះ។

ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសខ្មែរ លោក ហោ ណាំហុង បានថ្លែងនៅព្រឹកថ្ងៃ១៤ តុលាថា កម្ពុជានឹងដាក់ការពិភាក្សាស្តីពីជម្លោះខ្មែរ-ថៃ នៅក្នុងកិច្ចប្រជុំកំពូលអាស៊ាន នៅហួរហ៊ីន ប្រទេសថៃ នាពេលខាងមុខនេះ បើទោះបីជាថៃមានគោលបំណងបង្កើតយន្តការមជ្ឈត្តកម្ម មានន័យថា អង្គការអព្យាក្រឹតដើម្បីដោះស្រាយបញ្ហាខ្មែរ-ថៃនេះក៏ដោយ។


មានប្រសាសន៍នៅក្នុងសន្និសីទកាសែតនៅក្រសួងការបរទេស លោករដ្ឋមន្ត្រី ហោ ណាំហុង ថ្លែងបញ្ជាក់ថា កម្ពុជាបានធ្វើលិខិតផ្លូវការសុំឲ្យដាក់បញ្ហាជម្លោះខ្មែរ-ថៃ នៅក្បែរតំបន់ប្រាសាទព្រះវិហារក្នុងការជជែកក្នុងកិច្ចប្រជុំកំពូលអាស៊ាន ដែលមានថៃជាប្រធានសមាគមអាស៊ាន នឹងធ្វើជាម្ចាស់ផ្ទះក្នុងកិច្ចប្រជុំឆ្នាំនេះផង។ លោកបន្តថា ភាគីថៃបែរជាមិនឆ្លើយតប ហើយគេបែរជាឮដំណឹងមកវិញថា ថៃបានផ្លាស់ប្តូរជំហរ ដោយចង់បង្កើតឲ្យមានការអនុម័តក្នុងកិច្ចប្រជុំកំពូលអាស៊ាននៅហួរហ៊ីន សម្រាប់បង្កើតយន្តការមជ្ឈត្តកម្ម ក្នុងការដោះស្រាយវិបត្តិនេះទៅវិញ។


លោក ហោ ណាំហុង បានថ្លែងយ៉ាងដូច្នេះ ៖ «បញ្ហាទំនាស់កម្ពុជាថៃនេះ បញ្ហាព្រំដែន ជាបញ្ហាសំខាន់ យើងមិនអាចដោះស្រាយតាមអ្នកនាំពាក្យបានទេ មិនអាចដោះស្រាយតាមអ្នកសារព័ត៌មានបានទេ»។
លោកបានថ្លែងបន្តទៀតថា យន្តការមជ្ឈត្តកម្មក្នុងការដោះស្រាយរឿងទឹកដីជារឿងធំធេង មិនមាននៅក្នុងធម្មនុញ្ញរបស់អាស៊ានឡើយ ដូច្នេះហើយកម្ពុជានៅតែរក្សាជំហរដដែល បើទោះបីជាភាគីថៃ មិនឆ្លើយតបទៅនឹងសំណូមពររបស់ខ្មែរក៏ដោយ។


កាលពីពេលថ្មីៗនេះ កាសែតបាងកកប៉ុស្តិ៍របស់ថៃ បានស្រង់សម្ដីលោករដ្ឋមន្ត្រីក្រសួងការបរទេសថៃ លោក Kashit Phirom (កាស៊ីត ភិរម្យ)ថា ថៃមានបំណងសុំឲ្យប្រទេសអាស៊ានបង្កើតយន្តការមជ្ឈត្តកម្មនៃអង្គការអព្យាក្រឹត ដើម្បីដោះស្រាយវិវាទខ្មែរ-ថៃ នៅក្បែរតំបន់ប្រាសាទព្រះវិហារ។


ការផ្សព្វផ្សាយដូច្នេះ ត្រូវបានភាគីខ្មែរចោទថា ថៃកំពុងផ្លាស់ប្តូរជំហរភ្លាមៗ ដែលគេមិនអាចទទួលបាន។
ជាមួយគ្នានេះដែរ លោករដ្ឋមន្ត្រីបានព្រមានថា កម្ពុជាបានអត់ធ្មត់ចំពោះការចង់ដោះស្រាយទ្វេភាគីជាមួយថៃជាអតិបរមារួចមកហើយ ហើយគេនឹងត្រៀមខ្លួនប្តឹងទៅអង្គការអន្តរជាតិ បើសិនជានៅតែមិនអាចទៅរួច។
លោករដ្ឋមន្រ្តីក្រសួងការបរទេស ហោ ណាំហុង មានប្រសាសន៍ថា ៖ «ដល់ពេលណាមួយនោះនឹងលើកបញ្ហានេះទៅដោះស្រាយនៅវេទិកាអន្តរជាតិ គ្រាន់តែចៀសវាងយ៉ាងម៉េចកុំឲ្យមានការប៉ះទង្គិចខាងយោធា ចៀសវាងកុំឲ្យមានការហូរឈាម»។


ទីប្រឹក្សាអមស្ថានទូតថៃ លោក Suwat Kaowsook (ស៊ូវ៉ាត កែវស៊ូក) ថ្លែងបញ្ជាក់ថា ថៃនៅតែរក្សាជំហរក្នុងការព្យាយាមដោះស្រាយដោយសន្តិវិធីដដែល។ លោកច្រានចោលថា ការផ្សព្វផ្សាយតាមកាសែតកន្លងមកនេះជាការភ័ន្តច្រឡំ។
គួរជម្រាបជូនថា ជម្លោះខ្មែរ-ថៃ នៅតំបន់ប្រាសាទព្រះវិហារបានអូសបន្លាយជាច្រើនខែរួចមកហើយ ដែលម្តងម្កាលមានការប៉ះទង្គិចដោយអាវុធផងដែរ។


ប្រធានសមាគមគ្រូបង្រៀនកម្ពុជាឯករាជ្យ លោក រ៉ុង ឈុន បានសាទរចំពោះជំហររបស់ខ្មែរ ដែលប៉ុនប៉ងឲ្យអន្តរជាតិ ក៏ដូចជាសមាគមអាស៊ានដោះស្រាយរឿងនេះ៕

Wednesday, September 23, 2009

រដ្ឋាភិបាលប្តេជ្ញារកយុត្តិធម៌ឲ្យយុវជនកម្ពុជា ដែលត្រូវទាហានថៃដុតទាំងរស់


ដោយ លី ម៉េងហួរ
អត្ថបទចុះផ្សាយកាលពីថ្ងៃទី 17/09/2009 កែប្រែលើកចុងក្រោយកាលពីថ្ងៃទី 17/09/2009 11:41 ម៉ោងសកល


អ្នក​នាំពាក្យ​ក្រសួង​ការបរទេស​ថៃ បាន​ច្រាន​ចោល​ចំពោះ​ដំណឹង ស្តី​ពី ការ​ដុត​យុវជន​ខ្មែរ​ទាំង​រស់ នៅ​ព្រំដែន​ខេត្ត​ឧត្តរមានជ័យ។ ការបដិសេធ​នេះ បាន​ធ្វើ​ឡើង បន្ទាប់ពី​ក្រសួង​ការ​បរទេស​កម្ពុជា ធ្វើ​កំណត់​ទូត ដាក់​ទៅ​កាន់​ភាគី​ថៃ ដោយ​មាន​ទាំង​រូបថត បង្ហាញ​ថា ទាហាន​ថៃ​បាន​បាញ់​យុវជន​កម្ពុជា​ម្នាក់​អាយុ​១៦​ឆ្នាំ ឲ្យ​រង​របួស ហើយ​បាន​ដុត​សម្លាប់​ទាំង​រស់ កាល​ពី​ថ្ងៃ​ទី​១១​កញ្ញា។

ទាហាន​ឈុត​ខ្មៅ​សៀម​នៅ​ ​ព្រំដែន​ព្រះវិហារ(រូបថត ៖ Reuters)
អ្នក​នាំពាក្យ​ក្រសួង​ការបរទេស​ថៃ បាន​អះអាង​ថា​ទាហាន​ឈុត​ខ្មៅ​ថៃ មិន​បាន​បាញ់ និង​ដុត​សម្លាប់​យុវជន​កម្ពុជា ដែល​កាប់​ឈើ​ខុស​ច្បាប់ តាម​ព្រំដែន​កម្ពុជា​ថៃ ក្នុង​ខេត្ត​ឧត្តរមានជ័យ​ឡើយ។


អ្នកនាំពាក្យ​ក្រសួង​ការបរទេស​ថៃ ត្រូវ​បាន​កាសែត​ស្រង់​សម្តី​ថា ក្រោយពី​ទាក់ទង​ជា​មួយ​នឹង​ការិយាល័យ​កិច្ចការ​ព្រំដែន​ថៃ​រួច​មក ក្រសួង​ការបរទេស​ថៃ រក​ឃើញ​ថា របាយ​ការណ៍​ស្តី​ពី​ការ​បាញ់ និង​ដុត​យុវជន​ខ្មែរ​ទាំង​រស់​នោះ មិន​មាន​មូលដ្ឋាន​ច្បាស់​លាស់​ទេ។ ក៏​ប៉ុន្តែ​អ្នក​នាំពាក្យ​រូប​នេះ បាន​បញ្ជាក់​ថា ទាហាន​ថៃ​ក្នុង​ខេត្ត​សុរិន្ទ កាលពី​ថ្ងៃ​១១​កញ្ញា អាទិត្យ​មុន បាន​បាញ់​រះ​ឡើង​លើ បន្ទាប់ពី​ទទួល​ដំណឹង​ថា មាន​យុវជន​កម្ពុជា​ប្រមាណ ៨ នាក់ បាន​លប​ចូល​ទឹកដី​ថៃ ដើម្បី​កាប់​ឈើ។


ការបដិសេធ​របស់​ក្រសួង​ការបរទេស​ថៃ​បែប​នេះ បាន​ធ្វើ​ឡើង​ភ្លាមៗ បន្ទាប់​ពី​ក្រសួង​ការ​បរទេស​កម្ពុជា កាលពី​ថ្ងៃ​ទី​១៤​កញ្ញា បាន​ធ្វើ​កំណត់​ទូត ដាក់​ទៅ​កាន់​ក្រសួង​ការ​បរទេស​ថៃ ដោយ​ថ្កោល​ទោស​ ចំពោះ​អំពើ​អមនុស្សធម៌​របស់​ទាហាន​ឈុត​ខ្មៅ​ថៃ ដែល​បាន​បាញ់ និង​ដុត​សម្លាប់​យុវជន​កម្ពុជា​ម្នាក់​ទាំង​រស់ នៅ​ព្រំដែន​ខេត្ត​ឧត្តរមានជ័យ។


បន្ថែម​លើស​ពី​នេះ នៅថ្ងៃ​ពុធ​ម្សិលមិញ រដ្ឋលេខាធិការ​ក្រសួង​ការបរទេស លោក អ៊ុច បូររិទ្ធ បាន​បញ្ជាក់​ថា រឿង​ទាហាន​ថៃ​ដុត​យុវជន​ខ្មែរ​ទាំង​រស់ គឺ​ជា​ការ​ពិត ព្រោះ​មាន​រូប​ថត កាក​សំណល់​ឆ្អឹង និង​ចំណង​ដែល​ជាប់​នឹង​ដៃ ជា​ភស្ថុតាង។


តាម​មន្ត្រី​ការទូត​កម្ពុជា គឺ​មិនទាន់​មាន​លិខិត​ឆ្លើយ​តប​ជា​ផ្លូវការ​ពី​ក្រសួង​ការបរទេស​ថៃ នៅ​ឡើយ​ទេ នៅ​ក្នុង​រឿង​ទាហាន​ថៃ​ដុត​យុវជន​កម្ពុជា។ តែ​ទោះ​ជា​យ៉ាង​ណា លោក អ៊ុច បូររិទ្ធ បាន​បញ្ជាក់​ថា រដ្ឋាភិបាល​នឹង​មិន​បញ្ឈប់​ការ​តវ៉ា និង​ការ​ទាមទារ​រក​យុត្តិធម៌​ឲ្យ​ស្រប​តាម​ច្បាប់​អន្តរជាតិ និង​ច្បាប់​មនុស្សធម៌​ឡើយ។


លោក អ៊ុច បូររិទ្ធ បាន​បញ្ជាក់​ពី​សំណូមពរ​ដាច់ខាត​របស់​កម្ពុជា គឺ​រដ្ឋាភិបាល​ថៃ ចាំបាច់​ត្រូវ​តែ​ស៊ើប​អង្កេត និង​ចាប់​អ្នក​ប្រព្រឹត្ត​មក​ដាក់​ទណ្ឌ​កម្ម​ឲ្យ​បាន។


ក្នុង​រឿង​ទាហាន​ថៃ​ដុត​យុវជន​កម្ពុជា​ម្នាក់ អាយុ​១៦​ឆ្នាំ ក៏​ត្រូវ​បាន​មេ​ដឹកនាំ​គណបក្ស ជំទាស់ ​សមរង្ស៊ី និង​សង្គម​ស៊ីវិល​នៅ​កម្ពុជា បញ្ចេញ​ប្រតិកម្ម​យ៉ាង​ខ្លាំងក្លា និង​ចាត់ទុក ជា​អំពើ​អមនុស្សធម៌។ លោក សម រង្ស៊ី និង​សង្គម​ស៊ីវិល​ បាន​អំពាវនាវ​ឲ្យ​ចាប់​ខ្លួន​ទាហាន​ថៃ អ្នក​ប្រព្រឹត្ត​ដើម្បី​កាត់ទោស​តាម​ច្បាប់៕

កម្ពុជាថ្កោលទោសអំពើយង់ឃ្នងរបស់ទាហានថៃ


ដោយ លាង ដឺលុច
អត្ថបទចុះផ្សាយកាលពីថ្ងៃទី 15/09/2009 កែប្រែលើកចុងក្រោយកាលពីថ្ងៃទី 15/09/2009 12:31 ម៉ោងសកល


ក្រសួងការបរទេស​កម្ពុជា​បាន​ធ្វើ​កំណត់ទូត​មួយ កាលពី​ថ្ងៃ​ចន្ទ​ម្សិលមិញ ផ្ញើ​ទៅ​ក្រសួង​ការបរទេស​ថៃ ថ្កោលទោស​អំពើ​អមនុស្សធម៌​របស់​ទាហាន​ឈុតខ្មៅ​ថៃ ដែល​បាន​ដុត​ខ្លួន​ក្មេងប្រុស​កម្ពុជា​ទាំងរស់​ នៅ​ព្រំដែន​ខេត្ត​ឧត្តរ​មានជ័យ។


ក្រសួង​ការបរទេស​​ខ្មែរ​​បាន​ធ្វើ​កំណត់ទូត​មួយ​ផ្ញើ​ទៅ​ក្រសួង​ការបរទេស​ថៃ​ នៅ​ថ្ងៃ​ចន្ទ​ ម្សិលមិញ​ ចាត់ទុក​អំពើ​ដុត​កុមារ​ខ្មែរ​ទាំង​រស់​ថា​ ជា​ការ​រំលោភ​យ៉ាង​ធ្ងន់ធ្ងរ​ទៅលើ​គោលការណ៍​មនុស្សធម៌​អន្តរជាតិ ហើយ​ក៏​បាន​រំលោភ​ទៅ​លើ​កំណត់ហេតុ​កិច្ចប្រជុំ​គណៈកម្មការ​ចម្រុះ​កម្ពុជា-ថៃ​ផង​ដែរ។


កំណត់ទូត​របស់​រដ្ឋាភិបាល​កម្ពុជា​ ដែល​ត្រូវ​ផ្ញើ​ទៅ​ក្រសួង​ការបរទេស​ថៃ​បាន​ស្នើ​ឲ្យ​អាជ្ញាធរ​ពាក់ព័ន្ធ​របស់​ថៃ​ចាត់​វិធានការ​ទប់ស្កាត់​អំពើ​អមនុស្សធម៌​បែបនេះ​កុំ​ឲ្យ​កើត​មានឡើង​សាជាថ្មី​ទៀត ហើយ​និង​នាំខ្លួន​ជន​ប្រព្រឹត្ត​អំពើ​ឃោរឃៅ​មក​ផ្តន្ទា​ទោស​តាម​ច្បាប់។


ប្រតិកម្ម​របស់​រដ្ឋាភិបាល​កម្ពុជា​កើត​មាន​ឡើង ក្រោយ​ពេល​ដែល​មាន​ព្រឹត្តិការណ៍​ដ៏​សោកសង្រេង​មួយ​របស់​កុមារ​ខ្មែរ​ម្នាក់ កាល​ពី​ចុង​សប្តាហ៍​កន្លងទៅ។ កាលពី​ថ្ងៃសុក្រ ទី១១ ខែកញ្ញា នៅ​វេលា​ថ្ងៃត្រង់​ អ្នកភូមិ​ ដែល​ស៊ីឈ្នួល​កាប់អុស​ ចំនួន​១០នាក់​បាន​ទទួល​រង​ការ​ដេញ​បាញ់​ប្រហារ​ពី​សំណាក់​ទាហាន​ឈុតខ្មៅ​ថៃ​ នៃ​ខេត្ត​សុរិន្ទ ខាងកើត​ច្រក​ព្រំដែន​អូរស្មាច់។ ក្នុង​ចំណោម​ជន​រងគ្រោះ​ពីរ​នាក់​ដោយសារ​គ្រាប់​កាំភ្លើង​របស់​ទាហាន​ថៃ យុន រិទ្ធ​ ភេទ​ប្រុស​ អាយុ​១៦ឆ្នាំ​ ត្រូវ​ទាហាន​ថៃ​ចាប់​ខ្លួន​បាន ហើយ​យក​ទៅ​ចង​ផ្អោប​ជាប់​នឹង​រទេះ​អូស​ឈើ​២គ្រឿង មុន​នឹង​ចាក់​ប្រេងសាំង​ដុត​សម្លាប់​ទាំង​រស់។


សំណល់​សាកសព​ជន​រងគ្រោះ​ ដែល​សល់តែ​ក្បាល​ ត្រូវ​បាន​អ្នកភូមិ និង​អាជ្ញាធរ​ការពារ​ព្រំដែន​កម្ពុជា​រក​ឃើញ​ នៅក្នុង​គំនរ​ភ្នក់ភ្លើង​ កាលពី​ថ្ងៃ​អាទិត្យ​ ទី​១៣ កញ្ញា។ ជាច្រើនឆ្នាំ​មកហើយ សារព័ត៌មាន​ក្នុង​ស្រុក​តែងតែ​មាន​ការ​ផ្សព្វផ្សាយ​ អំពី​ការ​ធ្វើ​ទុក្ខ​បុកម្នេញ​ពី​ទាហាន​ថៃ​មក​លើ​ប្រជា​ពលរដ្ឋ​ខ្មែរ ដែល​រកស៊ី​តាម​ព្រំដែន និង​ឆ្លង​ទៅ​ធ្វើការ​ នៅលើ​ទឹក​ដី​ថៃ។ ការ​បាញ់​សម្លាប់​ប្រជាពលរដ្ឋ​ខ្មែរ​ ក្រោម​លេស​ថា ចូល​ក្នុង​ទឹកដី​ថៃ​ដោយ​ខុស​ច្បាប់ ការ​រត់ពន្ធ​គ្រឿងញៀន​មិនមែន​ទើប​តែ​កើត​ឡើង​ជា​លើក​ដំបូង​នោះ​ឡើយ។


លោក​ចាន់ សុវេត មន្ត្រី​តាមដាន​ការ​គោរព​សិទ្ធិ​មនុស្ស​របស់​សមាគម​ការពារ​សិទ្ធិ​មនុស្ស​ អាដហុក​ បាន​ថ្លែង​ថា តាមរយៈ​ការ​កត់ត្រា​របស់​សមាគម​អាដហុក ក្នុង​មួយឆ្នាំៗ អំពើ​រំលោភ​សិទ្ធិ​មនុស្ស​ ដែល​ប្រព្រឹត្ត​ឡើង​ដោយ​អាជ្ញាធរ​ថៃ​ មកលើ​ប្រជាពលរដ្ឋ​ខ្មែរ​ មាន​មិនតិច​ជាង​១០ករណី​ទេ។ លោក​ចាន់ សុវេត បាន​ស្នើ​ឲ្យ​អាជ្ញាធរ​ថៃ​ពិចារណា អំពី​ការ​ប្រព្រឹត្ត​របស់​ខ្លួន ដែល​នាំ​ឲ្យ​ប៉ះពាល់​ដល់​ទំនាក់ទំនង​ទ្វេភាគី​នៃ​ប្រទេស​ជិត​ខាង​ទាំងពីរ និង​ដែល​អាច​បង្ក​ឲ្យ​មាន​ការ​គុំគួន​រវាង​ប្រជាជន​ទាំងពីរ​ទៀតផង៕

ពលរដ្ឋនៅបាត់ដំបងទាមទារឲ្យបង្ក្រាបបទល្មើសនេសាទខុសច្បាប់


ក្រុម​អ្នក​តវ៉ា​ជា​ច្រើន​រយ​នាក់​តំណាង​ឲ្យ​ប្រជា​ពលរដ្ឋ​៤​ភូមិ និង​អាជ្ញាធរ​មូលដ្ឋាន បាន​កំណត់​យក​ថ្ងៃ​ទី​២៣ ខែ​កញ្ញា​ខាង​មុខ​នេះ ដើម្បី​ចុះ​បង្ក្រាប​បទ​ល្មើស​នេសាទ​ខុស​ច្បាប់ ដែល​កំពុង​កើត​មាន​ជា​ហូរហែ​ក្នុង​ផ្ទៃ​បឹង ស្ថិត​នៅ​ភូមិសាស្ត្រ​ឃុំ​កំពង់​ព្រៀង ស្រុក​សង្កែ ខេត្ត​បាត់ដំបង។

ការ​ព្រមព្រៀង​គ្នា​នេះ ធ្វើ​ឡើង បន្ទាប់​ពី​ក្រុម​អ្នក​តវ៉ា ជិត​១០០​នាក់​មក​ពី​ភូមិ​ចំនួន​៤​ក្នុង​ឃុំ បាន​លើក​គ្នា​ធ្វើ​បាតុ​កម្ម​នៅ​ខាង​មុខ​សាលា​ឃុំ​កំពង់​ព្រៀង នា​ព្រឹក​ថ្ងៃ​ច័ន្ទ ទី​២១ ខែ​កញ្ញា ដើម្បី​ទាមទារ​ឲ្យ​អាជ្ញាធរ​ជល​ផល​និង​មន្ត្រី​មូលដ្ឋាន​ចុះ​បង្ក្រាប​បទ​ល្មើស​នេសាទ​ខុស​ច្បាប់។


លោក សោម សារិទ្ធិ តំណាង​ក្រុម​អ្នក​តវ៉ា​បាន​ថ្លែង​ថា ការ​ដាក់​អួន​ក្រឡា​ញឹក ឬ​ហៅ​ថា ណរ​រ៉ាវ មាន​ប្រវែង​ចាប់​ពី ៥០០​ម៉ែត្រ​ឡើង​ទៅ ប្រហែល​៣០​កន្លែង ត្រូវ​បាន​ជន​ល្មើស​ដាក់​ចាប់​ត្រី​នៅ​ពេញ​ផ្ទៃ​ទឹក​បឹង ត្រង់​ភូមិ​សាស្ត្រ​ព្រៃ​រនាម​ក្រោម ក្នុង​ឃុំ​កំពង់​ព្រៀង ស្រុក​សង្កែ ខេត្ត​បាត់​ដំបង ៖ «មិន​បាច់​ចាំ​អាជ្ញាធរ​ចុះ​បង្ក្រាប​ក៏​បាន សុំ​សិទ្ធិ​ឲ្យ​ប្រជាពលរដ្ឋ​បង្ក្រាប​ផ្ទាល់​តែ​ម្តង ពី​ខែ​៩ រហូត​ដល់​ខែ​១១ គឺ​សុំ​ឲ្យ​ប្រជា​ពលរដ្ឋ​ចុះ​ចូលរួម​ផ្ទាល់​តែ​ម្ដង ព្រោះ​រយៈ​កាល​កន្លង​មក អាជ្ញាធរ​ថា​បង្ក្រាប តែ​មិន​បាន​បង្ក្រាប​ទេ គឺ​កាន់​តែ​កើន​ឡើង»។


លោក ម៉ឹង នី ក្នុង​ចំណោម​អ្នក​តវ៉ា​ជិត ១០០​នាក់ បាន​បន្ថែម​ថា៖ «ខ្ញុំ​ឃើញ​ទាំង​ប៉ូលិស ទាំង​ក្រសួង​ជំនាញ​គេ​ចុះ​ទៅ​ហ្នឹង គេ​ចុះ​ទៅ​កាត់​៤​ម៉ែត្រ ៥​ម៉ែត្រ ១០​ម៉ែត្រ គេ​ទៅ​ទៀត​ទៅ។ មួយ​ថ្ងៃ​ទៅ​ពីរ​បី​កន្លែង ទៅ​ធ្វើ​អី​កើត»។


ប្រភព​ពី​ក្រុម​អ្នក​ភូមិ​បាន​ថ្លែង​ថា បទ​ល្មើស​នេសាទ​ខាង​លើ​នេះ​កំពុង​គំរាម​កំហែង​ទៅ​ដល់​ធន​ធាន​មច្ឆជាតិ​និង​ធ្វើ​ឲ្យ​ប៉ះពាល់​ដល់​ក្រុម​អ្នក​ភូមិ​មិន​អាច​ប្រកប​របរ​នេសាទ​ជា​លក្ខណៈ​គ្រួសារ​បាន។


លោក អ៊ុក សាវ៉ាត តំណាង​សហគមន៍​នេសាទ​ភូមិ​កាច់​រទេះ​ក្នុង​ឃុំ​កំពង់​ព្រៀង បាន​ថ្លែង​ទទួល​ស្គាល់​ថា ពិត​ជា​មាន​បទ​ល្មើស​នេសាទ​កើន​ឡើង​មែន ៖ «អ្នក​ដាក់​ណរ​រ៉ាវ គឺ​សុទ្ធ​តែ​អ្នក​មក​ពី​ក្រៅ មិន​មែន​អ្នក​ភូមិ​យើង​ទេ»។


ទាក់ទង​ទៅ​នឹង​ការ​ទាមទារ​របស់​ក្រុម​អ្នក​ភូមិ​នេះ លោក ង៉ែត សឿ មេ​ឃុំ​កំពង់​ព្រៀង បាន​ថ្លែង​ថា អាជ្ញាធរ​ឃុំ​បាន​យល់​ព្រម​តាម​ការ​ទាមទារ​របស់​ភូមិ ដោយ​បាន​កំណត់​យក​ថ្ងៃ​ទី​២៣ ខែ​កញ្ញា ចុះ​បង្ក្រាប​បទ​ល្មើស​នេសាទ​រួម​គ្នា ៖ «អាជ្ញាធរ​និង​សមត្ថកិច្ច​គឺ​ចូលរួម​លើ​ការងារ​ការពារ​ផ្លូវ​ច្បាប់ ការពារ​សុវត្ថិភាព​ហើយ ស្បៀង​អាហារ​មួយ​ចំនួន ព្រម​ទាំង​មធ្យោបាយ​មួយ​ចំនួន​ទៀត»។


ទោះ​យ៉ាង​ណា គេ​មិន​ឃើញ​មាន​វត្តមាន​មន្ត្រី​ជល​ផល​ទៅ​បង្ហាញ​មុខ ខណៈ​ដែល​អ្នក​ភូមិ​ធ្វើការ​តវ៉ា​នេះ​ទេ។


លោក ហេង ពិសិដ្ឋ នាយ​ខណ្ឌ​រដ្ឋបាល​ជល​ផល​ខេត្ត​បាត់ដំបង ធ្លាប់​បាន​អះអាង​ថា ការ​ចុះ​បង្ក្រាប​បទ​ល្មើស​នេសាទ​នៅ​ព្រៃ​រនាម​ក្រោម គឺ​បាន​ធ្វើ​ឡើង​ចំនួន​ពីរ​លើក។


យ៉ាង​នេះ​ក្តី ក្រុម​អ្នក​ភូមិ​បាន​ថ្លែង​ថា មន្ត្រី​ជល​ផល មន្ត្រី​ឃុំ និង​សហគមន៍​ដែល​ចុះ​ទៅ​បង្ក្រាប​បទ​ល្មើស​នេសាទ​នៅ​ភូមិ​សាស្ត្រ​ខាង​លើ​នេះ នា​ពេល​កន្លង​មក គឺ​មិន​មាន​ប្រសិទ្ធ​ភាព។


លោក យិន ម៉េងលី មន្ត្រី​ស៊ើប​អង្កេត​នៃ​សមាគម​ការពារ​សិទ្ធិ​មនុស្ស​អាដហុក បាន​ថ្លែង​ថា ការ​ទាមទារ​របស់​អ្នក​ភូមិ​គឺ​ជា​ការ​ត្រឹមត្រូវ។ ប៉ុន្តែ​បញ្ហា​សំខាន់ គឺ​ស្ថិត​នៅ​លើ​ឆន្ទៈ​របស់​អាជ្ញាធរ​ចម្រុះ​ខេត្ត​បាត់​ដំបង ដែល​មាន​តួនាទី​ក្នុង​ការ​បង្ក្រាប​បទ​ល្មើស​នេសាទ ឬ​ពួក​គេ​ដឹង​ហើយ​ធ្វើ​ជា​មិន​ដឹង​មិន​ឮ៕

និពន្ធនាយកកាសែត ឌឹ ឃែមបូឌា ដេលី ត្រូវផ្តន្ទាទោសពីបទផ្សាយព័ត៌មានបរិហារកេរ្តិ៍បន្ត


តុលាការ​រាជធានី​ភ្នំពេញ​បាន​ផ្តន្ទា​ទោស​និពន្ធ​នាយក​កាសែត ឌឹ ឃែមបូឌា ដេលី (The Cambodia Daily) និង​អ្នក​យក​ព័ត៌មាន​មា្នក់​ទៀត ក្រោម​បទ​ផ្សាយ​ព័ត៌មាន​បរិហារ​កេរ្តិ៍​បន្ត។

តុលាការ​រាជធានី​ភ្នំពេញ​នៅ​ថៃ្ង​២២ កញ្ញា បាន​ប្រកាស​សាលក្រម​ផ្តន្ទា​ទោស លោក ខេវិន ដូល (Kevin Doyle) ជា​និពន្ធ​នាយក​នៃ​កាសែត ឌឹ ឃែមបូឌា ដេលី (The Cambodia Daily) និង​អ្នក​យក​ព័ត៌មាន​មា្នក់​ទៀត គឺ​លោក ណៅ វ៉ាន់ណារិន ដោយ​ផាក​ពិន័យ​ជា​ប្រាក់​ចំនួន​ម្នាក់ៗ​៤​លាន​រៀល ក្រោម​បទ​ផ្សាយ​ព័ត៌មាន​បរិហារ​កេរ្តិ៍​បន្ត ប៉ុន្តែ​តុលាការ​ដដែល​បាន​ប្រកាស​លើកលែង​ការ​ចោទ​ប្រកាន់​លើ​លោក ហូ វ៉ាន់ តំណាង​រាស្រ្ត​បក្ស​សមរង្ស៊ី។


លោក សិន វិសាល ជា​ចៅក្រម​ជម្រះ​ក្តី​នៃ​តុលាការ​សាលា​ដំបូង​រាជធានី​ភ្នំពេញ បាន​អាន​សាលក្រម​ថា តុលាការ​ផ្តន្ទា​ទោស​លោក ខេវិន ដូល អាយុ​៤១​ឆ្នាំ និង​លោក ណៅ វ៉ាន់ណារិន អាយុ​២៦​ឆ្នាំ ដោយ​ពិន័យ​ជា​ប្រាក់​ម្នាក់ៗ​៤​លាន​រៀល​ក្រោម​បទ​ផ្សាយ​ព័ត៌មាន​បរិហារ​កេរ្តិ៍​បន្ត កាល​ពី​ថៃ្ង​ទី​២១ ខែ​មេសា ឆ្នាំ​២០០៩​កន្លង​ទៅ។


ចៅក្រម​ដដែល​បាន​ប្រកាស​សាលក្រម​បន្ត​ទៀត​ថា តុលាការ​លើកលែង​ការ​ចោទ​ប្រកាន់​លើ​លោក ហូ វ៉ាន់ អាយុ​៦២​ឆ្នាំ ឲ្យ​រួច​ផុត​ពី​ការ​ចោទ​ប្រកាន់​ក្រោម​បទ​បរិហារ​កេរ្ដិ៍។


លោក ជា ប៉ូច តំណាង​រាស្រ្ត​ខាង​គណបក្ស​សមរង្ស៊ី ដែល​បាន​ចូលរួម​តាមដាន​ស្ដាប់​ការ​ប្រកាស​សាលក្រម​នោះ បាន​មាន​ប្រសាសន៍​នៅ​ខាង​ក្រៅ​តុលាការ​ថា លោក​មាន​ការ​ពេញ​ចិត្ត​ចំពោះ​សាលក្រម​នេះ។


លោក ជា ប៉ូច បាន​បញ្ជាក់​ថា ៖ «ខ្ញុំ​យល់​ឃើញ​ថា​គឺ​ជា​ការ​ល្អ ហើយ​ឆ្ពោះ​ទៅ​លទ្ធិ​ប្រជាធិបតេយ្យ​នៅ​ស្រុក​ខ្មែរ​យើង។ ខ្ញុំ​អម្បាញ់​មិញ​នេះ ខ្ញុំ​បាន​ទូរស័ព្ទ​ទៅ​សហការី​ដើម្បី​ប្រាប់​ថា បញ្ជូន​ព័ត៌មាន​ទៅ​លោក ហូ វ៉ាន់ ភ្លាម ដើម្បី​ឲ្យ​លោក ហូ វ៉ាន់ វិល​ត្រឡប់​មក​ប្រទេស​កម្ពុជា​វិញ»។


លោក ខេវិន ដូល និពន្ធ​នាយក​នៃ​កាសែត ឌឹ ឃែមបូឌា ដេលី បាន​មាន​ប្រសាសន៍​ថា លោក​គ្មាន​អត្ថាធិប្បាយ​អី្វ​ទេ​ជុំវិញ​រឿង​នេះ។


លោក អំ សំអាត ជា​ប្រធាន​ផែ្នក​ស៊ើប​អង្កេត​នៃ​អង្គការ​សិទ្ធិ​មនុស្ស​ក្រៅ​រដ្ឋាភិបាល​មួយ ហៅ​កាត់​ថា លីកាដូ បាន​ថែ្លង​ថា ៖ «ឲ្យ​លោក ហូ វ៉ាន់ រួច​ខ្លួន​ពី​ការ​ចោទ​ប្រកាន់ នេះ​ជា​ការ​ត្រឹមត្រូវ ហើយ​មួយ​ទៀត​គឺ​ការ​សម្រេច​ឲ្យ​និពន្ធ​នាយក ខេមបូឌា ដេលី ក៏​ដូច​ជា​អ្នក​យក​ព័ត៌មាន ខេមបូឌា ដេលី ផ្តន្ទា​ទោស​ដោយ​សង​ជា​ប្រាក់​៤​លាន​រៀល​នេះ យើង​ឃើញ​ថា វា​មិន​មែន​ជា​ភាព​យុត្តិធម៌​សម្រាប់​អ្នក​ទាំង​ពីរ​ទេ»។


រីឯ​លោក ចាន់ សុវ៉េត ជា​មន្រ្តី​ស៊ើប​អង្កេត​នៃ​អង្គការ​ការពារ​សិទ្ធិ​មនុស្ស​អាដហុក បាន​ថែ្លង​ថា ៖ «ប៉ុន្តែ​យើង​សោកស្ដាយ​ចំពោះ​ការ​ដាក់​ពិរុទ្ធ ដាក់​ពិន័យ​ទៅ​លើ​អ្នក​សារព័ត៌មាន នេះ​ជា​ហេតុ​មួយ​ធ្វើ​ឲ្យ​សារព័ត៌មាន​យើង​ជួប​ប្រទះ​នូវ​បញ្ហា​ដែរ។ គួរតែ​មាន​ការ​ប្រុង​ប្រយ័ត្ន​ទុក​ជា​មេរៀន​មួយ​សម្រាប់​ឲ្យ​ក្រុម​អ្នក​សារព័ត៌មាន​យើង​ត្រូវតែ​ទទួល​ខុស​ត្រូវ​ចំពោះ​បញ្ហា​ហ្នឹង»។
ការ​ប្រកាស​សាលក្រម​នេះ​បាន​ធ្វើ​ឡើង​ក្រោយ​ពី​តុលាការ​សាលា​ដំបូង​រាជធានី​ភ្នំពេញ​បាន​បើក​ការ​ជម្រះ​ក្តី​លើ​សំណុំរឿង​នេះ កាល​ពី​ថៃ្ង​ទី​៩ ខែ​កញ្ញា​កន្លង​ទៅ​នេះ។


សូម​ជម្រាប​ថា លោក ហូ វ៉ាន់ តំណាង​រាស្រ្ត​គណបក្ស​សមរង្ស៊ី បាន​រង​ការ​ប្តឹង​ពី​សំណាក់​មន្រ្តី​យោធា​ចំនួន​២២​នាក់​ក្រោម​បទ​បរិហារ​កេរ្តិ៍ ក្រោយ​ពី​រូប​លោក​បាន​ធ្វើ​អត្ថាធិប្បាយ​មួយ​ប្រាប់​កាសែត ឌឹ ឃែមបូឌា ដេលី កាល​ពី​ថៃ្ង​ទី​២០ ខែ​មេសា​កន្លង​ទៅ ដោយ​ចោទ​ប្រកាន់​ថា សញ្ញាបត្រ​ដែល​មន្រ្តី​យោធា​ទាំង​នោះ​បាន​បញ្ចប់​ការ​សិក្សា​នៅ​ក្នុង​ប្រទេស​វៀតណាម គឺ​គ្មាន​តម្លៃ​និង​គុណភាព​ទេ។ ក្រោយ​មក​លោក​បាន​សុំ​ទោស​ពី​រឿង​នេះ ហើយ​បាន​សុំ​ឲ្យ​មាន​ផ្សាយ​កែ​តម្រូវ។


រីឯ​កាសែត ឌឹ ឃែមបូឌា ដេលី ដែល​បាន​ដកស្រង់​សម្ដី​មក​ចុះ​ផ្សាយ​នោះ​បាន​រង​ការ​ប្តឹង​ផងដែរ​ក្រោម​បទ​ផ្សាយ​ព័ត៌មាន​បរិហារ​កេរ្តិ៍​បន្ត។


ហូ វ៉ាន់ អំពាវនាវ​ឲ្យ​មាន​ការ​លើកលែង​ទោស​អ្នក​សារព័តមាន
អ្នក​តំណាង​រាស្រ្ដ ហូ វ៉ាន់ នៃ​គណបក្ស​សមរង្ស៊ី បាន​សម្ដែង​សេចក្ដី​ត្រេកអរ តែ​ក៏​បាន​អំពាវនាវ​ផងដែរ​ឲ្យ​មាន​ការ​លើកលែង​ទោស​អ្នក​សារព័ត៌មាន។


លោក ហូ វ៉ាន់ បាន​ថ្លែង​ថា ៖ «ទើប​បាន​ដំណឹង​ពី​សេចក្ដី​ប្រកាស​សាលក្រម​សាលា​ដំបូង រាជធានី​ភ្នំពេញ ក្នុង​ករណី​របស់​ខ្ញុំ​បាទ នៅ​ឯ​ក្រៅ​ប្រទេស​នេះ មាន​សេចក្ដី​ត្រេកអរ​ជា​អតិបរិមា ហើយ​ក៏​សុំ​បញ្ជាក់​ថែម​ដែរ គឺ​ខ្ញុំ​ពុំ​បាន​ធ្វើការ​សុំ​ទោស​ទេ នោះ​គឺ​យើង​ខ្ញុំ​ធ្វើការ​កែ​តម្រូវ​ក្នុង​កាសែត ឃែមបូឌា ដេលី ដែល​តុលាការ​សាលា​ដំបូង យក​បញ្ហា​នេះ​យក​មក​វិភាគ​បាន​ត្រឹមត្រូវ ហើយ​ធ្វើការ​វិនិច្ឆ័យ​ដោយ​យុត្តិធម៌។ ប៉ុន្តែ​ខ្ញុំ​សូម​អំពាវនាវ​ដល់​តុលាការ​សាលា​ដំបូង​ជួយ​សម្រួល​យ៉ាង​ណា​ឲ្យ​លោក ខេវិញ ដូល និង​លោក នៅ វណ្ណារិន កាសែត ខេមបូឌា ដេលី បាន​រួច​ខ្លួន​ដែរ ពីព្រោះ​គាត់​បាន​កែ​តម្រូវ​ក្នុង​ព័ត៌មាន​របស់​គាត់»។


លោក ហូ វ៉ាន់ ក៏​បាន​បញ្ជាក់​ផងដែរ​ថា ក្រោយ​បាន​ទទួល​សាលក្រម​នេះ​ហើយ លោក​នឹង​អញ្ជើញ​ត្រឡប់​មក​មាតុ​ប្រទេស​វិញ៕

Tuesday, September 15, 2009

សមត្ថកិច្ចខែត្រកំពង់ធំតាមចាប់ជនសង្ស័យបាញ់ សម្លាប់សកម្មជនបក្សសមរង្ស៊ី


សមត្ថកិច្ច​នគរបាល​នៅ​ស្រុក​ស្ទោង ខេត្ត​កំពង់ធំ បាន​អះអាង​ថា គេ​បាន​ទទួល​ដីកា​ពី​តុលាការ​ខេត្ត​ហើយ​ដើម្បី​ស្វែងរក​ចាប់​ខ្លួន​ជន​សង្ស័យ​ម្នាក់​ដែល​សមត្ថកិច្ច​បាន​កំណត់​មុខសញ្ញា​ថា​បាន​បាញ់​សម្លាប់​សកម្មជន​បក្សសមរង្ស៊ី លោក ទូច ហូត កាល​ពី​យប់​ថៃ្ង​៤ កញ្ញា​កន្លង​ទៅ​នេះ នៅ​ក្នុង​ឃុំ​ចំណារលើ ស្រុក​ស្ទោង។

លោក សឹម ញឿន ជា​អធិការ​រង​នគរបាល​ស្រុង​ស្ទោង ខេត្ត​កំពង់ធំ បាន​មាន​ប្រសាសន៍​បញ្ជាក់​ប្រាប់​វិទ្យុ​អាស៊ីសេរី​តាម​ទូរស័ព្ទ​មក​ថា លោក​បាន​ទទួល​ដីកា​តាម​ចាប់​ខ្លួន​ជន​សង្ស័យ​ម្នាក់ ប៉ុន្តែ​ជន​សង្ស័យ​នោះ​បាន​រត់​គេច​ខ្លួន​ពី​ផ្ទះ​សម្បែង​ហើយ​កាល​ពី​ពេល​ថ្មីៗ​នេះ ៖ «តែ​ម្នាក់​ទេ ប៉ុន្តែ​យើង​ឃ្លាំ​មើល​រាល់​ថ្ងៃ​ហ្នឹង តាំង​ពី​ហ្នឹង​មក​វា​គេច​ខ្លួន​បាត់​ទៅ»។


សុខ សេរី ៖ ប៉ុន្តែ​តាម​ពិត​ពីរ​នាក់? សឹម ញឿន ៖ ពីរ ប៉ុន្តែ​ច្បាស់​តែ​ម្នាក់​ហ្នឹង។ ឃ្លាំ​ចាំ​មើល​ឲ្យ​តែ​ឃើញ​នឹង​អាល​ចាប់​តែម្ដង។ សុខ សេរី ៖ ចាប់​ពី​បទ​អី? សឹម ញឿន ៖ មនុស្ស​ឃាត មិន​មែន​ជា​រឿង​នយោបាយ​ទេ។


លោក ទេព លឹម សមាជិក​ក្រុមប្រឹក្សា​ស្រុក​ស្ទោង​ខាង​គណបក្ស​សមរង្ស៊ី​ដែល​បាន​ដឹង​ហេតុការណ៍​ឃាតកម្ម​នោះ បាន​មាន​ប្រសាសន៍​ថា ជន​សង្ស័យ​នៅ​ក្នុង​ឃាតកម្ម​នោះ​គឺ​មាន​ចំនួន​ពីរ​នាក់ ៖ «បើ​តាម​សាក្សី​អ្នក​ស្រុក​ឃើញ ពីរ​នាក់ ម្នាក់​នាក់​ឌុប ហើយ​ម្នាក់​នាក់​បាញ់»។


សុខ សេរី ៖ តើ​លោក​សំណូមពរ​យ៉ាង​ម៉េច? ទេព លឹម ៖ ខ្ញុំ​អត់​មាន​សំណូមពរ​អី​ទេ គ្រាន់​តែ​ថា ចង់​ឲ្យ​លោក​ខាង​តុលាការ​ហ្នឹង​រក​ចាប់​ខ្លួន​ឲ្យ​ផង ព្រោះ​ម្ចាស់​ផ្ទះ​ហ្នឹង​គេ​អត់​មាន​លទ្ធភាព​អី​ទេ។


លោក ចាន់ សុវ៉េត ជា​មន្រ្តី​ស៊ើប​អង្កេត​នៃ​អង្គការ​ការពារ​សិទ្ធិ​មនុស្ស​ក្រៅ​រដ្ឋាភិបាល​មួយ ហៅ​កាត់​ថា អាដហុក បាន​មាន​ប្រសាសន៍​ថា ដំណើរ​ស៊ើប​អង្កេត​របស់​លោក​កំពុង​តែ​ដំណើរការ​នៅ​ទ្បើយ។


លោក ចាន់ សុវ៉េត បាន​មាន​ប្រសាសន៍​ថា ៖ «ខាង​យើង​ខ្ញុំ​មិន​ទាន់​និយាយ​ថា វា​ជា​រឿង​នយោបាយ​ឬ​ក៏​ជា​រឿង​ស្អី​នៅ​ឡើយ​ទេ ប៉ុន្តែ​គ្រាន់តែ​ថា​យើង​បាន​ដឹង ខាង​ប៉ូលិស​គេ​បាន​ប្រាប់​អ៊ីចឹង​ដែរ ហើយ​ខាង​យើង​បាន​ធ្វើ​សេចក្ដី​រាយការណ៍​មក​ថា ឃាតករ​ត្រូវ​បាន​គេ​កត់​សម្គាល់​ហើយ។ ខាង​យើង​ខ្ញុំ​មិន​ទាន់​បាន​ធ្វើការ​សន្និដ្ឋាន​ថា តើ​វា​មក​ពី​ហេតុផល​អ្វី​ខ្លះ?»។


រីឯ​លោក ស៊ុន ធន់ ជា​សមាជិក​ក្រុមប្រឹក្សា​ខេត្ត​កំពង់ធំ​នៃ​គណបក្ស​សមង្ស៊ី បាន​មាន​ប្រសាសន៍​ថា ៖ «ខ្ញុំ​សូម​អំពាវនាវ​ឲ្យ​សមត្ថកិច្ច​មេត្តា​ចាប់​ឃាតករ​ពិត​ប្រាកដ ចាប់​ឲ្យ​ចំ​ឃាតករ​ពិត​ប្រាកដ ហើយ​សូម​ឲ្យ​ផ្ដន្ទា​ទោស​តាម​ច្បាប់»។
សូម​ជម្រាប​ថា លោក ទូច ហូត អាយុ​៤៥​ឆ្នាំ ជា​សកម្មជន​គណបក្ស​សមរង្ស៊ី​នៅ​ក្នុង​ភូមិ​គរ ឃុំ​ចំណារលើ ស្រុក​ស្ទោង ខេត្ត​កំពង់ធំ ត្រូវ​បាន​ប្រភព​អះអាង​ថា លោក​ត្រូវ​បាន​ឃាតករ​បិទ​មុខ​ចំនួន​ពីរ​នាក់​បាន​ជិះ​ម៉ូតូ​មក​ឈប់​នៅ​ក្បែរ​ផ្ទះ ហើយ​បាន​បាញ់​សម្លាប់​ចំនួន​ពីរ​គ្រាប់ កាល​ពី​យប់​ថៃ្ង​ទី​៤ ខែ​កញ្ញា​កន្លង​ទៅ នៅ​វេលា​ម៉ោង​៧​កន្លះ​យប់ នៅ​គ្រា​ដែល​រូប​លោក​និង​ក្រុម​គ្រួសារ​អង្គុយ​ទទួល​ទាន​បាយ​ជុំ​គ្នា​នៅ​ក្នុង​ផ្ទះ។


គណបក្ស​សមរង្ស៊ី​បាន​ចេញ​សេចក្តី​ថែ្លង​ការណ៍​មួយ​កាល​ពី​ថៃ្ង​ទី​៥ ខែ​កញ្ញា​កន្លង​ទៅ​នេះ ថ្កោលទោស​អំពើ​ឃាតកម្ម​នោះ៕

ទាហានថៃចូលសង់ខ្ទមលើបន្ទាត់ព្រំដែន នៅជាប់ច្រកជប់គគីរ


កង​យោធា​រក្សា​ព្រំដែន​ខ្មែរ​នៅ​ឃុំ​អំពិល ស្រុក​បន្ទាយ​អំពិល ខេត្ត​ឧត្តរ​មាន​ជ័យ បាន​ឲ្យ​ដឹង​ថា គេ​កំពុង​ព្យាយាម​បណ្តេញ​កង​ទាហាន​ឈុត​ខ្មៅ​ថៃ​ចំនួន​១៥​នាក់ ដែល​បាន​ចូល​មក​សាង​សង់​ខ្ទម​៦​ខ្នង​នៅ​តំបន់​ព្រំដែន​ដែល​មិន​ទាន់​ដាច់​ស្រេច​នៅ​ជាប់​ច្រក​ជប់​គគីរ ឲ្យ​រុះ​រើ​និង​ចាក​ចេញ​ទៅ​វិញ​ត្រឹម​ថ្ងៃ​ច័ន្ទ​ទី​១៤ ខែ​កញ្ញា។

កង​កម្លាំង​រក្សា​ព្រំ​ដែន​ខ្មែរ​មួយ​រូប​ប្រចាំ​ច្រក​ប៉ុស្តិ៍​ជប់​គគីរ​នោះ ដែល​សុំ​មិន​បញ្ចេញ​ឈ្មោះ​បាន​មាន​ប្រសាសន៍​កាល​ពី​ព្រឹក​ថ្ងៃ​ច័ន្ទ ទី​១៤ ខែ​កញ្ញា​ថា ទាហាន​ឈុត​ខ្មៅ​ថៃ​ចំនួន​១៥​នាក់​បាន​ចូល​មក​សង់​ខ្ទម​ចំនួន​៦​ខ្នង​នៅ​លើ​បន្ទាត់​ព្រំ​ដែន ដែល​មិន​ទាន់​ដាច់​ស្រេច​តាំង​ពី​ថ្ងៃ​ទី​១១ ខែ​កញ្ញា​មក​ម៉្លេះ។


កង​រក្សា​ព្រំដែន​ខ្មែរ​ដដែល​បាន​ហៅ​សកម្មភាព​របស់​ទាហាន​ឈុត​ខ្មៅ​ថៃ​ទាំង​នោះ​ថា ជា​ការ​រំលោភ​លើ​អនុស្សរណៈ​នៃ​ការ​យោគយល់​គ្នា​ស្តីពី​បញ្ហា​ព្រំ​ដែន ដែល​រដ្ឋាភិបាល​ខ្មែរ​-ថៃ​បាន​ចុះ​ហត្ថលេខា​ជាមួយ​គ្នា​កាល​ពី​ឆ្នាំ​២០០០​កន្លង​មក ហើយ​កង​រក្សា​ព្រំ​ដែន​ខ្មែរ​បាន​ដាក់​កំហិត​ឲ្យ​ទាហាន​ថៃ​ឈុត​ខ្មៅ​ទាំង​នោះ​រុះ​រើ​ខ្ទម​និង​ចាក​ចេញ​ឲ្យ​អស់​ត្រឹម​ថ្ងៃ​ច័ន្ទ​នេះ ៖ «ទាហាន​ឈុត​ខ្មៅ មក​ធ្វើ​ផ្ទះ ១៥​នាក់ ខ្ញុំ​ទៅ​ចរចា​គ្នា​ឲ្យ​រើ​ថ្ងៃ​នេះ ប៉ុន្តែ​ខ្ញុំ​អត់​ទាន់​បាន​ទៅ​មើល ព្រោះ​ខ្ញុំ​ត្រូវ​វេន​[បិណ្ឌ]​ក្នុង​វត្ត ខ្ញុំ​ក៏​មក​ធ្វើ​បុណ្យ​នៅ​វត្ត​សិន»។


ជំនួយការ​របស់​អភិបាល​ខេត្ត​ឧត្តរ​មាន​ជ័យ លោក ឈឹម ស៊ីវុធ បាន​មាន​ប្រសាសន៍​ថា ទាហាន​ឈុត​ខ្មៅ​ថៃ​ទាំង​១៥​នាក់​នោះ​នៅ​ក្នុង​អង្គភាព​កង​រយ​លេខ​២១០៧ បាន​មក​សង់​ជម្រក​នៅ​លើ​បន្ទាត់​ព្រំដែន​ដែល​មិន​ទាន់​ច្បាស់​លាស់ ហើយ​កង​រក្សា​ព្រំដែន​ខ្មែរ​បាន​ដាក់​កំហិត​នៅ​ពេល​ជួប​ចរចា​គ្នា​ កាល​ពី​ថ្ងៃ​ទី​១២ ខែ​កញ្ញា​មក​ថា យ៉ាង​យូរ​ត្រឹម​៥​ថ្ងៃ​គឺ​ឲ្យ​ទាហាន​ថៃ​ទាំង​នោះ​រុះ​រើ​ឲ្យ​អស់​និង​ដក​កម្លាំង​ចាក​ចេញ​ទៅ​វិញ។


លោក ឈឹម ស៊ីវុធ ថ្លែង​យ៉ាង​ដូច្នេះ ៖ «ថៃ​មួយ​ក្រុម​នៅ​ក្នុង​កង​រយ​លេខ​២១០៧ បាន​មក​សង់​ជម្រក​នៅ​លើ​បន្ទាត់​ព្រំ​ដែន​ដែល​មិន​កំណត់​ច្បាស់​លាស់ ហើយ​កម្លាំង​យើង​បាន​ឃាត់​និង​ឲ្យ​វា​រុះ​រើ ដោយ​យើង​ដាក់​ខ​ឲ្យ​វា ៥​ថ្ងៃ​យ៉ាង​យូរ​គិត​ពី​ថ្ងៃ​ចរចា​កាល​ពី​ថ្ងៃ​ទី​១២​[កញ្ញា]​ហ្នឹង​មក»។
មន្ត្រី​ព្រំ​ដែន​ខ្មែរ​បាន​ឲ្យ​ដឹង​ថា នៅ​ពេល​ចរចា​​ក្រុម​ទាហាន​ថៃ​ទាំង​នោះ​បាន​យល់​ព្រម​ទទួល​យក​ការ​ដាក់​លក្ខខណ្ឌ​របស់​ខ្មែរ ក៏​ប៉ុន្តែ​គេ​នៅ​រង់​ចាំ​មើល​ថា​តើ​ទាហាន​ថៃ​ទាំង​នោះ​នឹង​ចាក​ចេញ​ពី​ចំណុច​ព្រំដែន​មិន​ទាន់​ដាច់​ស្រេច​នោះ​ដូច​ដែល​ពួក​គេ​សន្យា​ឬ​យ៉ាង​ណា​នោះ៕

សាលាឧទ្ធរណ៍បង្វិលសំណុំរឿង ជា វិជ្ជា ឲ្យសាលាដំបូង រាជធានីភ្នំពេញ ស៊ើបបន្ថែម


តុលាការ​សាលា​ឧទ្ធរណ៍​បាន​សម្រេច​បង្វិល​សំណុំរឿង​ជា​ផ្លូវការ​ហើយ​កាល​ពី​ដើម​សប្តាហ៍​កន្លង​ទៅ​នេះ​ទៅ​តុលាការ​សាលា​ដំបូង​រាជធានី​ភ្នំពេញ ដើម្បី​បើក​កិច្ច​ស៊ើប​អង្កេត​បន្ថែម​ទៀត​លើ​សំណុំរឿង​ឃាតកម្ម​លើ លោក ជា វិជ្ជា អតីត​ប្រធាន​សហជីព​សេរី​កម្មករ​កម្ពុជា កាល​ពី​ខែ​មករា ឆ្នាំ​២០០៤។

លោក ជួន ស៊ុនទ្បេង ជា​អនុ​ប្រធាន​នៃ​តុលាការ​សាលា​ឧទ្ធរណ៍ និង​ជា​ចៅក្រម​ផងដែរ​នោះ បាន​មាន​ប្រសាសន៍​បញ្ជាក់​ប្រាប់​វិទ្យុ​អាស៊ីសេរី​ថា ៖ «បង្វិល​ទៅ​ពី​ថ្ងៃ​ច័ន្ទ​ឲ្យ​ចៅក្រម​ស៊ើបសួរ ព្រោះ​គេ​មាន​កម្លាំង​ប៉ូលិស ប៉េអឹម​ច្រើន។ អា​នេះ​តាម​សាល​ដីកា​កំពូល​ទេ»។


សុខ សេរី ៖ បង្វិល​ហ្នឹង​ដើម្បី​ឲ្យ​ស៊ើប​ឡើង​វិញ​ឬ​ក៏​កាត់​ឡើង​វិញ? ជួន ស៊ុនឡេង ៖ ស៊ើប​តើ! ស៊ើប​បាន​លទ្ធផល​ម៉េចៗ​គេ​បញ្ជូន​មក​ឲ្យ​ខ្ញុំ ខ្ញុំ​ពិនិត្យ ខ្ញុំ​ជម្រះ​តែម្ដង។


លោក សុខ សំអឿន ដែល​កំពុង​តែ​រស់​នៅ​ក្រៅ​ឃុំ​ជា​បណ្តោះ​អាសន្ន ដូច​លោក ប៊ន សំណាង ផងដែរ​នោះ បាន​ថែ្លង​ថា លោក​សុំ​ឲ្យ​ការ​ស៊ើប​អង្កេត​នោះ​ប្រកប​ដោយ​ភាព​ច្បាស់លាស់​និង​តម្លាភាព។


លោក សុខ សំអឿន បាន​បញ្ជាក់​ថា ៖ «សម្រាប់​រូប​ខ្ញុំ ខ្ញុំ​សុំ​ឲ្យ​គេ​ធ្វើ​ឲ្យ​បាន​ត្រឹមត្រូវ ឲ្យ​មាន​តម្លាភាព ឲ្យ​ក្នុង​សង្គម​ទទួល​បាន​យុត្តិធម៌ ព្រោះ​ខ្ញុំ​មិន​បាន​ប្រព្រឹត្ត​ផង»។


រីឯ​លោក ប៊ន សំណាង បាន​ថែ្លង​ថា ៖ «សំណូមពរ​របស់​ខ្ញុំ​គឺ​គ្មាន​អី​ក្រៅ​ពី​ចង់​បាន​យុត្តិធម៌​ទេ»។


លោក អំ សំអាត ប្រធាន​ផ្នែក​ស៊ើប​អង្កេត​នៃ​អង្គការ​សិទ្ធិ​មនុស្ស​ក្រៅ​រដ្ឋាភិបាល​មួយ ហៅ​កាត់​ថា លីកាដូ ដែល​បាន​តាមដាន​សំណុំរឿង​នេះ​កន្លង​មក បាន​មាន​ប្រសាសន៍​ថា ៖ «យើង​ស្វាគមន៍​ហើយ​យើង​សង្ឃឹម​ថា សាលា​ដំបូង​រាជធានី​ភ្នំពេញ​នឹង​ធ្វើការ​ស៊ើប​អង្កេត​ដោយ​ហ្មត់ចត់​ស្វែងរក​ឃាតករ​ពិត​ដើម្បី​យក​មក​ផ្ដន្ទា​ទោស​ទៅ​តាម​ផ្លូវ​ច្បាប់ ដោយ​ធ្វើការ​លើកលែង​ទៅ​ដល់​លោក ប៊ន សំណាង និង​លោក សុខ សំអឿន ដែល​យើង​ជឿជាក់​ថា មិន​មែន​ជា​ឃាតករ​នៅ​ក្នុង​ការ​បាញ់​សម្លាប់ លោក ជា វិជ្ជា នេះ»។


នៅ​មិន​ទាន់​មាន​ប្រតិកម្ម​បំភ្លឺ​នៅ​ទ្បើយ​ទេ​ពី​មន្រ្តី​តុលាការ​សាលា​ដំបូង​រាជធានី​ភ្នំពេញ​ជុំវិញ​ការ​ទទូច​ខាង​លើ​នេះ ប៉ុន្តែ​លោក​ឧត្តមសេនីយ៍​ឯក ខៀវ សុភ័គ ជា​មន្រ្តី​អ្នក​នាំ​ពាក្យ​របស់​ក្រសួង​មហាផៃ្ទ បាន​មាន​ប្រសាសន៍​ថា សមត្ថកិច្ច​ស្វាគមន៍​ក្នុង​ការ​បើក​កិច្ច​ស៊ើប​អង្កេត​បន្ថែម​នោះ។


សូម​ជម្រាប​ថា លោក ប៊ន សំណាង និង​លោក សុខ សំអឿន ត្រូវ​បាន​តុលាការ​សាលា​ដំបូង​រាជធានី​ភ្នំពេញ ផ្តន្ទា​ទោស​កាល​ពី​ខែ​សីហា ឆ្នាំ​២០០៥​កន្លង​ទៅ ឲ្យ​ជាប់​គុក​ម្នាក់ៗ​២០​ឆ្នាំ ក្រោម​បទ​ចោទ​ថា​បាន​បាញ់​សម្លាប់​លោក ជា វិជ្ជា អតីត​ប្រធាន​សហជីព​សេរី​កម្មករ​កម្ពុជា កាល​ពី​ថៃ្ង​ទី​២២ ខែ​មករា ឆ្នាំ​២០០៤​កន្លង​ទៅ នៅ​ក្នុង​ទីក្រុង​ភ្នំពេញ។


ក្រោយ​មក​តុលាការ​កំពូល​នៃ​ប្រទេស​កម្ពុជា​បាន​សម្រេច​កាល​ពី​ថៃ្ង​ទី​៣១ ខែ​ធ្នូ ឆ្នាំ​២០០៨​កន្លង​ទៅ ឲ្យ​ដោះលែង លោក ប៊ន សំណាង និង​លោក សុខ សំអឿន ឲ្យ​រស់​នៅ​ក្រៅ​ឃុំ​ជា​បណ្តោះ​អាសន្ន ហើយ​បាន​បង្គាប់​ឲ្យ​តុលាការ​សាលា​ឧទ្ធរណ៍​ចាត់​របៀប​ជា​ថ្មី​ក្នុង​ការ​ស៊ើប​អង្កេត​បន្ថែម បន្ទាប់​ពី​តុលាការ​នេះ​បាន​តម្កល់​សាលក្រម​របស់​តុលាការ​ក្រុង​ភ្នំពេញ​នោះ​ចាត់ទុក​ជា​បាន​ការ។


លុះ​ដល់​ថៃ្ង​ទី​១៧ ខែ​សីហា​កន្លង​ទៅ​នេះ តុលាការ​សាលា​ឧទ្ធរណ៍​បាន​សម្រេច​ឲ្យ​អ្នក​ទាំង​ពីរ​បន្ត​ការ​រស់នៅ​ក្រៅ​ឃុំ​ត​ទៅ​ទៀត ហើយ​បាន​ប្រកាស​បង្គាប់​ឲ្យ​មាន​ការ​ស៊ើប​អង្កេត​បន្ថែម​ចំពោះ​ការ​ចន្លោះ​ប្រហោង​ក្នុង​ការ​ស៊ើប​អង្កេត​កន្លង​មក។


ការ​ដោះលែង​នោះ​បាន​ធ្វើ​ឡើង​ក្រោយ​ពី​ការ​ទទូច​ទាមទារ​របស់​ក្រុម​អង្គការ​សង្គម​ស៊ីវិល​ជាតិ​និង​អន្តរជាតិ ដែល​តែងតែ​ចាត់ទុក​ថា លោក ប៊ន សំណាង និង​លោក សុខ សំអឿន នោះ គឺ​ជា​ឃាតករ​សិប្បនិម្មិត៕

Monday, September 14, 2009

ពលរដ្ឋខ្មែរម្នាក់ត្រូវទាហានថៃបាញ់ស្លាប់ពេលលួចឆ្លងដែន ទៅកាប់ឈើ


អាជ្ញាធរ​ខេត្ត​ឧត្តរមានជ័យ​បាន​ឲ្យ​ដឹង​ថា ទាហាន​ព្រំដែន​ថៃ​មួយ​ក្រុម​បាន​បាញ់​រះ​ទៅ​លើ​ប្រជាពលរដ្ឋ​ខ្មែរ​ជាង​១០​នាក់​ដែល​បាន​លួច​ឆ្លង​ដែន​ចូល​ទឹក​ដី​ថៃ​ដើម្បី​កាប់​ឈើ​គ្រញូង​បណ្តាល​ឲ្យ​អ្នក​ភូមិ​ខ្មែរ​ម្នាក់​ស្លាប់ ម្នាក់​រង​របួស​និង​មួយ​ចំនួន​ទៀត​កំពុង​បាត់​ខ្លួន។

អភិបាល​ខេត្ត​ឧត្តរមានជ័យ លោក ប៉ិច សុខិន បាន​មាន​ប្រសាសន៍​កាល​ពី​ព្រឹក​ថ្ងៃ​អាទិត្យ ទី​១៣ ខែ​កញ្ញា ថា​ប្រជាពលរដ្ឋ​ខ្មែរ​ចំនួន​១២​នាក់​បាន​ចូល​ព្រៃ​នៅ​តាម​បន្ទាត់​ព្រំដែន​ខ្មែរ​ថៃ នៅ​ចំណុច​ស្រុក​សំរោង តំបន់​បង្គោល​ឡាក់​លេខ​១២​-​១៣ ជាប់​ព្រំដែន​ស្រុក​កាប់ជើង ខេត្ត​សុរិន្ទ​របស់​ថៃ កាល​ពី​ថ្ងៃ​ទី​១១ ខែ​កញ្ញា​កន្លង​មក ដើម្បី​កាប់​ឈើ​ក្រញូង​មក​លក់​ឧិ្យ​ឈ្មួញ ហើយ​នៅថ្ងៃ​ដដែល​នោះ​​ថៃ​បាន​ប្រើ​ឧទ្ធម្ភាគចក្រ​​ទម្លាក់​ទាហាន​មក​បាញ់​រះ​និង​តាម​ចាប់​ខ្លួន​អ្នក​ភូមិ​ខ្មែរ​ទាំង​នោះ បណ្តាល​ឲ្យ​ប្រជាពលរដ្ឋ​ខ្មែរ​ម្នាក់​ស្លាប់​និង​ម្នាក់​រង​របួស​និង​មួយចំនួន​ទៀត​កំពុង​បាត់​ខ្លួន។


លោក ប៉ិច សុខិន បាន​ឲ្យ​ដឹង​ថា ៖ «ថៃ​ប្រើប្រាស់​ឧទ្ធម្ភាគចក្រ​ទម្លាក់​ទាហាន​មក​ចាប់​ប្រជាពលរដ្ឋ​ដែល​កំពុង​តែ​រក​គ្រញូង​ហ្នឹង។ អ្នក​របួស​ហើយ​និង​ស្លាប់​ហ្នឹង គ្រួសារ​បាន​នាំ​យក​មក​ផ្ទះ​សម្បែង​ហើយ។ អ្នក​ដែល​រត់​ហ្នឹង បើ​តាម​ខ្ញុំ​ដឹង​ថា​មក​៦​នាក់​ហើយ»។


យុវជន​ឈ្មោះ ម៉ៅ ក្លឹង ដែល​រង​របួស​ដោយ​សារ​ទាហាន​ថៃ​បាញ់​ហើយ​បាន​រត់​គេច​ខ្លួន​រួច​​កំពុង​សម្រាក​ព្យាបាល​នៅ​មន្ទីរ​ពេទ្យ​ស្រុក​សំរោង បាន​មាន​ប្រសាសន៍​កាល​ពី​ព្រឹក​ថ្ងៃ​អាទិត្យ​ថា ពួក​គាត់​មាន​គ្នា​ទាំងអស់​ចំនួន​១២​នាក់ ហើយ​បាន​លួច​ចូល​ជ្រៅ​​ចម្ងាយ​ប្រមាណ​៤​គីឡូម៉ែត្រ​ទៅ​ក្នុង​ទឹក​ដី​ថៃ ហើយ​នៅពេល​ដែល​ក្រុម​របស់គាត់​កាប់​ឈើ​គ្រញូង​បាន​និង​កំពុង​នាំ​គ្នា​ចាំង​សម្អាត ក៏​ស្រាប់​តែ​មាន​ពួក​ទាហាន​ថៃ​មក​បាញ់​រះ​បណ្តាល​ឲ្យ​គាត់​រង​របួស​ជើង​និង​អ្នករួម​ដំណើរ​ជាមួយ​គាត់​ម្នាក់​បាន​ស្លាប់​នៅ​កន្លែង​កើត​ហេតុ។


យុវជន ម៉ៅ ក្លឹង បាន​បញ្ជាក់​ថា ៖ «ហួស​ចូល​ដល់​ដី​ថៃ ទៅ​កាប់​ឈើ​លក់​ឲ្យ​គេ។ ម៉ោង​១​ថ្ងៃ​ត្រង់ ខ្ញុំ​កំពុង​អង្គុយ​ចាំង​គ្រញូង​ទាំងអស់​គ្នា​ហ្នឹង វា​បាញ់​បណ្ដោយ ត្រូវ​តិច​ទេ ខ្ញុំ​រត់​រួច ងាប់​ម្នាក់​ឈ្មោះ រិទ្ធ»។
កង​ទាហានខ្មែរ​ម្នាក់​ដែល​សុំ​មិន​បញ្ចេញ​ឈ្មោះ​កំពុង​ប្រចាំ​ការ​នៅ​បន្ទាត់​ព្រំដែន​ចំណុច​បង្គោលឡាក់​លេខ​១៨​-​១៩ បាន​មាន​ប្រសាសន៍​ថា ទាហាន​ខ្មែរ​បាន​ឮ​សូរ​សំឡេង​កាំភ្លើង​នៅ​ក្នុង​ទឹក​ដី​ថៃ​នោះ ប៉ុន្តែ​ទាហាន​ខ្មែរ​មិន​អាច​ចូល​ទៅជួយ​បាន​ទេ ដោយសារ​អ្នក​ភូមិ​ខ្មែរ​បាន​ចូល​ជ្រៅ​ទៅ​ក្នុង​ទឹក​ដី​ថៃ ៖ «គ្រោះថ្នាក់​អ៊ីចឹង​ទៅ ទាហាន​ខ្មែរ​យើង​ក៏​អត់​ហ៊ាន​ចូល​ទៅ​ជួយ​ដែរ»។


មន្រ្តី​ខេត្ត​ឧត្តរមានជ័យ​បាន​មាន​ប្រសាសន៍​ថា មាន​ក្រុម​ឈ្មួញ​ទិញ​លក់​ឈើ​គ្រញូង​មួយចំនួន​នៅ​តែ​ចំណាយ​លុយ​ឲ្យ​ប្រជាពលរដ្ឋ​ខ្មែរ​ចូល​ទៅ​លួច​កាប់​ឈើ​គ្រញូង​នៅក្នុង​ទឹក​ដី​ថៃ​យក​មក​ល​ក់​ពួក​គេ ហើយ​មន្ត្រី​ខេត្ត​បាន​ដាក់​ពង្រាយ​កម្លាំង​យោធា​ខ្មែរ​ជា​ច្រើន​​​កន្លែង​ដើម្បី​ទប់​ស្កាត់​នៅ​តាម​ច្រក​ព្រំដែន​កុំ​ឲ្យ​ប្រជាពលរដ្ឋ​ខ្មែរ​ឆ្លង​ដែន ប៉ុន្តែ​ការ​រារាំង​នៅតែ​ពុំ​មាន​ប្រសិទ្ធភាព។


សូម​រំឭក​ថា ចាប់​តាំង​ពី​អំឡុង​ខែ​កក្កដា​រហូត​មកដល់​ពេល​នេះ ព័ត៌មាន​ត្រួសៗ​ពី​អាជ្ញាធរ​ខេត្ត​ឧត្តរមានជ័យ​និង​ខេត្ត​ព្រះវិហារ​ឲ្យ​ដឹង​ថា មាន​អ្នក​ភូមិ​ខ្មែរ​ចំនួន​៣​នាក់​ត្រូវ​ទាហាន​ថៃ​បាញ់​ស្លាប់​និង​១៨​នាក់​ផ្សេង​ទៀត​ត្រូវ​បាន​ទាហាន​ថៃ​នៃ​ខេត្ត​ស៊ីសាកេត​និង​ខេត្ត​អ៊ូប៊ុន​ចាប់​ខ្លួន ខណៈ​ដែល​អ្នក​ភូមិ​ខ្មែរ​ទាំង​នោះ​បាន​ឆ្លង​ចូល​ព្រំដែន​ថៃ​ដើម្បី​លួច​កាប់​ឈើ​គ្រញូង​មក​លក់​ឲ្យ​ក្រុម​ឈ្មួញ៕

មូរ សុខហួរ៖ រដ្ឋមន្ត្រីការបរទេសអាមេរិកនឹងបញ្ជូនប្រតិភូមកកម្ពុជា


អ្នក​តំណាងរាស្រ្ត​មណ្ឌល​កំពត លោកស្រី មូរ សុខហួរ បាន​ឲ្យ​ដឹង​ថា រដ្ឋមន្រ្តី​ក្រសួង​ការ​បរទេស​សហរដ្ឋ​អាមេរិក នឹង​បញ្ជូន​ប្រតិភូ​ជាន់​ខ្ពស់​របស់​ខ្លួន ទៅ​ធ្វើ​ទស្សន​កិច្ច​នៅ​កម្ពុជា ក្នុង​ពេល​ឆាប់ៗ​នេះ ព្រម​ទាំង​ពិនិត្យ​មើល​លទ្ធភាព​ក្នុង​ការ​ភ្ជាប់​លក្ខ​ខណ្ឌ​នានា ទៅ​នឹង​ជំនួយ​របស់​ប្រទេស​មហា​អំណាច​មួយ​នេះ​ផង។

អ្នក​តំណាងរាស្រ្ត មូរ សុខហួរ មាន​ប្រសាសន៍​ដូច្នេះ នៅ​មួយ​ថ្ងៃ​បន្ទាប់​ពី​បាន​ផ្តល់​ព័ត៌មាន​ជា​កសិណ​ដល់​គណៈកម្មការ​សិទ្ធិ​មនុស្ស Tom Lantos របស់​សភា​កុងហ្ក្រេស ហើយ​បាន​ជួប​សន្ទនា​ជាមួយ លោកស្រី ហ៊ិល្លារី គ្លិនតុន (Hillary Clinton) រដ្ឋមន្រ្តី​ក្រសួង​ការ​បរទេស​សហរដ្ឋ​អាមេរិក កាល​ពី​ថ្ងៃ​ទី​១១ ខែ​កញ្ញា​នេះ ដោយ​បាន​ឲ្យ​ដឹង​ថា លោកស្រី​រដ្ឋមន្រ្តី​ការ​បរទេស ហ៊ិល្លារី គ្លិនតុន ដែល​ជា​ភរិយា​លោក​អតីត​ប្រធានាធិបតី ប៊ីល គ្លិនតុន ផង​នោះ តែង​បាន​តាមដាន​ព្រឹត្តិការណ៍​ទាក់ទង​នឹង​លោកស្រី​តំណាងរាស្រ្ត​ជា​រៀង​រហូត​មក។


លោកស្រី មូរ សុខហួរ បាន​ឲ្យ​ដឹង​ថា លោកស្រី​រដ្ឋមន្រ្តី​ក្រសួង​ការ​បរទេស​សហរដ្ឋ​អាមេរិក បាន​ទទួល​យក​សំណើ​របស់​លោកស្រី ដែល​ស្នើ​សុំ​ឲ្យ​សហរដ្ឋ​អាមេរិក​មាន​តួនាទី​ច្រើន​ជាង​មុន ក្នុង​ការ​ពិនិត្យ​ស្ថានភាព​បញ្ហា​ការ​រំលោភ​សិទ្ធិ​មនុស្ស​នៅ​កម្ពុជា ៖ «ក្រោយ​ពី​សវនាការ​ជាមួយ​នឹង​សភា​នៃ​សហរដ្ឋ​អាមេរិក ក្នុង​នាម​ខ្ញុំ​ជា​អ្នក​តំណាង​រាស្រ្ដ​ដែល​ទទួល​រង​គ្រោះ​នឹង​ការ​កាត់​ទោស​ដោយ​អយុត្តិធម៌​ពី​តុលាការ​នៅ​ប្រទេស​កម្ពុជា​នេះ លោក​ជំទាវ​រដ្ឋមន្រ្តី​ក្រសួង​ការ​បរទេស ហ៊ិល្លារី គ្លិនតុន បាន​ឲ្យ​ខ្ញុំ​ជួប ហើយ​នៅ​ជំនួប​នោះ លោក​ជំទាវ​បាន​លើក​មក​ភ្លាម​អំពី​ការ​យក​ចិត្ត​ទុក​ដាក់ ពិសេស​ទៅ​លើ​ករណី​ខ្ញុំ ក៏​ដូច​ជា​ករណី​នៃ​ស្ថានការណ៍​សិទ្ធិ​មនុស្ស​នៅ​ប្រទេស​កម្ពុជា​សព្វ​ថ្ងៃ​នេះ។ ខ្ញុំ​បាន​សុំ​លោក​ជំទាវ សូម​ឲ្យ​លោក​ជំទាវ​បញ្ជូន​នូវ​គណៈ​ប្រតិភូ​ជាន់​ខ្ពស់ ដឹកនាំ​ដោយ​អគ្គ​រដ្ឋទូត​ពិសេស ដែល​លោក​ជំទាវ​រដ្ឋមន្រ្តី ហ៊ិល្លារី គ្លិនតុន បាន​បង្កើត ក្រោយ​ពី​លោក​ជំទាវ​បាន​កាន់​តំណែង​រដ្ឋមន្រ្តី​ក្រសួង​ការ​បរទេស ដូច្នេះ​លោក​ជំទាវ​បាន​ទទួល​យក​សំណើ​របស់​ខ្ញុំ​ដោយ​វិជ្ជមាន»។


លោកស្រី មូរ សុខហួរ មាន​ប្រសាសន៍​ថា សហរដ្ឋ​អាមេរិក​នឹង​បញ្ជូន​សារ​តាមរយៈ​លោក​រដ្ឋមន្រ្តី​ការ​បរទេស​កម្ពុជា ហោ ណាំហុង នៅ​ពេល​លោក​បំពេញ​ទស្សន​កិច្ច​នៅ​ក្រុង​ញូវយ៉ក​នៅ​ចុង​ខែ​កញ្ញា​នេះ ទាក់ទង​នឹង​លក្ខខណ្ឌ​នានា ជា​ពិសេស​លក្ខខណ្ឌ​សិទ្ធិ​មនុស្ស ដែល​ប្រទេស​អាមេរិក​នឹង​ត្រូវ​ភ្ជាប់​ជាមួយ​ជំនួយ​របស់​ខ្លួន។


សូម​ជម្រាប​ថា គណៈប្រតិភូ​ជាន់​ខ្ពស់​របស់​ក្រសួង​ការ​បរទេស​សហរដ្ឋ​អាមេរិក ដែល​នឹង​ត្រូវ​ធ្វើ​ដំណើរ​ទៅ​ពិនិត្យ​ស្ថានការណ៍​នៅ​កម្ពុជា​ស្តីពី​បញ្ហា​សិទ្ធិ​មនុស្ស​និង​ការ​អនុវត្ត​ច្បាប់​នោះ នឹង​ដឹកនាំ​ដោយ​លោកស្រី​អគ្គ​រដ្ឋទូត​គោចរ Melanne Verveer ដែល​ជា​តំណែង​តែង​តាំង​ឡើង​សម្រាប់​ធ្វើ​ទំនាក់​ទំនង​បញ្ហា​ស្រ្តី​និង​កុមារ សកម្មភាព​ដែល​អ្នក​តំណាងរាស្រ្ត មូរ សុខហួរ ធ្លាប់​បាន​ចូលរួម​ជាង ១០​ឆ្នាំ​កន្លង​មក​នេះ។


ប្រតិភូ​នេះ​នឹង​អម​ដំណើរ​ដោយ​អគ្គនាយក​នៃ​ក្រសួង​ការ​បរទេស​អាមេរិក​ព្រម​ដោយ​មន្រ្តី​ជាន់​ខ្ពស់​របស់​ក្រសួង​ជា​ច្រើន​រូប​ទៀត។
លោក​រដ្ឋលេខាធិការ ផៃ ស៊ីផាន អ្នក​នាំ​ពាក្យ​នៃ​ទីស្តីការ​គណៈ​រដ្ឋមន្រ្តី​កម្ពុជា បាន​មាន​ប្រសាសន៍​ថា ប្រទេស​កម្ពុជា​និង​សហរដ្ឋ​អាមេរិក គឺ​ជា​ប្រទេស​ដែល​មាន​ភាព​ស្មើ​គ្នា​នៅ​ចំពោះ​មុខ​ច្បាប់​អន្តរជាតិ។


លោក​បន្ត ដោយ​បាន​វាយ​ប្រហារ​ធ្ងន់ៗ​ទៅ​លើ​អ្នក​តំណាង​រាស្ត្រ មូរ សុខហួរ ថា​ការ​ពឹង​ផ្អែក​បរទេស​ឲ្យ​មក​លូក​លាន់​បញ្ហា​ផ្ទៃ​ក្នុង​នៃ​ប្រទេស​កម្ពុជា​បែប​នេះ គឺ​ជា​ការ​ក្បត់​ទៅ​នឹង​ពាក្យ​សម្បថ​របស់​ខ្លួន​នៅ​ចំពោះ​មុខ​ព្រះ​ស្វេតច្ឆត្រ ៖ «ខ្ញុំ​ឃើញ​ថា ការ​បង្ហាញ​ជា​ឧទាហរណ៍​ល្អ​ដល់​ប្រជា​ពលរដ្ឋ​កម្ពុជា ក៏​ដូច​ជា​អ្វី ដែល​ពិភព​លោក​យល់​ឃើញ​ថា នីតិរដ្ឋ​ត្រូវ​តែ​គោរព លោក​ជំទាវ មូរ សុខហួរ មិន​បាន​ឆ្លើយ​តប​ហ្នឹង​ទេ ជា​ពិសេស​បាន​ក្បត់​នឹង​សម្បថ​របស់​លោក​ជំទាវ​មុន​នឹង​ចូល​តំណែង​ជា​សមាជិក​នៃ​រដ្ឋ​សភា​ហ្នឹង បាន​សច្ចា​ប្រណិធាន​ថា ជា​ដាច់​ខាត​មិន​អនុញ្ញាត​ឲ្យ​បរទេស​ណា​មក​រំខាន ឬ​មក​បង្គាប់​បញ្ជា​នូវ​នយោបាយ​ទាំង​ក្នុង​ស្រុក ទាំង​ក្រៅ​ស្រុក។ ហើយ​ជម្រាប​ជូន​ថា នៅ​ពេល​នេះ យើង​នាំ​គ្នា​កសាង​នីតិ​រដ្ឋ មិន​មែន​ត្រឹម​តែ​នីតិ​រដ្ឋ​ហ្នឹង​ទេ យើង​កសាង​ឯករាជ្យ និង​អធិបតេយ្យ ដែល​ជា​ប្រជាជាតិ​ខ្មែរ​មួយ ដែល​ទើប​តែ​ចាក​ចេញ​ពី​ថ្លុក​នៃ​ទឹក​ភ្នែក​និង​ឈាម។ ខ្ញុំ​មាន​ចម្ងល់​មួយ តើ​លោក​ជំទាវ មូរ សុខហួរ ចូលរួម​ក្នុង​ការ​កសាង​នីតិ​រដ្ឋ និង​ការ​កសាង​អ្វី​ដែល​ជា​ឯករាជ្យ​របស់​ប្រជាជាតិ​ហ្នឹង​ដែរ​ទេ? ឬ​មួយ​លោក​ជំទាវ មូរ សុខហួរ នឹក​ឃើញ​កាល​ពី​ដើម ដែល​នាំ​ខ្មែរ​មាន​ការ​ពិសោធ​ជាមួយ​សហរដ្ឋ​អាមេរិក ដែល​អ្នក​នយោបាយ​ជំនាន់​ហ្នឹង បាន​នាំ​គ្រាប់​បែក​រាប់​ម៉ឺន​តោន​ជះ​មក​លើ​រាជាណាចក្រ​កម្ពុជា ហើយ​ថ្មីៗ​នេះ លោក​ជំទាវ ហ៊ិល្លារី គ្លិនតុន ហ្នឹង គាត់​បាន​និយាយ​ដោយ​ខ្លួន​ឯង​ផង​ដែរ​ថា ទំនាក់​ទំនង​ល្អ សហ​ប្រតិបត្តិការ​ល្អ​រវាង​កម្ពុជា​និង​សហ​រដ្ឋ​អាមេរិក»៕

Wednesday, September 9, 2009

អាមេរិកផ្ដល់ជំនួយដល់កម្ពុជាសម្រាប់វិស័យអប់រំនិងសុខាភិបាល



ប្រទេស​កម្ពុជា​និង​សហរដ្ឋ​អាមេរិក​នៅ​ថៃ្ង​អង្គារ ទី​៨ ខែ​កញ្ញា បាន​ចុះ​ហត្ថលេខា​ទ្វេ​ភាគី​លើ​កិច្ច​ព្រមព្រៀង​ចំនួន​២ ដើម្បី​បើក​ផ្លូវ​ឲ្យ​កម្ពុជា​ទទួលជំនួយ​ពី​សហរដ្ឋ​អាមេរិក​ជាង ៣៤​លាន​ដុល្លារ​អាមេរិក ដើម្បី​ប្រើប្រាស់​ក្នុង​វិស័យ​អប់រំ​និង​សុខាភិបាល​នៅ​កម្ពុជា។

លោក ហោ ណាំហុង ជា​ឧប​នាយក​រដ្ឋមន្រ្តី​និង​ជា​រដ្ឋមន្រ្តី​នៃ​ក្រសួង​ការ​បរទេស​កម្ពុជា បាន​មាន​ប្រសាសន៍ នៅ​ក្រោយ​ការ​ចុះ​ហត្ថលេខា​នោះ​ថា ទំនាក់​ទំនង​រវាង​ប្រទេស​កម្ពុជា​និង​សហរដ្ឋ​អាមេរិក​កំពុង​តែ​ឈាន​ដល់​កម្រិត​ល្អ​មួយ​ជា​លំដាប់។


លោក ហោ ណាំហុង ថ្លែង​យ៉ាង​ដូច្នេះ ៖ «កាន់​តែ​ល្អ​ឡើងៗ​ពី​មួយ​ថ្ងៃ​ទៅ​មួយ​ថ្ងៃ។ មិន​គ្រាន់​តែ​ជួយ​ខាង​សុខាភិបាល​និង​អប់រំ​ទេ ថែម​ទាំង​ជួយ​ខាង​ដោះ​មីន ជួយ​ខាង​យោធា បាន​បញ្ជូន Peace Corps របស់​គេ​មក​តាម​មូលដ្ឋាន​យើង។ ដូច្នេះ​ទំនាក់ទំនង​នេះ​កាន់​តែ​ល្អ​ឡើង។ គេ​បាន​លើក​កម្ពុជា​យើង​ចេញ​ពី​បញ្ជី​ពាណិជ្ជ​កម្ម​ខ្មៅ​របស់​គេ គេ​បាន​លើក​កម្ពុជា​យើង​ចេញ​ពី​ការ​ហាម​ប្រាម​ជំនួយ​យោធា សព្វ​គ្រប់​លក្ខណៈ ដូច្នេះ​ទំនាក់​ទំនង​យើង​កាន់​តែ​ល្អ​ឡើងៗ»។


លោកស្រី Carol Rodley ជា​ឯក​អគ្គ​រដ្ឋទូត​សហរដ្ឋ​អាមេរិក​ប្រចាំ​នៅ​ក្នុង​ប្រទេស​កម្ពុជា ក្រោយ​ពី​ការ​ចុះ​ហត្ថលេខា​នោះ បាន​មាន​ប្រសាសន៍​ផង​ដែរ​ថា ប្រទេស​កម្ពុជា​និង​សហរដ្ឋ​អាមេរិក​កំពុង​តែ​ធ្វើការ​រួម​គ្នា​នៅ​ក្នុង​ការ​ធ្វើ​ឲ្យ​ល្អ​ប្រសើរ​ថែម​ទៀត​នៅ​ក្នុង​វិស័យ​សុខាភិបាល​និង​វិស័យ​អប់រំ​នៅ​ក្នុង​ប្រទេស​កម្ពុជា។


នៅ​ក្នុង​ពិធី​ចុះ​ហត្ថលេខា​នៅ​ព្រឹក​ថៃ្ង​អង្គារ ទី​៨ ខែ​កញ្ញា នៅ​ឯ​ក្រសួង​ការ​បរទេស​នៅ​ក្នុង​ទីក្រុង​ភ្នំពេញ បាន​ធ្វើ​ទ្បើង​រវាង​លោក ហោ ណាំហុង ជា​ឧប​នាយក​រដ្ឋមន្រ្តី​និង​ជា​រដ្ឋមន្រ្តី​ក្រសួង​ការ​បរទេស​កម្ពុជា ជាមួយ​នឹង​លោក Flynn Fuller ជា​ប្រធាន​បេសក​កម្ម​នៃ​ទីភ្នាក់ងារ​សហរដ្ឋ​អាមេរិក​សម្រាប់​ការ​អភិវឌ្ឍន៍​អន្តរជាតិ (USAID) ប្រចាំ​កម្ពុជា និង​លោកស្រី Carol Rodley ជា​ឯក​អគ្គ​រដ្ឋទូត​សហរដ្ឋ​អាមេរិក​ប្រចាំ​កម្ពុជា ដោយ​មាន​មន្រ្តី​ស្ថានទូត​អាមេរិក​និង​មន្រ្តី​ក្រសួង​ការ​បរទេស​កម្ពុជា​ជា​ច្រើន​នាក់​បាន​ចូលរួម​នៅ​ក្នុង​ពិធី​ចុះ​ហត្ថលេខា​ទ្វេ​ភាគី​នោះ។


កិច្ច​ព្រមព្រៀង​ចំនួន​២ ដែល​ត្រូវ​បាន​ចុះ​ហត្ថលេខា​នៅ​ថ្ងៃ​ទី​៨ ខែ​កញ្ញា ដើម្បី​ឲ្យ​កម្ពុជា​ទទួល​ជំនួយ​ពី​សហរដ្ឋ​អាមេរិក​នោះ គឺ​មាន​តម្លៃ​ជា​ទឹក​ប្រាក់​ចំនួន​៣.១៦៥.៧៩៤​ដុល្លារ​អាមេរិក​សម្រាប់​បង្កើន​គុណភាព​និង​លទ្ធភាព​នៅ​ក្នុង​វិស័យ​សិក្សាធិការ​នៅ​មូលដ្ឋាន និង​កិច្ច​ព្រមព្រៀង​ទី​២ គឺ​មាន​តម្លៃ​ជា​ទឹក​ប្រាក់​ចំនួន ៣១.៦៣២.៩៩២​ដុល្លារ​អាមេរិក ដើម្បី​លើក​កម្ពស់​សេវា​ថែទាំ​សុខភាព​ដល់​អ្នក​ឆ្លង​មេរោគ​អេដស៍​និង​ជំងឺ​ឆ្លង​ដទៃ​ទៀត ដូច​ជា​សុខុមាល​ភាព​មាតា ទារក និង​សុខភាព​បន្ត​ពូជ។


ប្រភព​ពី​ប្រមុខ​ការទូត​នៃ​ប្រទេស​កម្ពុជា​បាន​ពណ៌នា​ថា ចាប់​តាំង​ពី​ឆ្នាំ​១៩៩៩​មក សហរដ្ឋ​អាមេរិក​បាន​ផ្តល់​ជំនួយ​ចំនួន​ជាង ២៥០​លាន​ដុល្លារ​អាមេរិក​ហើយ​សម្រាប់​ប្រទេស​កម្ពុជា​ដើម្បី​លើក​កម្ពស់​វិស័យ​សិក្សាធិការ​និង​វិស័យ​សុខាភិបាល។


កាល​ពី​ថៃ្ង​សុក្រ ទី​៤ ខែ​កញ្ញា កន្លង​ទៅ​ថ្មី​នេះ ស្ថានទូត​សហរដ្ឋ​អាមេរិក​នៅ​ក្នុង​ប្រទេស​កម្ពុជា បាន​ប្រកាស​ឲ្យ​ដឹង​ថា សហរដ្ឋ​អាមេរិក​បាន​ផ្តល់​ជំនួយ​សម្ភារៈ​និង​បចេ្ចកទេស​ដល់​ក្រសួង​ការពារ​ជាតិ​កម្ពុជា​ចំនួន​២០​កុងតឺន័រ ដែល​មាន​តម្លៃ​ចំនួន ៦​លាន​៥​សែន​ដុល្លារ​អាមេរិក នៅ​ក្នុង​នោះ​មាន​មួក​ទាហាន ១៦.០០០ ថង់​ស្ពាយ​ឬ​សាក់កាដូ​ចំនួន ៤.០០០ ឯកសណ្ឋាន​ការពារ​ចំនួន ៦.០០០ និង​សម្ភារៈ​ផ្សេងៗ​ទៀត៕

ឆាំង យុ បំភ្លឺជូននាយករដ្ឋមន្ត្រីជុំវិញអត្ថបទចុះផ្សាយក្នុង កាសែត



លោក ឆាំង យុ ប្រធាន​មជ្ឈមណ្ឌល​ឯកសារ​កម្ពុជា ថ្លែង​ថា លោក​បាន​បំភ្លឺ​ជូន​លោក ហ៊ុន សែន នាយក​រដ្ឋមន្រ្តី​កម្ពុជា​ហើយ​ចំពោះ​ប្រសាសន៍​របស់​លោក​ទាក់​ទិន​នឹង​ការ​ចោទ​ប្រកាន់​អតីត​មេ​ខ្មែរ​ក្រហម​បន្ថែម​ទៀត ដែល​បាន​សរសេរ​ចុះ​ផ្សាយ​នៅ​លើ​កាសែត​កម្ពុជា​ថ្មី កាល​ពី​ថ្ងៃ​អាទិត្យ​ចុង​សប្តាហ៍​មុន​នោះ។
លោក ឆាំង យុ បាន​ឲ្យ​ដឹង​ថា ៖ «ហើយ​ខ្ញុំ​ក៏​បាន​បំភ្លឺ​ហើយ រឿង​ហ្នឹង​វា​ដូច​ជា​អត់​មាន​អី​ទៀត​ទេ។ វា​ជា​អត្ថបទ​មួយ​ដែល​មិន​បាន​សរសេរ​ច្បាស់​លាស់ ជា​ការ​ភ័ន្ត​ច្រឡំ»។


ការ​ទាមទារ​ឲ្យ​លោក ឆាំង យុ ប្រធាន​មជ្ឈមណ្ឌល​ឯកសារ​កម្ពុជា បញ្ជាក់​ឲ្យ​បាន​ច្បាស់​អំពី​ប្រសាសន៍​របស់​លោក​នោះ បាន​ធ្វើ​ឡើង​ដោយ​លោក ហ៊ុន សែន នាយក​រដ្ឋមន្រ្តី​កម្ពុជា ក្នុង​ពិធី​ប្រកាស​ផ្សព្វផ្សាយ​លទ្ធផល​បូក​សរុប​ចុង​ក្រោយ​មួយ​នៃ​ការ​ជំរឿន​ប្រជាជន​ទូទៅ​ក្នុង​ប្រទេស​កម្ពុជា ឆ្នាំ​២០០៨ ដែល​ប្រារព្ធ​ធ្វើ​នៅ​ឯ​សាល​សន្និសីទ​ចតុមុខ កាល​ពី​ថ្ងៃ​ច័ន្ទ ទី​៧ ខែ​កញ្ញា ឆ្នាំ​២០០៩។
លោក ហ៊ុន សែន ថ្លែង​ក្នុង​ពេល​នោះ​ដូច្នេះ​ថា ៖ «ឥឡូវ​កុំ​ចង់​នរណា​មក​បង្កើត​បញ្ហា​អី​ថែម​ទៀត អត់​បាន​ទេ! សូម​ទោស​ចុះ ហើយ​សូម​កុំ​សិក្ខា​សាលា​អី​ច្រើន​ពេក រឿង​ស្អី​ឯណា ទុក​ឲ្យ​តុលាការ​គេ​ធ្វើ​ទៅ។ វា​មាន​អ្នក​ថា បើ​ចង់​ចោទ​ប្រកាន់​ថែម​ទៀត ទាល់​តែ​លើក​សំណើ​ហ្នឹង​ទៅ​សុំ គេ​ហៅ​ថា បញ្ជូន​ស្អី​ទៅ​ឲ្យ​លោក ហ៊ុន សែន។ វា​ទៅ​ជា​អ៊ីចេះ​ទៅ​វិញ។ ខ្ញុំ​ចង់​ឲ្យ​លោក ឆាំង យុ បញ្ជាក់​បញ្ហា​ហ្នឹង​ឲ្យ​ខ្ញុំ​ក្នុង​ថ្ងៃ​ហ្នឹង។ លោក​ឯង​សរសេរ​ឲ្យ​ខ្ញុំ​មើល៍ ហើយ​តើ​មាន Tape [ខ្សែ​អាត់] វីដេអូ​ហ្នឹង​ទេ?»។


ការ​បំភ្លឺ​របស់​លោក ឆាំង យុ ចំពោះ​លោក​នាយក​រដ្ឋមន្រ្តី ហ៊ុន សែន ទាមទារ​ឲ្យ​លោក ឆាំង យុ ប្រធាន​មជ្ឈមណ្ឌល​ឯកសារ​កម្ពុជា បញ្ជាក់​ឲ្យ​បាន​ច្បាស់​អំពី​ប្រសាសន៍​របស់​លោក​ដែល​បាន​ចុះ​ផ្សាយ​នៅ​លើ​កាសែត​កម្ពុជា​ថ្មី កាល​ពី​ថ្ងៃ​អាទិត្យ ទី​៦ ខែ​កញ្ញា ឆ្នាំ​២០០៩ ក្រោម​ប្រធានបទ​មួយ​មាន​ចំណង​ជើង​ថា "ចង់​បន្ត​ចោទ​ប្រកាន់​មេ​ខ្មែរ​ក្រហម​ផ្សេង​ទៀត គួរ​បង្ហាញ​ហេតុ​ផល​ដល់​សម្តេច ហ៊ុន សែន"។


លោក ឆាំង យុ មាន​ប្រសាសន៍​បញ្ជាក់​បន្ថែម​អំពី​បញ្ហា​នោះ​ដូច្នេះ​ថា ៖ «និយាយ​ឲ្យ​ខ្លី​ទៅ​ខ្ញុំ​អត់​ដែល​មាន​ធ្វើ​សិក្ខាសាលា​អី​ទេ ច្រឡំ​រូបថត​ហ្នឹង​ទី​មួយ។ រូបថត​ហ្នឹង​គឺ​ជា​រូបថត​និយាយ​រឿង​កុន​វៀតណាម យូរ​ហើយ ដល់​គេ​យក​មក​ដាក់​ទៅ​ដូច​ជា​ធ្វើ​សិក្ខាសាលា ហើយ​ឃ្លា​ទី​ពីរ​ខ្ញុំ​មិន​បាន​និយាយ​ទេ ហ្នឹង​ជា​ឃ្លា​គេ​អត្ថាធិប្បាយ។ អ៊ីចឹង​រឿង​ហ្នឹង​ខាង​កម្ពុជា​ថ្មី​ក៏​គ្នា​បាន​សុំ​ទោស​ខ្ញុំ​ដែរ សុំ​ទោស​សម្តេច​ដែរ»។


លោក ឆាំង យុ មាន​ប្រសាសន៍​យោង​ថា លិខិត​បំភ្លឺ​របស់​លោក​ត្រូវ​បាន​ចុះ​ផ្សាយ​ក្នុង​កាសែត​រស្មី​កម្ពុជា​នៅ​ថ្ងៃ​អង្គារ ទី​៨ ខែ​កញ្ញា​នេះ​ហើយ ៖ «ខ្ញុំ​ពន្យល់​រួច​ហើយ​នៅ​ក្នុង​កាសែត​រស្មី​កម្ពុជា​មាន​សរសេរ​រួច​ហើយ»។
ក្នុង​នោះ​លោក​ពន្យល់​ថា នៅ​ពេល​គេ​សួរ​លោក​អំពី​ការ​ចោទ​ប្រកាន់​អតីត​មេ​ដឹកនាំ​ខ្មែរ​ក្រហម​បន្ថែម​ទៀត លោក​គ្រាន់​តែ​ឆ្លើយ​ថា បើ​សាលា​ក្តី​ខ្មែរ​ក្រហម​ចង់​កាត់​ទោស​បន្ថែម​ទៀត​នោះ សាលា​ក្តី​ខ្មែរ​ក្រហម​គួរតែ​ពន្យល់​ឲ្យ​បាន​ច្បាស់​ថា​ហេតុ​អ្វី? ចំពោះ​លោក ចំនួន​មិន​ឆ្លុះ​បញ្ចាំង​អំពី​យុត្តិធម៌​ទេ។


លោក ឆាំង យុ ឲ្យ​ដឹង​ថា បន្ទាប់​ពី​លោក​បាន​ផ្ញើ​លិខិត​របស់​លោក លោក​នាយក​រដ្ឋមន្រ្តី ហ៊ុន សែន បាន​ឆ្លើយ​តប​ដោយ​អរគុណ​ចំពោះ​ការ​ពន្យល់​របស់​លោក៕

ជនសង្ស័យខ្មែរក្រហម៥រូបទៀតត្រូវគេស្នើសុំឲ្យស៊ើបអង្កេត



ព្រះរាជអាជ្ញា​មួយ​រូប​នៃ​តុលាការ​ខ្មែរ​ក្រហម​បាន​ស្នើ​ជា​ផ្លូវការ​សូម​ឲ្យ​ធ្វើការ​ស៊ើប​អង្កេត​ជន​សង្ស័យ​៥​រូប​ទៀត​ពី​បទ​ឧក្រិដ្ឋកម្ម​ប្រឆាំង​មនុស្ស​ជាតិ​និង​ពី​បទ​ឧក្រិដ្ឋ​ផ្សេងៗ​ទៀត។ សំណើ​នេះ​អាច​នឹង​ប៉ះពាល់​ដល់​ប្រសាសន៍​លោក​នាយក​រដ្ឋមន្ត្រី ហ៊ុន សែន កន្លង​មក។


កាលពី​ថ្ងៃ​អង្គារ ទី​៨ កញ្ញា អង្គ​ជំនុំ​ជម្រះ​វិសាមញ្ញ​ក្នុង​តុលាការ​កម្ពុជា បាន​ឲ្យ​ដឹង​ថា សហ​ព្រះរាជអាជ្ញា​អន្តរជាតិ​បណ្តោះ​អាសន្ន គឺ​លោក William Smith បាន​ដាក់​សំណើ​របស់​លោក​ជូន​សហ​ចៅក្រម​ស៊ើប​អង្កេត​ដែល​មាន​សិទ្ធិ​សម្រេច​ក្នុង​ការ​ចេញ​ឬ​មិន​ចេញ​ដីកា​ចាប់​ឃុំ​ខ្លួន​នោះ។ ប៉ុន្តែ​តុលាការ​មិន​បាន​ឲ្យ​ដឹង​ឈ្មោះ​អ្នក​ទាំង​៥​រូប​នោះ​នៅ​ឡើយ​ទេ។


កាល​ពី​ថ្ងៃ​ច័ន្ទ លោក​នាយក​រដ្ឋមន្ត្រី ហ៊ុន សែន មាន​ប្រសាសន៍​នៅ​ភ្នំពេញ​ទាក់ទង​នឹង​ការ​ស៊ើប​អង្កេត​អតីត​មេ​ដឹកនាំ​ខ្មែរ​ក្រហម​បន្ថែម​ទៀត​ថា ៖ «ឥឡូវ​ហ្នឹង​បើ​សិន​ជា​អ្នក​ឯង​កាត់​ទោស​ដោយ​មិន​បាន​គិត​អំពី​សន្តិភាព​និង​ការ​បង្រួប​បង្រួម​ជាតិ កើត​សង្រ្គាម​ឡើង​វិញ ងាប់​មនុស្ស​២០​-​៣០​ម៉ឺន​នាក់​ថែម​ទៀត អ្នក​ណា​ទទួល​ខុស​ត្រូវ? និយាយ​គ្នា​ឲ្យ​ហើយ​កន្លែងហ្នឹង។ ខ្ញុំ​អត់​ជះ​ឥទ្ធិពល​ទៅ​លើ​បញ្ហា​តុលាការ​ទេ»។


កាល​ពី​ថ្ងៃ​ច័ន្ទ លោក William Smith អ្នក​នាំ​ពាក្យ​របស់​តុលាការ​ខ្មែរ​ក្រហម មាន​ប្រសាសន៍​ថា គេ​មិន​ទាន់​មាន​ការ​កំណត់​រយៈពេល​ធ្វើ​សកម្មភាព​របស់​សហ​ចៅក្រម​ស៊ើប​អង្កេត​ចំពោះ​សំណើ​របស់​លោក វិលា្លម ស្មីត ដែល​សូម​ឲ្យ​មាន​ការ​ចាប់​ខ្លួន​មេ​ខ្មែរ​ក្រហម​បន្ថែម​ទៀត​នោះ​នៅ​ឡើយ​ទេ៕

Thursday, September 3, 2009

កម្ពុជាឈ្នះលើសមរភូមិការទូត

ប្រទេស​កម្ពុជា​បាន​កំណត់​យក​ថ្ងៃ​៣០​សីហា​ស្អែក​នេះ​ ជា​កាលបរិច្ឆេទ​នៃការ​ដក​កងទ័ព​ជា​ផ្លូវការ​ចេញ​ពី​តំបន់​ព្រំដែន​ព្រះវិហារ។​ ការ​កាត់​បន្ថយចំនួន​កងទ័ព​នៅ​សមរភូមិ​​ជួរ​មុខ​នេះ​ បាន​ធ្វើ​ឡើង​មួយ​សប្តាហ៍​ បន្ទាប់​ពី​ការ​ចេញ​បទ​បញ្ជា​ជា​ចំហ​របស់​លោក​​នាយក​រដ្ឋមន្ត្រី​ ហ៊ុន​ សែន។​ ការ​សម្រេច​ចិត្ត​ដក​កម្លាំង​ទ័ព​ជា​ឯកតោ​ភាគី​របស់​កម្ពុជា​​បាន​ទទួល​ការ​គាំទ្រ​ភ្លាមៗ​ពី​អន្តរជាតិ។

កងទ័ព​ដែល​ឈជើង​នៅ​ខ្សែ​ត្រៀម​ជួរមុខ​នៅ​ព្រះវិហារ​ ត្រូវ​បាន​បញ្ជូន​ត្រឡប់​ទៅ​កាន់​អង្គភាព​ដើម​វិញ​ជា​បន្តបបន្ទាប់​ហើយ​ នៅ​ចុង​សប្តាហ៍​នេះ។​ ពិធី​កាត់​​បន្ថយ​ទ័ព​ជា​ផ្លូវការ​ត្រូវ​គេ​គ្រោង​នឹង​ធ្វើ​នៅ​ថ្ងៃ​អាទិត្យទី​៣០​សីហា​ស្អែក​នេះ។


មាន​ហេតុ​ផល​ពីរ​យ៉ាង​ដែល​លោក​នាយក​រដ្ឋមន្ត្រី​ ហ៊ុន​ សែន​ បាន​ប្រកាសពី​ខេត្ត​ពោធិសាត់​កាល​ពី​ថ្ងៃ​សៅរ៍​សប្តាហ៍មុន​ ដើម្បី​ពន្យល់​អំពី​ការ​ដក​កងទ័ព​ចេញ​ពី​ព្រះវិហារ។​ ទី១​ គឺ​ព្រះវិហារ​នឹង​​គ្មាន​សង្រ្គាម​កើត​ឡើង​ទេ។ និង​ទី២​ កម្លាំង​កងទ័ព​គួរ​តែ​ត្រូវ​បាន​​ប្រើប្រាស់​សម្រាប់​ជួយ​ការងារ​ដកស្ទូង​នៅរដូវ​វស្សា​នេះ​ វា​ប្រសើរ​ជាង​យក​ទៅ​ប្រឈមមុខ​នៅ​ឯព្រះវិហារ។


ទឡ្ហីករណ៍​ទាំង​ពីរ​យ៉ាង​នេះ​ វា​សម​ហេតុផល​ដែល​មហាជន​ទូទៅ​អាច​ស្តាប់​បាន​​ ប៉ុន្តែ​សម្រាប់​ក្រុម​អ្នក​វិភាគ​ដែល​បាន​តាម​ដាន​ព្រឹត្តិការណ៍​នៅ​ព្រះវិហារ​ ការ​កាត់​បន្ថយ​ចំនួន​ទ័ព​របស់​ភាគី​កម្ពុជា​ទំនង​ជា​មាន​អត្ថន័យ​ជ្រាល​ជ្រៅ​ជាង​នេះ។​ ជាការ​ពិត​ណាស់​​ថា​ រដ្ឋាភិបាល​ក្រុង​ភ្នំពេញ​បាន​បង្ហាញ​ចេតនា​ម្តង​ហើយ​ម្តង​​ទៀត​ថា​ខ្លួន​មិន​ចង់​ធ្វើ​​សង្រ្គាម​ជាមួយ​ថៃ​ឡើយ​ ហើយ​ដំណោះ​ស្រាយ​បញ្ហា​ព្រះវិហារ​គួរតែ​ត្រូវ​​ធ្វើ​ឡើង​​ដោយ​​សន្តិវិធី។


ប៉ុន្តែ​ការ​ប្រឈមមុខ​ដាក់​គ្នា​កន្លង​ទៅ​នេះ​ គឺដោយសារ​ភាគី​ថៃ​ជា​អ្នក​ចាប់​បង្ខំ​តែ​ប៉ុណ្ណោះ។​ យ៉ាងណា​ក៏ដោយ​​ ក៏​ភាគី​កម្ពុជា​បាន​​ប្រកាន់​ភាព​អត់ធ្មត់​ក្នុង​កម្រិត​ខ្ពស់​ជា​​អតិបរមា។​ នយោបាយ​អត់ធ្មត់​ចំពោះ​អ្នក​​ឈ្លាន​ពាន​ទឹកដី​នេះ​ បាន​ទទួល​ការ​រិះគន់​​យ៉ាង​ខ្លាំង​ពី​​សំណាក់​ពលរដ្ឋ​មួយ​ចំនួន​ ជាពិសេស​ពីសំណាក់​អ្នក​នយោបាយ​ប្រឆាំង​​ ប៉ុន្តែ​ភាពអត់ធ្មត់​នេះ​អាច​បញ្ចៀស​បាន​នូវ​ភ្លើង​សង្គ្រាម​នៅ​តាម​ជាយដែន​រហូត​ដល់​សព្វថ្ងៃ។


រយៈពេល​មួយឆ្នាំ​បាន​កន្លង​ផុត​ទៅ​ និង​ជាពិសេស​នៅ​ក្នុង​កាលៈទេសៈ​មួយ​ដែល​​សហគមន៍​អន្តរជាតិ​កំពុង​តែ​ទទូច​ចង់​បាន​ការ​ដោះស្រាយ​បញ្ហា​ដោយ​សន្តិវិធី​​ តើ​នេះ​​មិន​មែន​ជា​ឱកាស​ល្អ​មួយ​សម្រាប់​កម្ពុជា​ក្នុង​ការ​ប្រកាស​ដក​កងទ័ព​មួយ​ចំនួន​ចេញ​ពី​​តំបន់​ព្រះវិហារ​ទេ​ឬ​? ជា​យុទ្ធសាស្រ្ត​ ព្រឹត្តិការណ៍​នេះ​ត្រូវ​គេ​មើល​ឃើញ​ថា​មាន​អត្ថន័យ​​សំខាន់​ពីរ​យ៉ាង។


ទី១​ គឺការ​បង្ហាញ​ឲ្យ​អន្តរជាតិ​មើល​ឃើញ​ថា​កម្ពុជា​ពិត​ជា​មាន​ឆន្ទៈ​ដោះ​ស្រាយ​​បញ្ហា​ដោយ​សន្តិវិធី​ពិត​ប្រាកដ​មែន។​ ដូច្នេះ​ប្រសិន​បើ​មាន​សង្រ្គាម​ជាយដែន​កើត​មាន​​ជា​យថាហេតុ​នោះ​ គឺ​ប្រាកដ​ណាស់​ថា​ភាគី​ថៃ​គឺជា​អ្នក​បង្ក។ និង​ទី២​ការដក​កងទ័ព​ចេញ​ពី​ព្រះវិហារ​​របស់​ភាគី​កម្ពុជា​នៅ​ពេលនេះ​ គឺជា​សម្ពាធ​ផ្នែក​នយោបាយ​ការទូត​មួយ​ចំពោះ​ថៃ​ដែល​ទោះ​ចង់​ ឬមិន​ចង់​ថៃ​ក៏​ត្រូវ​បង្ខំ​ចិត្ត​ធ្វើ​អ្វី​ម្យ៉ាង​ដើម្បី​បង្ហាញ​ពី​ចេតនា​ល្អ​របស់​ខ្លួន​ក្នុង​ការ​​ដោះ​ស្រាយ​បញ្ហា​នៅ​ព្រះវិហារ​ដែរ។


លទ្ធផល​ជាក់ស្តែង​បាន​បង្ហាញ​ឲ្យ​ឃើញ​ភា្លមៗ​រួច​ទៅហើយ​ បន្ទាប់​ពី​ការ​ប្រកាស​​ដក​ទ័ព​ចេញ​ពីព្រះវិហារ​ពី​សំណាក់​លោក​នាយក​រដ្ឋមន្ត្រី​ ហ៊ុន​ សែន។​ លទ្ធផល​ទី១​​ គឺ​​មេទ័ព​កំពូល​របស់​ថៃ​ដែល​បាន​មក​បំពេញ​​ទស្សនកិច្ច​នៅ​កម្ពុជា​​កាលពី​ដើម​សប្តាហ៍​នេះ​បាន​សម្តែង​ឥរិយាបថ​ទន់​ភ្លន់​ក្នុង​ន័យ​ចង់​បញ្ចប់​បញ្ហា​ព្រះវិហារ​ដោយ​សន្តវិធី​ដែរ។


នៅ​លើ​ឆាក​អន្តរជាតិ​ឯណោះ​វិញ ឥរិយាបថ​របស់​កម្ពុជា​បាន​ទទួល​ការ​ស្វាគមន៍​​ភ្លាមៗ​ពី​សំណាក់​ឯកអគ្គ​រដ្ឋទូត​សហរដ្ឋ​អាមេរិក​ប្រចាំ​ទីក្រុង​ភ្នំពេញ។​ លោកស្រី​ Carol​ Rodly​ ឯកអគ្គ​រដ្ឋទូត​អាមេរិក​បាន​សម្តែង​ការ​សាទរ​ចំពោះ​ជំហរ​របស់​កម្ពុជា​ក្នុង​ការ​​ដក​ទ័ព​ចេញ​ពី​ព្រះវិហារ​ដោយ​ចាត់ទុក​ទង្វើ​នេះ​ថា​ជា​សញ្ញា​វិជ្ជមាន​មួយ​ក្នុង​ដំណើរ​​ឆ្ពោះ​ទៅ​រក​ដំណោះស្រាយ​ដោយ​សន្តិវិធី​ជាមួយ​ថៃ។​ ព្រឹត្តិការណ៍​នេះ​អាច​ចាត់​ទុក​ជា​ជោគជ័យ​មួយ​ជំហាន​រួច​ជា​ស្រេច​នៅ​លើ​​សមរភូមិ​នយោបាយ​ការទូត​របស់​កម្ពុជា​​ស្តីពី​បញ្ហា​ព្រះវិហារ។


ក៏ប៉ុន្តែ​បញ្ហា​ព្រំដែន​​រវាង​កម្ពុជា​ និង​ថៃ​ទាំង​ព្រំដែន​គោក ​និង​ព្រំដែន​សមុទ្រ​នៅ​តែ​មាន​​ភាព​ស្មុគស្មាញ​យ៉ាង​ខ្លាំង​ដដែល។​ ភាព​ស្មុគស្មាញ​ដែល​ទាមទារ​ឲ្យ​រដ្ឋាភិបាល​​កម្ពុជា​ត្រូវ​ប្រើប្រាស់​ភាព​ឈ្លាសវៃ​ជា​ប្រចាំ​ទាំង​ផ្នែក​យោធា​​ការទូត​ និង​ការ​ប្រើប្រាស់​​វិធានការ​ច្បាប់​អន្តរជាតិ។​ ការ​ធ្វេស​ប្រហែស​ក្នុង​ផ្នែក​ណា​មួយ​វា​នឹង​បង្កើត​ជា​ឱកាស​ល្អ​​សម្រាប់​ថៃ​ក្នុង​ការ​យក​ប្រៀប​លើ​កម្ពុជា​ជា​មិន​ខាន៕

Wednesday, September 2, 2009

ព្រះសង្ឃនិងនិស្សិតជួបពិភាក្សាគ្នានៅបាត់ដំបងពី បញ្ហាក្នុងសង្គម


យ៉ាង​ហោច​ណាស់​មាន​ព្រះ​សង្ឃ​និង​និស្សិត​ប្រហែល​៦០០​នាក់​បាន​ជួប​ជុំ​គ្នា​ជជែក​ពិភាក្សា​ដើម្បី​រិះរក​វិធី​កាត់​បន្ថយ​វិបត្តិ​នានា​ទាក់ទិន​នឹង​គម្លាតព្រះ​សង្ឃ​និង​ពុទ្ធ​បរិស័ទ​ដែល​កំពុង​កើត​មាន​ក្នុង​សង្គម​កម្ពុជា។

កិច្ច​ពិភាក្សា​រយៈពេល​ពីរ​ថ្ងៃ ដោយ​ចាប់​ពី​ថ្ងៃ​ទី​១ រហូត​ដល់​ថ្ងៃ​ទី​២ ខែ​កញ្ញា ឆ្នាំ​២០០៩ នៅ​សាល​មហោ​ស្រព​ស្ទឹង​សង្កែ ខេត្ត​បាត់ដំបង ដឹកនាំ​ដោយ​ប្រធាន​សាខា​នៃ​សាកល​វិទ្យាល័យ ព្រះ​សីហនុ​រាជ ព្រះនាម ពុន ហង្សសេង។


ព្រះតេជគុណ​បាន​មាន​ពុទ្ធ​ដីកា​ថា មាន​បញ្ហា​ចោទ​ជា​ច្រើន​កំពុង​កើត​មានឡើង ៖ «ភាព​ច្របូក​ច្របល់​ក្នុង​ការ​ប្រតិបត្តិ​លើ​ជំនឿ​ព្រះ​ពុទ្ធ​សាសនា ការប្រឈម​មុខ​នៃ​ការ​ធ្លាក់​ចុះ​នូវ​អំពើ​សីលធម៌​ដែល​ជា​អត្តសញ្ញាណ​នៃ​វប្បធម៌​ជាតិ និង​បញ្ហា​សីលធម៌​និង​បច្ចេកវិទ្យា​ទំនើប»។


កញ្ញា កុយ ដានី ជា​និស្សិត​ឆ្នាំ​ទី​១ នៃ​សកល​វិទ្យាល័យ​សីហនុ​រាជ ដែល​ចូលរួម​ក្នុង​អង្គ​សិក្ខាសាលា​នោះ បាន​ថ្លែង​ពី​ចំណាប់​អារម្មណ៍​របស់​ខ្លួន​ថា ៖ «តាម​សង្គម​យើង​បច្ចុប្បន្ន ខាង​វិស័យ​សាសនា​និង​សង្គម​ខ្មែរ​យើង មើល​ទៅ​ដូច​ឃ្លាត​ឆ្ងាយ​ពី​គ្នា​ពេក។ ប្រជាជន​ដឹង​ខ្លួន​ថា ខ្លួន​កាន់​ព្រះ​ពុទ្ធ​សាសនា​ដែរ ប៉ុន្តែ​អត់​ស្គាល់​ខ្លួន​ឯង​ច្បាស់ ថា​តើ​ពុទ្ធ​សាសនា​យ៉ាង​ម៉េច​ទេ ដូច​ថា​យើង​ទៅ​វត្ត ចេះ​តែ​ទៅៗ ប៉ុន្តែ​អត់​ដឹង​ថា ខ្លួន​យើង​ត្រូវ​ធ្វើ​អី​ខ្លះ»។


ចំណែក​ឯ​ព្រះ​សង្ឃ​មួយ​អង្គ​ផ្សេង​ទៀត​ក្នុង​ចំណោម​ព្រះ​សង្ឃ​ជា​ច្រើន​អង្គ បាន​មាន​ថេរដីកា​ថា នៅ​ក្នុង​បរិបទ​មួយ​ដែល​ប្រទេស​កម្ពុជា​កំពុង​ធ្វើ​សមាហរណកម្ម​ចូល​ក្នុង​ពិភពលោក កម្ពុជា​បាន​ទទួល​យក​របស់​ប្លែកៗ​ពី​បរទេស​យ៉ាង​ច្រើន ដែល​ធ្វើ​ឲ្យ​ប៉ះពាល់​នឹង​សីលធម៌​សង្គម ដូច្នេះ​ហើយ​ការ​ចូលរួម​របស់​ព្រះ​សង្ឃ​ក្នុង​សង្គម​គឺ​ជា​ចលក​រចាំបាច់​មួយ។


ព្រះ​សង្ឃ​ដដែល​បាន​មាន​ពុទ្ធ​ដីកា​ថា ៖ «ព្រះ​សង្ឃ​ដែល​ជា​សមន​និស្សិត សមន​សិស្ស​របស់​យើង​ហ្នឹង មាន​តួនាទី​កាន់តែ​ខ្លាំង​ឡើង​ថែម​ទៀត​ក្នុង​ការ​ធ្វើ​ការងារ​ដើម្បី​បម្រើ​សង្គម ព្រោះ​នៅ​ក្នុង​បរិបទ​ខ្មែរ​យើង​ព្រះ​សង្ឃ​នៅ​តែ​មាន​តម្លៃ​ក្នុង​ការ​ជួយ​អប់រំ​សង្គម​ឲ្យ​មាន​សីលធម៌»។


អភិបាល​ខេត្ត​បាត់ដំបង លោក ប្រាជ្ញ ចន្ទ បាន​ថ្លែង​គាំទ្រ​ចំពោះ​សិក្ខាសិលា​នោះ ដោយ​ក្រើន​រំឭក​ថា ព្រះ​ពុទ្ធ​សាសនា​មាន​តួនាទី​យ៉ាង​សំខាន់​ក្នុង​ការ​ជួយអប់រំ​ដល់​សង្គម​និង​ការ​អភិវឌ្ឍ​ប្រទេស។


លោក ប្រាជ្ញ ចន្ទ បាន​មាន​ប្រសាសន៍​ថា ៖ «គ្រប់​វត្ត​អារាម​ទាំងអស់​គួរតែ​ពង្រឹង​នូវ​សមត្ថភាព​គ្រប់គ្រង​ឲ្យ​បាន​កាន់តែ​ប្រសើរ​ឡើង ហើយ​ត្រូវ​ខំ​ប្រឹងប្រែង​លុប​បំបាត់​រាល់​អធិករណ៍​ឲ្យ​សល់​កាន់​តែ​តិច​បំផុត ឬ​អាច​ត្រូវ​លុប​បំបាត់ទាំង​ស្រុង ព្រោះ​ថា​អធិករណ៍​កាន់​តែ​ច្រើន​ជា​សញ្ញា​នៃ​ការ​ព្រួយ​បារម្ភ​ចំពោះ​ការ​បដិបត្តិ​ព្រះ​ពុទ្ធ​សាសនា ហើយ​ក៏​ជា​សញ្ញា​ធ្លាក់​ចុះ​នៃ​សីលធម៌​សង្គម​ផល​ដែរ»។


ប្រធាន​សាខា​នៃ​សាកល​វិទ្យាល័យ​ព្រះ​សីហនុ​រាជ ព្រះ​នាម ពុន ហង្សសេង បាន​ព្រះ​ថេរ​ដីកា​ថា នៅ​ក្នុង​ប្រទេស​កម្ពុជា តាម​ការ​ប៉ាន់​ស្មាន​មាន​វត្ត​អារាម​ជាង​៤​ពាន់​វត្ត និង​មាន​ព្រះ​សង្ឃ​ជាង​៥​ម៉ឺន​អង្គ។


គេ​សង្ឃឹម​ថា ការ​ជួប​ជុំ​ពិភាក្សា​ក្នុង​អង្គ​សិក្ខាសាលា​ខាង​លើ​នេះ ព្រះ​សង្ឃជា​ច្រើន​អង្គ​នឹង​ជួយ​ដោះស្រា​យ​បញ្ហា​ជីវិត​ប្រចាំ​ថ្ងៃ​របស់​ពុទ្ធ​បរិស័ទ ហើយ​សិស្ស​និស្សិត​ជា​ច្រើន​នាក់​នឹង​បដិបត្តិ​តាម​ឱវាទ​ព្រះ​ពុទ្ធ លើកកម្ពស់​ស្មារតី​ថែ​រក្សា​អត្ត​សញ្ញាណ​ជាតិ ស្រឡាញ់​វប្បធម៌​ជាតិ៕

ព្រះសង្ឃនិងនិស្សិតជួបពិភាក្សាគ្នានៅបាត់ដំបងពីបញ្ហាក្នុងសង្គម

យ៉ាង​ហោច​ណាស់​មាន​ព្រះ​សង្ឃ​និង​និស្សិត​ប្រហែល​៦០០​នាក់​បាន​ជួប​ជុំ​គ្នា​ជជែក​ពិភាក្សា​ដើម្បី​រិះរក​វិធី​កាត់​បន្ថយ​វិបត្តិ​នានា​ទាក់ទិន​នឹង​គម្លាតព្រះ​សង្ឃ​និង​ពុទ្ធ​បរិស័ទ​ដែល​កំពុង​កើត​មាន​ក្នុង​សង្គម​កម្ពុជា។

កិច្ច​ពិភាក្សា​រយៈពេល​ពីរ​ថ្ងៃ ដោយ​ចាប់​ពី​ថ្ងៃ​ទី​១ រហូត​ដល់​ថ្ងៃ​ទី​២ ខែ​កញ្ញា ឆ្នាំ​២០០៩ នៅ​សាល​មហោ​ស្រព​ស្ទឹង​សង្កែ ខេត្ត​បាត់ដំបង ដឹកនាំ​ដោយ​ប្រធាន​សាខា​នៃ​សាកល​វិទ្យាល័យ ព្រះ​សីហនុ​រាជ ព្រះនាម ពុន ហង្សសេង។


ព្រះតេជគុណ​បាន​មាន​ពុទ្ធ​ដីកា​ថា មាន​បញ្ហា​ចោទ​ជា​ច្រើន​កំពុង​កើត​មានឡើង ៖ «ភាព​ច្របូក​ច្របល់​ក្នុង​ការ​ប្រតិបត្តិ​លើ​ជំនឿ​ព្រះ​ពុទ្ធ​សាសនា ការប្រឈម​មុខ​នៃ​ការ​ធ្លាក់​ចុះ​នូវ​អំពើ​សីលធម៌​ដែល​ជា​អត្តសញ្ញាណ​នៃ​វប្បធម៌​ជាតិ និង​បញ្ហា​សីលធម៌​និង​បច្ចេកវិទ្យា​ទំនើប»។


កញ្ញា កុយ ដានី ជា​និស្សិត​ឆ្នាំ​ទី​១ នៃ​សកល​វិទ្យាល័យ​សីហនុ​រាជ ដែល​ចូលរួម​ក្នុង​អង្គ​សិក្ខាសាលា​នោះ បាន​ថ្លែង​ពី​ចំណាប់​អារម្មណ៍​របស់​ខ្លួន​ថា ៖ «តាម​សង្គម​យើង​បច្ចុប្បន្ន ខាង​វិស័យ​សាសនា​និង​សង្គម​ខ្មែរ​យើង មើល​ទៅ​ដូច​ឃ្លាត​ឆ្ងាយ​ពី​គ្នា​ពេក។ ប្រជាជន​ដឹង​ខ្លួន​ថា ខ្លួន​កាន់​ព្រះ​ពុទ្ធ​សាសនា​ដែរ ប៉ុន្តែ​អត់​ស្គាល់​ខ្លួន​ឯង​ច្បាស់ ថា​តើ​ពុទ្ធ​សាសនា​យ៉ាង​ម៉េច​ទេ ដូច​ថា​យើង​ទៅ​វត្ត ចេះ​តែ​ទៅៗ ប៉ុន្តែ​អត់​ដឹង​ថា ខ្លួន​យើង​ត្រូវ​ធ្វើ​អី​ខ្លះ»។


ចំណែក​ឯ​ព្រះ​សង្ឃ​មួយ​អង្គ​ផ្សេង​ទៀត​ក្នុង​ចំណោម​ព្រះ​សង្ឃ​ជា​ច្រើន​អង្គ បាន​មាន​ថេរដីកា​ថា នៅ​ក្នុង​បរិបទ​មួយ​ដែល​ប្រទេស​កម្ពុជា​កំពុង​ធ្វើ​សមាហរណកម្ម​ចូល​ក្នុង​ពិភពលោក កម្ពុជា​បាន​ទទួល​យក​របស់​ប្លែកៗ​ពី​បរទេស​យ៉ាង​ច្រើន ដែល​ធ្វើ​ឲ្យ​ប៉ះពាល់​នឹង​សីលធម៌​សង្គម ដូច្នេះ​ហើយ​ការ​ចូលរួម​របស់​ព្រះ​សង្ឃ​ក្នុង​សង្គម​គឺ​ជា​ចលក​រចាំបាច់​មួយ។


ព្រះ​សង្ឃ​ដដែល​បាន​មាន​ពុទ្ធ​ដីកា​ថា ៖ «ព្រះ​សង្ឃ​ដែល​ជា​សមន​និស្សិត សមន​សិស្ស​របស់​យើង​ហ្នឹង មាន​តួនាទី​កាន់តែ​ខ្លាំង​ឡើង​ថែម​ទៀត​ក្នុង​ការ​ធ្វើ​ការងារ​ដើម្បី​បម្រើ​សង្គម ព្រោះ​នៅ​ក្នុង​បរិបទ​ខ្មែរ​យើង​ព្រះ​សង្ឃ​នៅ​តែ​មាន​តម្លៃ​ក្នុង​ការ​ជួយ​អប់រំ​សង្គម​ឲ្យ​មាន​សីលធម៌»។


អភិបាល​ខេត្ត​បាត់ដំបង លោក ប្រាជ្ញ ចន្ទ បាន​ថ្លែង​គាំទ្រ​ចំពោះ​សិក្ខាសិលា​នោះ ដោយ​ក្រើន​រំឭក​ថា ព្រះ​ពុទ្ធ​សាសនា​មាន​តួនាទី​យ៉ាង​សំខាន់​ក្នុង​ការ​ជួយអប់រំ​ដល់​សង្គម​និង​ការ​អភិវឌ្ឍ​ប្រទេស។


លោក ប្រាជ្ញ ចន្ទ បាន​មាន​ប្រសាសន៍​ថា ៖ «គ្រប់​វត្ត​អារាម​ទាំងអស់​គួរតែ​ពង្រឹង​នូវ​សមត្ថភាព​គ្រប់គ្រង​ឲ្យ​បាន​កាន់តែ​ប្រសើរ​ឡើង ហើយ​ត្រូវ​ខំ​ប្រឹងប្រែង​លុប​បំបាត់​រាល់​អធិករណ៍​ឲ្យ​សល់​កាន់​តែ​តិច​បំផុត ឬ​អាច​ត្រូវ​លុប​បំបាត់ទាំង​ស្រុង ព្រោះ​ថា​អធិករណ៍​កាន់​តែ​ច្រើន​ជា​សញ្ញា​នៃ​ការ​ព្រួយ​បារម្ភ​ចំពោះ​ការ​បដិបត្តិ​ព្រះ​ពុទ្ធ​សាសនា ហើយ​ក៏​ជា​សញ្ញា​ធ្លាក់​ចុះ​នៃ​សីលធម៌​សង្គម​ផល​ដែរ»។


ប្រធាន​សាខា​នៃ​សាកល​វិទ្យាល័យ​ព្រះ​សីហនុ​រាជ ព្រះ​នាម ពុន ហង្សសេង បាន​ព្រះ​ថេរ​ដីកា​ថា នៅ​ក្នុង​ប្រទេស​កម្ពុជា តាម​ការ​ប៉ាន់​ស្មាន​មាន​វត្ត​អារាម​ជាង​៤​ពាន់​វត្ត និង​មាន​ព្រះ​សង្ឃ​ជាង​៥​ម៉ឺន​អង្គ។


គេ​សង្ឃឹម​ថា ការ​ជួប​ជុំ​ពិភាក្សា​ក្នុង​អង្គ​សិក្ខាសាលា​ខាង​លើ​នេះ ព្រះ​សង្ឃជា​ច្រើន​អង្គ​នឹង​ជួយ​ដោះស្រា​យ​បញ្ហា​ជីវិត​ប្រចាំ​ថ្ងៃ​របស់​ពុទ្ធ​បរិស័ទ ហើយ​សិស្ស​និស្សិត​ជា​ច្រើន​នាក់​នឹង​បដិបត្តិ​តាម​ឱវាទ​ព្រះ​ពុទ្ធ លើកកម្ពស់​ស្មារតី​ថែ​រក្សា​អត្ត​សញ្ញាណ​ជាតិ ស្រឡាញ់​វប្បធម៌​ជាតិ៕

Tuesday, September 1, 2009

ហោរាសាស្ត្រប្រចាំថ្ងៃទី២៥ សីហា-១០ កញ្ញា




ភាគីដើមបណ្ដឹងរដ្ឋប្បវេណីនាំគ្នា តវ៉ាប្រឆាំងនឹងការរឹតត្បិតសិទ្ធិ






យ៉ាង​ហោច​ណាស់​មាន​ជន​រង​គ្រោះ​ដែល​ធ្លាប់​ជាប់​ឃុំ​នៅ​មន្ទីរ​ស-​២១ ប្រហែល ២៨​នាក់​ដែល​តាំង​ខ្លួន​ជា​ដើម​បណ្តឹង​រដ្ឋ​ប្បវេណី​នៅ​ក្នុង​រឿង​ក្តីរបស់​ជន​ជាប់​ចោទ ឌុច បាន​នាំ​គ្នា​តវ៉ា មិន​ព្រម​ចូលរួម​សវនាការ​របស់​សាលាក្តី​ខ្មែរ​ក្រហម​នៅ​ព្រឹក​ថ្ងៃ​ចន្ទ ទី​៣១ សីហា ឆ្នាំ​២០០៩។

ការ​តវ៉ា​នៅ​មុខ​ច្រក​ទ្វារ​ចូល​សាលាក្តី មិន​ព្រម​ចូលរួម​សវនាការ បាន​ធ្វើ​ឡើង ក្រោយ​ពី​សេចក្ដី​សម្រេច​របស់​អង្គ​ជំនុំ​ជម្រះ បាន​បន្ថយ​លទ្ធភាព​ចូលរួមរបស់​ពួក​គេ​និង​ក្រុម​មេធាវី​នៅ​ក្នុង​សវនា​ការ​ស្តីពី​អត្ត​ចរិត​របស់​ជន​ជាប់​ចោទ។



ដើម​បណ្តឹង​រដ្ឋ​ប្បវេណី​មួយ​រូប​ឈ្មោះ ជុំ ស៊ីរ៉ាត បាន​ថ្លែង​នាំ​មុខ​ក្រុម​អ្នក​តវ៉ា​ដូច្នេះ​ថា ៖ «សេចក្ដី​សម្រេច​ពីរ​នោះ គឺ​ទី​១ មេធាវី​ជន​រង​គ្រោះ​មិន​អាចធ្វើ​សេចក្ដី​កត់​សម្គាល់​លើ​ការ​ដាក់​ទោស​របស់​ជន​ជាប់​ចោទ ទី​២ មេធាវី​ក្ដី ដើម​បណ្ដឹង​រដ្ឋ​ប្បវេណី​ក្ដី គ្មាន​អំណាច​ដេញ​ដោល​សួរ​អ្នក​ជំនាញ​ដែល​និយាយ​អំពី​អត្ត​ចរិត​របស់​ជន​ជាប់​ចោទ»។



សេចក្តី​សម្រេច​របស់​អង្គ​ជំនុំ​ជម្រះ ដែល​បដិសេធ​សិទ្ធិ​មេធាវី​ដើម​បណ្តឹង​រដ្ឋប្ប​វេណី ត្រូវ​បាន​ធ្វើ​ឡើង​ដោយ​លោក និល ណុន ប្រធាន​ចៅក្រម​ជំនុំ​ជម្រះ កាល​ពី​ថ្ងៃ​ព្រហស្បតិ៍ ទី​២៧ សីហា សប្តាហ៍​មុន ៖ «តាម​មតិ​ភាគ​ច្រើន​របស់​អង្គជំនុំ​ជម្រះ​និង​មតិ​ជំទាស់​របស់​ចៅក្រម Lavergne អង្គ​ជំនុំ​ជម្រះ​សម្រេច​ដូចខាង​ក្រោម​នេះ ៖ ដើម​បណ្ដឹង​រដ្ឋ​ប្បវេណី​មិន​ត្រូវ​បាន​អនុញ្ញាត​ឲ្យ​សួរ​ជន​ជាប់​ចោទ​ពាក់ព័ន្ធ​ទៅ​នឹង​អត្ត​ចរិត​[ឡើយ]​»។



ដើម​បណ្តឹង​រដ្ឋប្ប​វេណី​មួយ​រូប​ទៀត ឈ្មោះ ភឹង ហ៊ុត​ស៊ុន​ថារី ថ្លែង​ដូច្នេះ​ថា ៖ «យើង​ចង់​បាន​ការ​ឆ្លើយ​តប​ជា​ផ្លូវការ​មក​សិន ប៉ុន្តែ​យើង​មិន​បោះ​បង់​កៅអី​របស់​យើង និង​ក៏​មិន​បោះបង់​សិទ្ធិ​របស់​យើង​ជា​ដើម​បណ្ដឹង​ដែរ ប៉ុន្តែយើង​ចង់​ឲ្យ​ពិភពលោក​ដឹង​ថា តើ​មាន​ហេតុ​ការណ៍​អ្វី​ខ្លះ​កើត​នៅ​ក្នុង​អង្គ​ជំនុំ​ជម្រះ​របស់​យើង​ហ្នឹង»។



ការ​តវ៉ា​របស់​ដើម​បណ្តឹង​រដ្ឋ​ប្បវេណី ត្រូវ​បាន​លោក រាជ សម្បត្តិ ប្រធាន​ផ្នែក​កិច្ចការ​សាធារណៈ ថ្លែង​ថា ជា​កិច្ចការ​របស់​អង្គ​ជំនុំ​ជម្រះ​ដែល​ត្រូវ​សម្រេច។ ក៏ប៉ុន្តែ​លោក​បាន​ជម្រាប​ជូន​រឿង​នេះ​ទៅ​ចៅក្រម​ជំនុំ​ជម្រះ​ហើយ​ៗ សេចក្តីសម្រេច​ណា​មួយ​នោះ លោក​មិន​ទាន់​បាន​ទទួល​នៅ​ឡើយ​ទេ។



លោក​គ្រាន់​តែ​លើក​ឡើង​ដូច្នេះ​ថា ៖ «អ៊ីចឹង​ពួក​គាត់​ដែល​មក​ធ្វើ​កូដកម្ម​ព្រឹក​មិញ​ហ្នឹង គឺ​គាត់​តំណាង​ឲ្យ​ក្រុម​មួយ​ក្នុង​ចំណោម​ក្រុម​ដើម​បណ្ដឹង​រដ្ឋ​ប្បវេណី​ទាំង​អស់ គឺ​២៨​រូប ក្នុង​ចំណោម ៩៣។ យើង​គោរព​សិទ្ធិ​ពួក​គាត់ ហើយ​យើង​ចាត់​ទុក​ស្មើៗ​គ្នា»។



សូម​ជម្រាប​ជូន​ថា នៅ​ក្នុង​សំណុំ​រឿង​ក្តី​របស់​ជន​ជាប់​ចោទ​ឈ្មោះ កាំង ហ្កេក​អ៊ាវ ហៅ ឌុច អតីត​ប្រធាន​គុក​ទួលស្លែង មាន​ជន​រង​គ្រោះ​និង​សាច់​ញាតិជន​រង​គ្រោះ​ចំនួន ៩៣​រូប បាន​តាំង​ខ្លួន​ជា​ដើម​បណ្តឹង​រដ្ឋ​ប្ប​វេណី។ ហើយ​បើ​ទោះ​បី​ជា​មាន​ការ​តវ៉ា​ពី​ជន​រង​គ្រោះ​ចំនួន​២៨​រូប​ក្នុង​ចំណោម​ទាំង​អស់ ៩៣​រូប​នេះ​ក៏​ដោយ ក៏​ដំណើរការ​កាត់​សេចក្តី​មិន​ត្រូវ​បាន​អាក់​ខាន​ឡើយ៕

រដ្ឋមន្ត្រីព័ត៌មាននឹងដឹកនាំប្រតិភូទៅធ្វើបុណ្យនៅកម្ពុជា ក្រោម






នៅ​ចុង​សបា្ដហ៍​ទី​មួយ​នៃ​ខែ​កញ្ញា​នេះ លោក ខៀវ កាញារីទ្ធ រដ្ឋ​មន្ត្រី​ក្រសួង​ព័ត៌មាន​នៃ​ប្រទេស​កម្ពុជា​នឹង​ដឹក​នាំ​មន្ត្រី​រាជ​ការ​នៃ​ក្រសួង​ព័ត៌មាន​ទៅ​ធ្វើ​បុណ្យ​នៅ​ខេត្ត​មួយ​ក្នុង​ទឹក​ដី​កម្ពុជា​ក្រោម។



រដ្ឋាភិបាល​កម្ពុជា​មាន​គ្រោង​បញ្ជូន​ជា​លើក​ដំបូង​នូវ​ប្រតិភូ​ចំនួន​១៥០​នាក់ នៅ​ថៃ្ង​ទី​៥ ខែ​កញ្ញា ខាង​មុខ​នេះ ទៅ​កាន់​ខេត្ត​ត្រាវិញ ហៅ​ជា​ភាសា​វៀតណាម និង​ដែល​កំពុង​កាន់​កាប់​ដោយ​ប្រទេស​វៀតណាម ឬ​ហៅ​ថា ខេត្ត​ព្រះ​ត្រពាំង អតីត​ទឹក​ដី​ខែ្មរ​កម្ពុជា​ក្រោម សម្រាប់​រយៈពេល​២​ថៃ្ង នៅ​ដើម​ខែកញ្ញា ដើម្បី​ចូលរួម​កាន់​បិណ្ឌ​នៅ​ទី​នោះ​និង​សែ្វង​យល់​អំពី​ការ​ពិត​អំពីស្ថានភាព​រស់​នៅ​របស់​គ្រួសារ​ខែ្មរ​កម្ពុជា​ក្រោម​នៅ​ទី​នោះ។



លោក ខៀវ កាញារីទ្ធ ជា​មន្រ្តី​អ្នក​នាំ​ពាក្យ​របស់​រាជ​រដ្ឋាភិបាល​កម្ពុជា​និង​ជា​រដ្ឋមន្រ្តី​ក្រសួង​ព័ត៌មាន​ផង​ដែរ​នោះ ដែល​នឹង​ដឹកនាំ​ប្រតិភូ​ចំនួន​១៥០​នាក់ ទៅ​កាន់​អតីត​ទឹក​ដី​ខែ្មរ​កម្ពុជា​ក្រោម​នា​ពេល​ខាង​មុខ​នេះ បាន​មាន​ប្រសាសន៍​ប្រាប់​វិទ្យុ​អាស៊ីសេរី​នៅ​ថៃ្ង​ច័ន្ទ ទី​៣១ ខែ​សីហា ថា យើង​ទៅ​កាន់​បិណ្ឌ​នៅ​ក្នុង​វត្ត​ចំនួន​២ គឺ​វត្ត​អង្គរ​បុរី និង​វត្ត​កំពង់​ឈូក នៅ​ក្នុង​ខេត្ត​ត្រាវិញ ឬ​ខេត្ត​ព្រះ​ត្រពាំង​ដែល​មាន​ចំណាស់​ជាង ១.០០០​ឆ្នាំ​មក​ហើយ។



លោក ខៀវ កាញារីទ្ធ មាន​ប្រសាសន៍​ដូច្នេះ​ថា ៖ «យើង​ចង់​រៀបចំ​ជា​ពិធី​កាន់​បិណ្ឌ​មួយ ដោយ​មន្រ្តី​រាជការ​ក្រសួង​ព័ត៌មាន​ហ្នឹង ហើយ​ក៏​មាន​អ្នក​កាសែត​ទូរទស្សន៍​ទាំង​អស់​មួយ​ចំនួន​ធំ​នៅ​ប្រទេស​កម្ពុជា​យើង ដើម្បី​ទៅ​ផ្សា​ភ្ជាប់និស្ស័យ​ផង ក៏​ដើម្បី​ស្វែង​យល់​ពី​គ្នា​ទៅ​វិញ​ទៅ​មក​ផង។ យើង​ចង់​ឲ្យ​ប្រជាជន​ខ្មែរ​កម្ពុជា​ក្រោម​យល់​ថា រដ្ឋាភិបាល​មិន​ដែល​ព្រងើយ​កន្តើយ​អំពីស្ថានភាព​របស់​បង​ប្អូន​នៅ​កម្ពុជា​ក្រោម»។



លោក​បាន​មាន​ប្រសាសន៍​បញ្ជាក់​ថា ការ​ចាក​ចេញ​ដំណើរ​នឹង​ចាប់​ផ្តើម​នៅ​ព្រលឹម​ថៃ្ង​សៅរ៍ ទី​៥ ខែ​កញ្ញា និង​វិល​ត្រទ្បប់​មក​វិញ​នៅ​ថៃ្ង​អាទិត្យ ទី​៦ ខែ​កញ្ញា តាម​រយៈ​រថយន្ត​ធំ​ចំនួន​៣​គ្រឿង ចេញ​ពី​ទីក្រុង​ភ្នំពេញ ទៅ​កាន់ខេត្ត​ព្រះ​ត្រពាំង​នោះ។



ព្រះ​ភិក្ខុ ថាច់ វិមាន ជា​អ្នក​នាំ​ពាក្យ​នៃ​សហព័ន្ធ​ខែ្មរ​កម្ពុជា​ក្រោម​ពិភព​លោកប្រចាំ​នៅ​ក្នុង​ប្រទេស​កម្ពុជា បាន​មាន​ពុទ្ធ​ដីកា​ស្វាគមន៍​ថា វា​ជា​សញ្ញាល្អ​នៃ​ការ​យក​ចិត្ត​ទុក្ខ​ដាក់​របស់​រដ្ឋាភិបាល​កម្ពុជា ដោយ​ព្រះ​អង្គ​បាន​ស្នើ​សុំ​ឲ្យ​រដ្ឋាភិបាល​កម្ពុជា​ទៅ​ធ្វើ​ទស្សន​កិច្ច​ដូច​គ្នា​នេះ​នៅ​ខេត្ត​ឃ្លាំង​និង​ខេត្ត​មាត់​ជ្រូក នៅ​ថៃ្ង​អនាគត។



ព្រះ​តេជ​គុណ ថាច់ វិមាន មាន​ពុទ្ធ​ដីកា​ដូច្នេះ​ថា ៖ «យ៉ាង​ណា​មិញ គឺ​ថា​ខ្មែរ​ទាំង​អស់​គ្នា ខ្មែរ​ក្រោម ខ្មែរ​លើ ខ្មែរ​កណ្ដាល ជា​ខ្មែរ​តែ​មួយ បើ​សិន​ណា លោក ខៀវ កាញារីទ្ធ មាន​មនោ​សញ្ចេតនា​ដ៏​បរិសុទ្ធ អាត្មា​មាន​ការ​ត្រេក​អរ ហើយ​យ៉ាង​ណា​មិញ លោក​ទៅ​ហ្នឹង​អាច​យល់​បាន​ខ្លះៗ​អំពី​ជីវភាព​រស់​នៅ​ពិត​ប្រាកដ​របស់​បង​ប្អូន​ខ្មែរ​កម្ពុជា​ក្រោម»។



ព្រះ​ភិក្ខុ​មួយ​អង្គ គង់​នៅ​ក្នុង​វត្ត​គង​ជ័យ នៅ​ក្នុង​ខេត្ត​ត្រាវិញ ឬ​ខេត្ត​ព្រះ​ត្រពាំង ជា​អតីត​ទឹក​ដី​ខែ្មរ​កម្ពុជា​ក្រោម បាន​មាន​ពុទ្ធ​ដីកា​តាម​ទូរស័ព្ទ​មក​ថា ព្រះ​អង្គ​មាន​ការ​សប្បាយ​រីក​រាយ​ចំពោះ​ការ​កាន់​បិណ្ឌ​នេះ។



សូម​ជម្រាប​ថា ប្រភព​និង​ឯកសារ​នានា​របស់​សហគមន៍​ខ្មែរ​កម្ពុជា​ក្រោម បាន​ឲ្យ​ដឹង​ថា ទឹក​ដី​ខែ្មរ​កម្ពុជា​ក្រោម ដែល​មាន​ខេត្ត​ចំនួន​២១​ខេត្ត ត្រូវ​បាន​អាណានិគម​និយម​បារាំង​កាត់​ឲ្យ​ទៅ​វៀតណាម​គ្រប់គ្រង​តាំង​ពី​ថៃ្ង​ទី​៤ ខែ​មិថុនា ឆ្នាំ​១៩៤៩ ដោយ​គ្មាន​ការ​យល់​ព្រម​ពី​ប្រជា​ពលរដ្ឋ​ជា​ម្ចាស់​ទឹក​ដី​ទ្បើយ។



ក្រោយ​ពី​ទឹក​ដី​នេះ​ត្រូវ​បាន​កាន់​កាប់​ដោយ​វៀតណាម សកម្មជន​ការពារ​សិទ្ធិ​មនុស្ស​នៃ​ខែ្មរ​កម្ពុជា​ក្រោម​បាន​រាយការណ៍​ជា​បន្ត​បន្ទាប់​ថា មាន​ការ​គាប​សង្កត់​បិទ​សិទ្ធិ​សេរីភាព​ក្នុង​ជំនឿ​សាសនា​តាម​បែប​ប្រពៃណី​ខែ្មរ​និង​អក្សរ​សាស្រ្ត​ខែ្មរ​ជា​ដើម មក​លើ​ពលរដ្ឋ​ខ្មែរ​កម្ពុជា​ក្រោម​នោះ៕

Monday, August 24, 2009

ស្ថានភាពគ្រោះទឹកជំនន់នៅខែត្រភាគឦសាន


អាជ្ញាធរ​នៅ​ខេត្ត​ភាគ​ឦសាន​ប្រទេស​ជាប់​តាម​ដង​ទន្លេ​មេគង្គ​បាន​ឲ្យ​ដឹង​ថា ឆ្នាំ​នេះ​ពុំ​មាន​មនុស្ស​ស្លាប់​ដោយសារ​គ្រោះ​ទឹក​ជំនន់​ឡើយ ហើយ​ផល​ដំណាំ​ក៏​ប៉ះពាល់​តិច​ជាង​ឆ្នាំ​ទៅ​ដែរ បើ​ទោះ​បី​ជា​ទឹក​ទន្លេ​មេគង្គមាន​ការជន់​ជោរ​ខ្ពស់​ជាង​ឆ្នាំ​ទៅ​ក៏​ដោយ។

អភិបាល​ខេត្ត​ស្ទឹងត្រែង គឺ​លោក ឡូយ សូផាត បាន​ឲ្យ​ដឹង​ថា ទឹក​ជំនន់​ទន្លេ​មេគង្គ​ឆ្នាំ​នេះ​មាន​ភាព​ធំ​ជាង​ឆ្នាំ​ទៅ ដោយ​ទឹក​បាន​ឡើង​ហួស​កំណត់​ត្រូវ​ប្រកាស​អាសន្ន​ដែល​គេ​កំណត់​ត្រឹម​១១​ម៉ែត្រ ហើយ​ឡើង​ដល់​ទៅ​ជា១២​ម៉ែត្រ​កាល​ពី​ថ្ងៃ​ទី​៥ សីហា ដែល​ធ្វើ​ឲ្យ​លិច​ភូមិ​មួយចំនួន​ក្នុង​ស្រុក​សៀមប៉ាង។


លោក ឡូយ សូផាត បាន​មាន​ប្រសាសន៍​ថា ៖ «ទឹក​ហ្នឹង​វា​លិច​ច្រើន​គួរសម​ដែរ ប៉ុន្តែ​ទឹក​ហ្នឹង​វា​ស្រក​ទៅ​វិញ​លឿន។ ការខូច​ខាត​យើង​ឃើញ​មាន​ខូច​ស្រូវ... លិច​ដល់​ទៅ​ជាង​៤០០​ហិកតារ​មែន ប៉ុន្តែ​វា​ខូច​មិន​លើស​ពី​១០%​ឬ​១០%​ជាង​តែ​ប៉ុណ្ណឹង»។


លោក​អភិបាល​ខេត្ត ឡូយ សូផាត បាន​បញ្ជាក់​បន្ថែម​ថា ពុំ​មាន​គ្រោះថ្នាក់​ដល់​ជីវិត​មនុស្ស​ទេ ហើយ​ពេល​នេះ​លោក​កំពុង​ត្រួត​ពិនិត្យ​ដី​ស្រែ​ដែល​លិច​ទឹក​ដើម្បី​សង្គ្រោះ។


នៅ​ឯ​ខេត្ត​ក្រចេះ​វិញ ក្នុង​រយៈ​កាល​ទឹក​ជំនន់​កន្លង​ទៅ​ត្រូវ​បាន​លោក ធុន គ្រី អភិបាល​រង​ខេត្ត ឲ្យ​ដឹង​ថា ទឹក​មាន​សភាព​ធំ​ជាង​ឆ្នាំ​ទៅ​មែន តែ​ពុំបណ្តាល​ឲ្យ​មាន​គ្រោះថ្នាក់​ដល់​ជីវិត​មនុស្ស​និង​សត្វ​និង​បំផ្លាញ​ដំណាំ​កសិ​ផល​ឡើយ។


លោក ធុន គ្រី បាន​បញ្ជាក់​ថា ៖ «ទឹក​ឡើង វា​ប៉ះពាល់​ការលិច​លង់​ដែរ ប៉ុន្តែ​វា​អត់មាន​ផល​ប៉ះពាល់​ដល់​រលួយ​ដំណាំ​អី​អត់​ទេ បើ​រយៈពេល​ខ្លី ព្រោះ​តាម​របាយការណ៍​តាម​បណ្ដា​ស្រុក ក៏​ដូច​ជា​ការពិនិត្យ​ទៅ​តាម​កន្លែង​ដែល​ធ្លាប់​រង​ការលិច​លង់​ហ្នឹង​ដែរ»។


លោក ឈន ម៉ាគីលីន មន្ត្រី​ធនធាន​ទឹក​ខេត្ត​ក្រចេះ​បាន​ឲ្យ​ដឹង​ថា កាល​ពី​ឆ្នាំ​ទៅ​ទឹក​ឡើង​ខ្ពស់​បំផុត​មាន​ត្រឹម​តែ​២០,៤៥​ម៉ែត្រ តែ​ឆ្នាំ​នេះ​ទឹក​ហាក់​ដូច​ជា​មាន​កម្ពស់​ដល់​ទៅ​២០,៤៨​ម៉ែត្រ តែ​ក៏​នៅតែ​ពុំ​ទាន់​ដល់​កម្រិត​ប្រកាស​ភាព​អាសន្ន​គឹ ២១​ម៉ែត្រ​នោះ​ឡើយ​ដែរ ហើយ​នៅ​ថ្ងៃ​អាទិត្យ ទី​២៣ សីហា ទឹក​ក៏​បាន​ស្រក​នៅ​ត្រឹម​កម្ពស់​១៧,២៤​ម៉ែត្រ ដែល​លោក​ថា​ជា​ការស្រក​លឿន​ជាង​ឆ្នាំ​ទៅ។


លោក ឈន ម៉ាគីលីន បាន​ឲ្យ​ដឹង​ថា ៖ «ឆ្នាំ​ទៅ​វា​ឡើង​តែ​២០,៤៥​ម៉ែត្រ​ទេ ថ្ងៃ១៣។ រួច​ដល់​ពេល​អា​នេះ​វា​នៅ​ក្នុង​ដូច​ដើម​ខែ​៨​ហ្នឹង​ដូច​គ្នា ២០,៤៨(ម៉ែត្រ) គ្រាន់តែ​សភាព​ដែល​វា​ស្រក​ហ្នឹង​វា​លឿន​ជាង​ឆ្នាំ​ទៅ។ ឆ្នាំ​ទៅ​ដល់ថ្ងៃ​នេះ​វា​នៅ​ត្រឹម​កម្រិត​១៩​ម៉ែត្រ​ជាង វា​នៅ​ខ្ពស់​ជាង​ឆ្នាំ​នេះ ឆ្នាំ​នេះ ថ្ងៃ​នេះ វា​១៧,២៤​(ម៉ែត្រ)»។


ការស្រក​ចុះ​លឿន​នៃ​ទឹក​ទន្លេ​មេគង្គ​បែប​នេះ​នាំ​ឲ្យ​មាន​ការព្រួយ​បារម្ភ​ពី​សំណាក់​អាជ្ញាធរ​ខេត្ត​ក្រចេះ ដោយ​ខ្លាច​ក្រែង​កើត​មាន​គ្រោះ​រាំង​ស្ងួត​ក្នុង​មុខរបរ​របស់​អ្នក​ស្រុក​ទៅ​វិញ​បន្ទាប់​ពី​គេ​សង្កេត​ឃើញ​ភ្លៀង​រាំង​ជាច្រើន​ថ្ងៃ​មក៕

ក្មេង៣នាក់ត្រូវរន្ទះបាញ់ស្លាប់នៅខេត្តបាត់ដំបង


យ៉ាង​ហោច​ណាស់ មាន​ក្មេង​៣​នាក់​នៅ​ភូមិ​តែ​មួយ​បាន​ស្លាប់​ភ្លាមៗ និង​កេ្មង​ប្រុស​ម្នាក់​ទៀត បាន​រង​គ្រោះ​ធ្ងន់​ដោយសារ​រន្ទះ​បាញ់​ទម្លាក់​ពី​លើ​ដើម​ឈើ ខណៈ​ដែល​ក្មេងៗ​ទាំង​៤​នាក់ បាន​ឡើង​បេះ​ផ្លែ​ដង្កោ នៅ​មុន​ពេល​មេឃ​ភ្លៀង​បន្តិច​ក្នុង​ខេត្ត​បាត់​ដំបង។



មេ​ឃុំ​របស់​មង្គល លោក ទូច ហឹម បាន​ថ្លែង​ប្រាប់​នៅ​ព្រឹក​ថ្ងៃ​អាទិត្យ ទី​២៣ ខែសីហា ថា គ្រោះថ្នាក់​ដោយសារ​រន្ទះ​បាញ់​ខាង​លើ​បាន​កើត​ឡើង កាល​ពី​រសៀល​ម៉ោង ៣ និង ៣០​នាទី នា​ថ្ងៃ​សៅរ៍ ទី​២២ ខែ​សីហា ឆ្នាំ​២០០៩ នៅ​ភូមិ​ព្រៃព្រំ​២ ឃុំ​របស់​មង្គល ស្រុក​មោង​ឫស្សី ខេត្ត​បាត់​ដំបង។



លោក ទូច ហឹម មាន​ប្រសាសន៍​ដូច្នេះ​ថា ៖ «បាញ់​មុន​ភ្លៀង គ្រាន់​តែ​ចាប់​រលឹម​តិចៗ​មក រន្ទះ​មក​បណ្តោយ ម៉ោង​ប្រហែល​ជា ៣​កន្លះ ហើយ​ក្មេង​ហ្នឹង​វា​ទៅ​ឡើង​បេះ​ផ្លែ​ដង្កោ ឡើង​ទៅ ៤​នាក់ ដល់​ពេល​រន្ទះ​បាញ់​ទៅ វា​ងាប់​បី​នាក់​ធ្លាក់​មក ម្នាក់​នៅ​រស់​យក​ទៅ​មន្ទីរ​ពេទ្យ»។



លោក​បន្ត​ថា ក្មេង​ទាំង​បី​នាក់​នោះ មាន​ឈ្មោះ ឃាន ខុន ភេទ​ស្រី អាយុ ១៤​ឆ្នាំ ឈ្មោះ សៀក សុខ ចាន់ ភេទ​ស្រី អាយុ​១៤​ឆ្នាំ ឈ្មោះ ខេង ទា អាយុ ៨​ឆ្នាំ ស្លាប់ និង ឈ្មោះ ហាត ហឿន ភេទ​ប្រុស អាយុ​៨​ឆ្នាំ រង​របួស​ធ្ងន់ កំពុង​សង្គ្រោះ​នៅ​មន្ទីរ​ពេទ្យ​បង្អែក ស្រុក​មោង​ឫស្សី។



លោក​បន្ត​ថា ក្មេង​ប្រុស​ស្រី​ទាំង​៤​នាក់ មាន​លំនៅ​នៅ​ភូមិ​ព្រៃ​ព្រំ​១ ឃុំ​របស់​មង្គល ស្រុក​មោង​ឫស្សី ជាមួយ​គ្នា។



ប្រធាន​មន្ទីរ​ធនធាន​ទឹក​និង​ឧតុនិយម​ខេត្ត​បាត់ដំបង លោក ឡុង ផល​គុណ បាន​ឲ្យ​ដឹង​ថា កន្លង​មក ខាង​មន្ទីរ​និង​អង្គការ Jica របស់​ជប៉ុន បាន​សហការ​គ្នា​ដោយ​បាន​បោះ​ពុម្ព​សៀវភៅ​យល់​ដឹង​ពី​គ្រោះថ្នាក់​ដោយសារ​រន្ទះ​បាញ់​នេះ។ ហើយ​សៀវភៅ​ទាំង​នោះ បាន​ផ្តល់​ទៅ​ឲ្យ​អាជ្ញាធរ​មូលដ្ឋាន​ដើម្បី​អប់រំ​ប្រជា​ពលរដ្ឋ​ឲ្យ​ចេះ​ការពារ​ខ្លួន​នៅ​ពេល​មាន​មេឃ​ភ្លៀង​ផ្គរ។



ជាមួយ​គ្នា​នេះ លោក​បាន​អំពាវនាវ​ឲ្យ​ប្រជា​ពលរដ្ឋ​មាន​ការ​ប្រុង​ប្រយ័ត្ន ៖ «ពេល​ភ្លៀង យើង​គួរ​កុំ​ចេញ​ទៅ​ក្រៅ​ផ្ទះ​សម្បែង ប្រជាជន​យើង​ភាគ​ច្រើន ពេល​ភ្លៀង​ពេល​អី គាត់​លេង​ក្មេងៗ​ច្រើន​ជិះ​លេង តាម​ផ្ទះ​ទីធ្លា​មាន​ទឹក​ដក់ ពេល​ភ្លៀង​យើង​មិន​គួរ​ណា​បណ្តោយ​អ៊ីចឹង​ទេ សត្វ​ពាហនៈ​ក៏​អ៊ីចឹង​ដែរ គេ​ឲ្យ​ចូល​ទី​ណា​មាន​ជម្រក​បាំង​ជិត​កុំ​ឲ្យ​ខ្លួន​យើង កាល​ណា​មានផ្លេក​បន្ទោរ រន្ទះ​អី​អ៊ីចឹង​ទៅ វា​ឆ្លង​តាម​រយៈ​ទឹក​ភ្លៀង​ដែល​យើង​ជាន់​អី​ហ្នឹង»។



អាជ្ញាធរ​មូលដ្ឋាន​ឃុំ​របស់​មង្គល​បាន​ឲ្យ​ដឹង​ទៀត​ថា កាល​ពី​ពាក់​កណ្តាលខែ​សីហា ឆ្នាំ​២០០៩ បុរស​ម្នាក់ ឈ្មោះ ប៊ុន ឆោម អាយុ​៥៧​ឆ្នាំ រស់​នៅ​ភូមិ​អង្គ ឃុំ​តា​ពូង ស្រុក​ថ្ម​គោល ក៏​ត្រូវ​បាន​រន្ទះ​បាញ់​ស្លាប់ ខណៈ​ធ្វើ​ដំណើរ​ត្រឡប់​មក​ពី​ធ្វើ​សែ្រ​វិញ។



ចំណែក​ឯ​មេ​ឃុំ​ជ្រោយ​ស្ដៅ ជាមួយ​គ្នា​នេះ​ដែរ កាល​ពី​ថ្ងៃ​សៅរ៍ ទី​១១ ខែ​មេសា បុរស​ពីរ​នាក់​នៅ​ភូមិ​និគម​ក្នុង ឃុំ​ជ្រោយ​ស្តៅ ស្រុក​ថ្ម​គោល ខេត្ត​បាត់ដំបង ក៏​ទទួល​រង​គ្រោះ​ស្លាប់​ដោយសារ​រន្ទះ​បាញ់។



ជន​រង​គ្រោះ​ត្រូវ​បាន​រន្ទះ​បាញ់​ស្លាប់ ខណៈ​ដែល​កំពុង​អង្គុយ​មើល​ទូរទស្សន៍​នៅ​ក្រោម​ផ្ទះ និង​ម្នាក់​ទៀត ត្រូវ​បាន​រន្ទះ​បាញ់​ស្លាប់ ខណៈ​ដែល​កំពុង​បើក​បរ​ម៉ាស៊ីន​គោ​យន្ត​ច្នៃ​ទៅ​វាល​ស្រែ។



ប្រភព​ដដែល​បាន​បន្ថែម​ឲ្យ​ដឹង​ថា នៅ​ក្នុង​ខេត្ត​បាត់​ដំបង គិត​ថ្ងៃ​សៅរ៍ ខែមេសា​ដើម​ឆ្នាំ រហូត​ដល់​ថ្ងៃ​សៅរ៍ ទី​២២ ខែ​សីហា ឆ្នាំ​២០០៩ មាន​ប្រជា​ពលរដ្ឋ​ក្នុង​ខេត្ត​ចំនួន ៦​នាក់​ហើយ ដែល​រង​គ្រោះ​ដោយសារ​រន្ទះ​បាញ់៕

Thursday, August 20, 2009

បទសម្ភាសន៍ទាក់ទងនឹងកម្ពុជាជំពាក់ប្រាក់បរទេស


កន្លង​មក​មាន​សេចក្តី​រាយការណ៍​ថា ប្រទេស​កម្ពុជា​ជំពាក់​ប្រាក់​​​បរទេស​រាប់​ពាន់​លាន​ដុល្លារ​សហរដ្ឋ​អាមេរិក។


គឹមពៅ ៖ ខ្ញុំ​ទទួល​បាន​ដំណឹង​ថា ឯកឧត្ដម​ទើប​នឹង​បាន​ទទួល​នូវ​ឯកសារ​មួយ​ស្ដី អំពី​កម្ពុជា ដែល​ជំពាក់​បំណុល​គេ។ តើ​មក​ដល់​ពេល​នេះ​ឯកឧត្ដម​អាច​ឲ្យ​ដឹង​ថា កម្ពុជា​យើង​ជំពាក់​បំណុល​គេ​ប៉ុន្មាន​ទៅ​ហើយ ហើយ​ជា​ពិសេស​យើង ជំពាក់​ប្រទេស​ណា​ខ្លះ?

សុន ឆ័យ ៖ យើង​បាន​ទទួល​លិខិត​ផ្លូវការ លិខិត​នេះ​ផ្ញើ​មក​រដ្ឋ​សភា​តាំង​តែ ពី​ខែ ធ្នូ ឆ្នាំ ២០០៨។ ក្នុង​របាយការណ៍​គឺ​មាន​ការ​បញ្ជាក់​ពី​ការ​ជំពាក់​លុយ​បរទេស គឺ​មាន​ចំនួន ២.៦៩៣​លាន​ដុល្លារ​សហរដ្ឋ​អាមេរិក។ ហើយ​បើ​យើង​គិត មក​ដល់​ពេល​នេះ គិត​តាម​តួលេខ​ដែល​ប៉ាន់​ស្មាន ថា​ប្រហែល​ជា ៣​ពាន់​លាន​(ដុល្លារ)​ហើយ ដែល​យើង​ជំពាក់​បរទេស។ ហើយ​ទឹក​ប្រាក់​នេះ គឺ​ជា​ទឹកប្រាក់​មួយ​ដែល​ខ្ញុំ​មាន​ការ​ព្រួយ​បារម្ភ ថា​អាច​នឹង​ផ្ដល់​ស្ថានភាព​មួយ​ដែល​ខាង​ផ្នែក​ស្ថានប័ន​ហិរញ្ញវត្ថុ​អន្តរជាតិ គេ​ប្រហែល​ជា​បន្តិច​ទៀត គេ​ឈប់ឲ្យ​យើង​ខ្ចី​ទៀត​ហើយ ពីព្រោះ​វា​ដល់​កម្រិត​មួយ​ដែល​គេ​មិន​ជឿ​ជាក់​ថា​យើង​នឹង​អាច​សង​គេ​បាន។

គឹមពៅ ៖ ខ្ញុំ​ចង់​ជម្រាប​សួរ​ឯកឧត្ដម​បន្ត​ទៀត អំពី​រឿង​ដែល​យើង​ខ្ចី​បុល​គេ មក​ទល់​ថ្ងៃ​ហ្នឹង​មាន​ចំនួន​ដល់​តែ​ជាង ៣​ពាន់​លាន​(ដុល្លារ) បើ​ប្រៀប​ធៀប​ទៅ​នឹង​ការ​អភិវឌ្ឍ​នៅ​ក្នុង​ស្រុក​ហ្នឹង​វា​សមរម្យ​ទេ?

សុន ឆ័យ ៖ យើង​ឃើញ​ថា​មាន​អំពើ​ពុករលួយ​ទៅ​លើ​ប្រាក់​ដែល​យើង​ខ្ចី​នេះ ព្រោះ​ប្រាក់​ខ្ចី​ហើយ​និង​ប្រាក់​ដែល​យើង​ទទួល​អំណោយ​វា​មាន​លក្ខណៈ​ខុស​គ្នា។ អំណោយ​ដែល​គេ​មិន​ទារ​យក​វិញ​នោះ គឺ​គេ​មាន​ក្រុមតាម​មើល​គុណភាព​ពេល​ខ្លះ​ដែរ ដូច​ជា​ការ​សង់​ស្ពាន​ជ្រោយ​ចង្វា។ ឯ​លុយ​កម្ចី គឺ​ដោយសារ​យើង​ជា​អ្នក​ខ្ចី ហើយ​យើង​យក​មក​ធ្វើការ​សាងសង់​ដោយ​ខ្លួន​យើង យើង​ឃើញ​ថា​មិន​មាន​គុណភាព​ទេ។ ហើយ​គុណភាព​ផ្លូវ​បើយើង​ប្រៀប​ធៀប​នឹង​សហរដ្ឋ​អាមេរិក ដែល​គេ​ធ្វើ​មាន​តម្លៃ​ប្រហាក់​ប្រហែល​គ្នា ផ្លូវ​គេ​អាច​មាន​ការ​ធានា​យ៉ាង​តិច​ណាស់​ក៏ ៣០​ឆ្នាំ​ដែរ​ក្នុងការ​ប្រើប្រាស់។ ប្រទេស​យើង ផ្លូវ​ខ្លះ​គឺ​មាន​អាយុ​បាន ២​ឆ្នាំ ខ្លះ​ស្ទើរ​តែ​មួយ​ឆ្នាំ​ឃើញ​ខ្ទេចខ្ទី​អស់ ហើយ​ជា​បញ្ហា​ដែល​យើង​ថា​បន្តិច​ទៀត ខ្ញុំ​បាន​ជម្រាប​ខាង​ដើម គេ​លែង​ឲ្យ​យើង​ខ្ចី ហើយ​យើង​អស់​មាន​លទ្ធភាព​ខ្ចី គឺ​យើង​នៅ​តែ​អត់​មាន​ផ្លូវ​ប្រើប្រាស់ លុយ​ក៏​យើង​ជំពាក់​គេ​ថែម​ទៀត។ ឆ្នាំ ១៩៩៧ គេ​ថា​បើ​រដ្ឋាភិបាល​ចង់​បាន​លុយ ឬ​ខ្ចី​លុយ​គេ សភា​ទាមទារ​ថា​ឲ្យធ្វើ​គម្រោង​ឲ្យ​សភា​មើល តើ​សង់​អី​ពិត​ប្រាកដ? តើ​ត្រឹមត្រូវ​ឬ​ទេ? ប៉ុន្តែ​ក្រោយ​ឆ្នាំ ១៩៩៧ មក រដ្ឋាភិបាល​ថា​ពិបាក​ណាស់​ទម្រាំ​បាន​សិទ្ធិ​ពី​សភា ម៉្លោះ​ហើយ​សុំ​ឲ្យ​ជា​កញ្ចប់ ហើយ​កញ្ចប់​នេះ​ធ្វើ​ឲ្យ​រដ្ឋាភិបាល​អត់​ត្រូវការ​សួរ​សភា​ទេ គឺ​លោក​ត្រូវ​បែង​ចែក​ខ្ចី​គេ​អី​ទាក់​ទង​យក​ទៅ​សម្បើមណាស់។

គឹមពៅ ៖ ឯកឧត្ដម តើ​ប្រាក់​កម្ចី​ទាំង​អស់​ហ្នឹង តើ​យើង​ចាំបាច់​ត្រូវ​តែ​សង​គេ ឬ ទេ?

សុន ឆ័យ ៖ យើង​ត្រូវ​តែ​សង​គេ។ យើង​ឃើញ​ហើយ​ប្រទេស​ទាំង​ឡាយ​ដែលគេ​ធ្លាប់​ឲ្យ​លុយ​យើង​ខ្ចី​ពី​ដើម​មក ក្រោយ​មក​នៅ​ពេល​ដែល​យើងជួប​ប្រទះ​នូវ​សង្រ្គាម ការ​ប្រល័យ​ពូជ​សាសន៍​អី​ហ្នឹង មាន​ប្រទេស​ខ្លះ​គេអនុគ្រោះ​ឲ្យ​យើង ដោយសារ​ថា​យើង​មាន​បញ្ហា​ហ្នឹង។ ឯ​ប្រទេស​ខ្លះ​គេ​មាន​នយោបាយ​គេ​តឹងរ៉ឹង​ណាស់ មាន យូកូស្លាវី ថ្ងៃ​មុន​គាត់​មក​ទារ​ត្រង់ៗ​តែម្ដង។ ហើយ​ខ្ញុំ​មិន​ជឿ​ថា ចាប់​ពី​ឆ្នាំ ១៩៩៣ មក លុយ​ដែល​ជំពាក់​គេ​ប្រហែល​គេ​មិន​អនុញ្ញាត​ឲ្យ​យើង​ទៅ​ងាយ​ស្រួល​ទេ ដោយសារ​យើង​មាន​ធនធាន​ធម្មជាតិ​ដែល​គេ​សម្លឹង​ឃើញ។ យើង​ឃើញ​ហើយ​ការ​ឲ្យ​លុយ​ខ្ចី កម្រិត​នៃ​ការ​ឲ្យ​លុយ​ខ្ចី សព្វថ្ងៃ​វា​លើស​កម្រិត​ដែល​យើង​អាច​មាន​លទ្ធភាព​សង​ហើយ បើ​ប្រៀប​ធៀប​ទៅ​នឹង​ប្រាក់​ផលិតផល​សរុប​ក្នុង​ស្រុក ដែល​ភាសា​កាត់​ថា ផ.ស.ស ឬ​ភាសា​អង់គ្លេស​ថា GDP នោះ។
គឹមពៅ ៖ សូម​ជម្រាប​សួរ​ឯកឧត្ដមថា តើ​នរណា​ទទួល​ខុស​ត្រូវ​ក្នុង​រឿង​សង​គេ​ត្រឡប់​ទៅ​វិញ​ហ្នឹង?
សុន ឆ័យ ៖ រឿង​ហ្នឹង​ជា​បន្ទុក​របស់​ពលរដ្ឋ។ រដ្ឋាភិបាល​អាច​ផ្លាស់​ប្ដូរ​បាន ដូច​យើង​ឃើញ​ហើយ លុយ​ដែល​រុស្ស៊ី​ទារ​យើង​ហ្នឹង ខ្ចី​តាំង​ពី​របប​មុន​ម្ល៉េះ មិនត្រឹម​តែ​រដ្ឋាភិបាល​ទេ និយាយ​ពី​របប​ទៅ​ទៀត។ នេះ​ជា​ការ​បង្ហាញ​ថា​នរណា​សង? មិន​មែន​រដ្ឋាភិបាល​លើក​មុន​នោះ​សង​ឯណា ពលរដ្ឋ​ហ្នឹង​ហើយដែល​ជា​អ្នក​សង។ ដូច្នេះ​បាន​ជា​ខ្ញុំ​បែង​ចែក​ទៅ​ពលរដ្ឋ​ហ្នឹង ខ្ញុំ​ថា ៣០០​ដុល្លារ​សហរដ្ឋ​អាមេរិក ក្នុង​ម្នាក់​ដែល​ជំពាក់​គេ ហ្នឹង​ត្រូវ​ដឹង ហើយ​សូម​ឲ្យ​យើង​ដែល​ទាំង​រដ្ឋាភិបាល ទាំង​ពលរដ្ឋ​ហ្នឹង គឺ​ថា​ត្រូវ​ចូល​រួម​គ្នា​ពិនិត្យ។
គឹមពៅ ៖ ជុំវិញ​ប្រាក់​បំណុល​ដែល​កម្ពុជា ជំពាក់​គេ​ច្រើន តើ​ឯកឧត្ដម​ក្នុង​នាម​ជា​តំណាង​រាស្រ្ដ​មួយ​រូប​ហ្នឹង គ្រោង​នឹង​មាន​ផែនការ​អ្វី​ទេ?
សុន ឆ័យ ៖ ដូច​បាន​ជម្រាប​បន្តិច​មុន​ថា ខ្ញុំ​នឹង​ធ្វើ​លិខិត​អញ្ជើញ​ឧបនាយក​រដ្ឋមន្រ្តី រដ្ឋមន្រ្តី​ក្រសួង​សេដ្ឋកិច្ច និង​ហិរញ្ញវត្ថុ មក​ឆ្លើយ​បំភ្លឺ​នៅ​រដ្ឋ​សភា។ ទី​១ គឺឲ្យ​គាត់​បញ្ជាក់​មក តើ​រដ្ឋាភិបាល​នៅ​មាន​គម្រោង​ខ្ចី​បុល​គេ​ប៉ុន្មាន​ទៀតទៅ​អនាគត​ហ្នឹង? ដើម្បី​ឲ្យ​យើង​ត្រៀម​ខ្លួន​ផង។ តើ​យើង​ម្នាក់ៗ ដូច​ខ្ញុំ​បាន​ជម្រាប​ហ្នឹង ឥឡូវ​ម្នាក់ៗ ទាំង​ខ្ញុំ ទាំង​ពលរដ្ឋ​នៅ​ស្រែ​ចម្ការ​ដែល​មិន​ដែល​ឃើញ​លុយ​ដុល្លារ​សោះ​ហ្នឹង ជំពាក់​គេ​ជាង ៣០០​(ដុល្លារ)​ម្នាក់​ហើយ។ ឥឡូវ​យើង​ចង់​ដឹង​ថា ប្រុង​ត្រៀម​ប៉ុន្មាន​ទៀត? ហើយ​យើង​នឹង​ទៅ​ជា​អ្នកជំពាក់​គេ​ហ្នឹង​ប៉ុន្មាន? ហើយ​ចង់​បញ្ជាក់​លទ្ធភាព​របស់​យើង​ផង ក្នុង​ការ​ប្រមូល​ធនធាន ហើយ​កាត់​បន្ថយ​ការ​រំពឹង​តែ​ទៅ​លើ​ជំនួយ ការ​ខ្ចី​បុល តើ​យើង​អាច​មាន​វិធាន​ការ​អី​ទេ? ដូច្នេះ​បាន​ជា​ថា​ចៀស​វាង​កុំ​ឲ្យ​ប្រទេសជាតិ​យើង​ធ្លាក់​ទៅ​ក្នុង​ភក់​ជ្រាំ​ដ៏​លំបាក​ទៅ​អនាគត។
ហើយ​កូន​ចៅ​យើង​ត្រូវ​សង​បំណុល​គេ​មិន​ចេះ​ចប់​ហ្នឹង ការ​យល់​របស់ខ្ញុំ ថា​ត្រូវ​តែ​ពង្រឹង​វិស័យ​ការពារ ប្រឆាំង​នឹង​អំពើ​ពុករលួយ​ឲ្យ​បាន​ឆាប់ ហើយធ្វើ​យ៉ាង​ម៉េច​ឲ្យ​គម្រោង​នៃ​លុយ​កាក់​ដែល​យើង​អាច​នៅ​ខ្ចី​គេ​បាន ឬ​ក៏​លុយ​កាក់​ដែល​យើង​យក​ទៅ​កសាង​សមិទ្ធផល​ហ្នឹង ធ្វើ​ម៉េច​ឲ្យ​មាន​គុណភាព ធានា​សេចក្ដី​ត្រូវ​ការ​របស់​ប្រជាពលរដ្ឋ​យើង​ឲ្យ​បាន​ត្រឹមត្រូវ ទុកឱកាស​ឲ្យ​អ្នក​ដឹកនាំ​ក្រោយ​គេ​មាន​លទ្ធភាព​ទៅ​ខ្ចី​បុល​មក​ប្រើប្រាស់​ផង៕

ការិយាល័យសិទ្ធិមនុស្សអ.ស.ប.ប្រតិកម្មនឹងសាលក្រមតុលាការរឿង មូរ សុខហួរ

ការិយាល័យ​របស់​អង្គការ​សហ​ប្រជាជាតិ​ខាង​សិទ្ធិ​មនុស្ស​នៅ​កម្ពុជា​បាន​ចេញ​សេចក្តី​ថ្លែងការណ៍​មួយ​នៅ​ថ្ងៃ​ពុធ ទី​៥ ខែ​សីហា ចាត់ទុក​ថា សាលក្រម​របស់​តុលាការ​ក្រុង​ភ្នំពេញ​ដែល​ផ្តន្ទា​ទោស​លោកស្រី មូរ សុខហួរ ហាក់​ដូច​ជា​មិន​ស្រប​តាម​ធម្មនុញ្ញ​និង​បទដ្ឋាន​ជា​អន្តរជាតិ​ស្តីពី​សេរីភាព​ក្នុង​ការសម្តែង​មតិ​នោះ​ទេ។


សេចក្តី​ថ្លែងការណ៍​ដែល​ចេញ​ដោយ​ការិយាល័យ​នៃ​ឧត្តម​ស្នងការ​ទទួល​បន្ទុក សិទ្ធិ​មនុស្ស​ប្រចាំ​កម្ពុជា​របស់​អង្គការ​សហ​ប្រជាជាតិ​នេះ គឺ​បាន​ធ្វើ​ឡើង​មួយ​ថ្ងៃ​បន្ទាប់​ពី​លោកស្រី មូរ សុខហួរ ជា​តំណាង​រាស្ត្រ​គណបក្ស​សមរង្ស៊ី​ត្រូវ​តុលាការ​ក្រុង​ភ្នំពេញ​សម្រេច​ឲ្យ​លោកស្រី​ចាញ់​ក្តី និង​បង់​ប្រាក់​ផាក​ពិន័យ​ចំនួន​១៦​លាន​៥​សែន​រៀល​ក្នុង​រឿង​ក្តី​បរិហារ​កេរ្តិ៍​លោក​នាយក​រដ្ឋមន្ត្រី ហ៊ុន សែន។


លោក ផៃ ស៊ីផាន ជា​អ្នក​នាំ​ពាក្យ​និង​ជា​រដ្ឋលេខាធិការ​ទីស្តីការ​គណៈរដ្ឋមន្ត្រី មានប្រសាសន៍​ថា វា​ជា​ការ​មិន​ត្រឹមត្រូវ​ទេ​ដែល​អង្គការ​សហប្រជាជាតិ​ថ្លែង​ថា កម្ពុជា​ប្រើ​ប្រព័ន្ធ​តុលាការ​ដើម្បី​កម្រិត​សេរីភាព​នៃ​ការបញ្ចេញ​មតិ​នោះ។
លោក ផៃ ស៊ីផាន បាន​បញ្ជាក់​ថា ៖ «មើល​ករណី​ទាំង​ពីរ​ទាំង​បី​នេះ គឺ​មិនមែន ការបញ្ចេញ​មតិ​ទេ។ គឺ​ទី​១ រវាង​ករណី​របស់​លោក​ជំទាវ មូរ សុខហួរ មិន​មែន​ជា​ការបញ្ចេញ​មតិ​ទេ ជា​ការវាយ​ប្រហារ ជា​ការកៀរ​គរ​មតិ​អន្តរ​ជាតិ​ឬ​មតិ ជាតិ ក្នុង​ការវាយ​ប្រហារ​មក​លើ​សម្ដេច ហ៊ុន សែន»។

លោក ផៃ ស៊ីផាន ថ្លែង​បន្ត​ថា ការ​ដែល​អង្គការ​សហប្រជាជាតិ​អាច​ធ្វើ​សេចក្តី​ថ្លែងការណ៍​បាន​នេះ គឺ​មាន​ន័យ​បញ្ជាក់​និង​បង្ហាញ​ថា កម្ពុជា​បើក​សិទ្ធិ​សេរីភាព​ពេញលេញ​ឲ្យ​មាន​ការបញ្ចេញ​មតិ។

លោក ផៃ ស៊ីផាន បាន​មាន​ប្រសាសន៍​ថា ៖ «ក៏​ប៉ុន្តែ​សិទ្ធិ​សេរីភាព​របស់​បុគ្គល​ម្នាក់​មិន​អាច​ទៅ​រំលោភ​លើ​បុគ្គល​ម្នាក់​ទៀត​ទេ។ ទី​២ តុលាការ​ហ្នឹង​នីតិ​រដ្ឋ​ត្រឹមត្រូវ យើង​មាន​ចៅក្រម​របស់​យើង យើង​មាន​មេធាវី​របស់​យើង​ដើម្បី​មក​អនុវត្ត​នីតិ​រដ្ឋ​នេះ​ឯង»។

ក៏​ប៉ុន្តែ​អ្នក​នាំ​ពាក្យ​គណបក្ស​សមរង្ស៊ី​គឺ​លោក​តំណាង​រាស្ត្រ យឹម សុវណ្ណ ថ្លែងថា សាលក្រម​ថ្មីៗ​នេះ​គឺ​បង្ហាញ​យ៉ាង​ច្បាស់​អំពី​ភាព​មិន​ឯករាជ្យ​របស់​តុលាការ​ខ្មែរ ហើយ​បញ្ហា​ប៉ះពាល់​ធ្ងន់ធ្ងរ​នោះ​គឺ​កម្ពុជា​ទាំង​មូល។

លោក យឹម សុវណ្ណ បាន​ថ្លែង​ថា ៖ «រឿង​លោក​ជំទាវ មូរ សុខហួរ វា​ជា​រឿង​មួយ ប៉ុន្តែ រឿង​ធំ​ជាង​នេះ​ទៅ​ទៀត គឺ​រឿង​ប្រជាពលរដ្ឋ​ខ្មែរ​ត្រូវតែ​រងគ្រោះ​ដោយសារ​ប្រព័ន្ធ​តុលាការ​នេះ គឺ​រឿង​ដែល​អន្តរជាតិ អ្នក​វិនិយោគទុន​ល្អៗ​ដែល​មាន​លុយ រាប់​រយ​រាប់​ពាន់​លាន​ដុល្លារ គេ​មិន​ហ៊ាន​មក​រកស៊ី​ទេ។ ដូច្នេះ​រឿង​ផល​ប្រយោជន៍​ប្រទេស​ជាតិ​យើង កិត្តិយស​ប្រទេស​ជាតិ​យើង ប៉ះពាល់​ធំ​បំផុត​ដោយសារ​តែ​ប្រព័ន្ធ​តុលាការ​មិន​មាន​ភាព​ឯករាជ និង​មិន​កាត់​សេចក្ដី​ទៅ​តាម​គតិ​យុត្តិធម៌​នេះ​ឯង»។

សូម​ជម្រាប​ថា សេចក្តី​ថ្លែងការណ៍​ដែល​ចេញ​ដោយ​ការិយាល័យ​នៃ​ឧត្តម​ស្នងការ​ទទួល​បន្ទុក​សិទ្ធិ​មនុស្ស​ប្រចាំ​កម្ពុជា​របស់​អង្គការ​សហ​ប្រជាជាតិ ក៏​បាន​លើក​ឡើង​អំពី​សាលក្រម​ផ្តន្ទាទោស​ដាក់​ពន្ធនាគារ​និង​ផាក​ពិន័យ​ជា​ប្រាក់​ក្នុង​ករណី​លោក មឿង សុន ជា​ប្រធាន​អង្គការ​មូលនិធិ​ទ្រទ្រង់​អរិយធម៌​ខ្មែរ និង​លោក ហង្ស ចក្រា ជា​និពន្ធ​នាយក​កាសែត​ខ្មែរ​ម្ចាស់​ស្រុក ផងដែរ ថា ផល​ប៉ះពាល់​នៃ​ការផ្តន្ទា​ទោស​នោះ​គឺ​អាច​នាំ​ឲ្យ​សាធារណជន​លែង​ហ៊ាន​ជជែក​ពិភាក្សា​គ្នា​អំពី​បញ្ហា​សំខាន់ៗ​ទាក់ទង​នឹង​ផល​ប្រយោជន៍​សាធារណៈ​ក៏​ដូច​ជា​កាត់​បន្ថយ​កម្រិត​សេរីភាព​នៃ​ការបញ្ចេញ​មតិ​នៅ​កម្ពុជា៕

អាជ្ញាធរបើកការស៊ើបអង្កេតស្វែងរកអ្នកបាចត្រាក់ប្រឆាំង ហ៊ុន សែន

សមត្ថកិច្ច​នគរបាល​រាជធានី​ភ្នំពេញ​កំពុង​តែ​បើក​ការស៊ើប​អង្កេត​ជា​បន្ទាន់​មួយ​នៅ​ថៃ្ង​ពុធ ទី​១៩ ខែ​សីហា ដើម្បី​ស្វែងរក​ជន​សង្ស័យ​ដែល​បាន​បាច​ត្រាក់ក្នុង​ទីក្រុង​ភ្នំពេញ​ក្នុង​ការជេរ​ប្រមាថ​លោក​នាយក​រដ្ឋមន្រ្តី ហ៊ុន សែន និង​រដ្ឋាភិបាល ហើយ​បាន​ចោទ​ប្រកាន់​ថា ថៃ្ង​៧ មករា ជា​ថៃ្ង​យួន​ឈ្លានពាន​កម្ពុជា។


លោក ទូច ណារ៉ុថ ស្នងការ​នគរបាល​រាជធានី​ភ្នំពេញ បាន​មាន​ប្រសាសន៍​ប្រាប់​វិទ្យុ​អាស៊ីសេរី​នៅ​ថៃ្ង​ពុធ ទី​១៩ ខែ​សីហា ថា សមត្ថកិច្ច​របស់​លោក​កំពុង​តែ​បើក​កិច្ច​ស្រាវជា្រវ​ហើយ​នា​ពេល​នេះ ដោយ​មិន​ទាន់​អាច​សន្និដ្ឋាន​បាន​ថា មុខសញ្ញា​នៃ​ជន​សង្ស័យ​នោះ​ជា​ក្រុម​ណា​ទេ។


លោក​បាន​បន្ត​ថា ៖ «ខ្ញុំ​ដំណើរការ​ស្រាវជ្រាវ បើ​សិន​ជា​រក​ឃើញ​ខ្ញុំ​នឹង​បញ្ជូន​គាត់​ទៅ​តុលាការ​ដើម្បី​ចាត់ការ។ ប្រជាជន​គាត់​មើល​ឃើញ​នឹង​ភ្នែក គាត់​មិន​ជឿ​ទៅ​លើ​ជន​អគតិ​មួយចំនួន​ដែល​បំភ្លៃ​ការ​ពិត​អ៊ីចឹង​ទេ»។ ប្រភព​ដដែល​បាន​បញ្ជាក់​ថា ត្រាក់​នោះ​មាន​ចំនួន​ច្រើន​ដុំ​ដែល​ប្រជាពលរដ្ឋ​បាន​ប្រទះ​ឃើញ​និង​បាន​ប្រគល់​ឲ្យ​សមត្ថកិច្ច។ ត្រាក់​នេះ​ត្រូវ​បាន​គេ​ប្រទះ​ឃើញ​នៅ​វេលា​ម៉ោង​៤​ជិត​ភ្លឺ​នៅ​ក្នុង​ខណ្ឌ​ដូនពេញ។


ផ្អែក​តាម​ប្រភព​បាន​ឲ្យ​ដឹង​ថា ត្រាក់​នោះ​គឺ​មាន​រូបថត​របស់​លោក​នាយក​រដ្ឋមន្រ្តី ហ៊ុន សែន និង​មាន​ខ្លឹមសារ​សរសេរ​អក្សរ​ថា នេះ​គឺ​ជា​មេ​ដឹកនាំ ផ្តាច់ការ​នៃ​ប្រទេស​កម្ពុជា​ដែល​ជា​កញ្ជះ​ដាច់​ថៃ្ល​របស់​អាយ៉ង​យួន។


នៅ​ក្នុង​ចំណុច​សំខាន់​នៃ​ឃ្លា​នានា​ជា​ច្រើន​និង​មាន​ខ្លឹមសារ​សរសេរ​ជា​អក្សរ​ថា "ខ្ញុំ​មាន​មោទនភាព​ណាស់​ដែល​បាន​កើត​មក​ជា​កូន​ខ្មែរ គឺ​ពូជ​ខែ្មរ​សាង​អង្គរ។ ខ្ញុំ​នឹក​ឃើញ​យុគ​សម័យ​ប្រទេស​ខែ្មរ​ដ៏​រុងរឿង​ល្បីល្បាញ ខ្ទរខ្ទារ​ទូទាំង​ពិភពលោក តែ​ពេល​នេះ​រលាយ​អស់​ហើយ ដោយសារ​តែ​របប​ផ្តាច់ការ​របស់​រដ្ឋាភិបាល​សព្វថៃ្ង​នេះ។ អំពើ​ពុក​រលួយ​និង​ការឈ្លានពាន​ពី​សំណាក់​យួន ហាណូយ នៅ​ថៃ្ង​ទី​៧ ខែ​មករា ឆ្នាំ​១៩៧៩ ដោយ​ប្រើ​ពាក្យ​ថា វា​មក​រំដោះ​កូន​ខែ្មរ​និង​រំដោះ​ប្រជាជន​ខែ្មរ"។ ត្រាក់​នោះ​បាន​ដាក់​ឈ្មោះ​ថា ប៉ាន់ សុវណ្ណី, កុស ឯវុទ្ធី, កឹម សុភ័ក្រ្ត, ជា សុជាប និង ជឹម ធឿន។


លោក យឹម សុវណ្ណ តំណាង​រាស្រ្ត​គណបក្ស​សមរង្ស៊ី និង​ជា​អ្នក​នាំ​ពាក្យ​ផងដែរ​នោះ បាន​មាន​ប្រសាសន៍​ថា លោក​សង្ស័យ​ថា​វា​ជា​លេស​អ្វី​មួយ។
លោក យឹម សុវណ្ណ បាន​បញ្ជាក់​ថា ៖ «អត់​មាន​ពាក់ព័ន្ធ​អី​នឹង​គណបក្ស​សមរង្ស៊ី​ទេ និយាយ​ឲ្យ​មែនទែន​ទៅ បើ​សិន​ជា​នរណា​គេ​ចង់​ចោទ​ប្រកាន់​អី​គ្មាន​ការពាក់ព័ន្ធ​អី​ទាំងអស់ ពីព្រោះ​នេះ​ជា​ឆាក​ល្ខោន​មួយ​ដែល​គេ​រៀបចំ​ឡើង​សម្រាប់​លេង​សើច គេ​ចង់​ចោទ​ប្រកាន់ ប៉ុន្តែ​គ្មាន​ពាក់ព័ន្ធ​ទេ»។


លោក អំ សំអាត ប្រធាន​ផែ្នក​ស៊ើប​អង្កេត​នៃ​អង្គការ​សិទ្ធិ​មនុស្ស​ក្រៅ​រដ្ឋាភិបាល​មួយ ហៅ​កាត់​ថា លីកាដូ បាន​មាន​ប្រសាសន៍​ថា ៖ «យើង​ក៏​មិន​ទាន់​ដឹង​ថា បញ្ហា​ទាំងអស់​នេះ​ចេញ​មក​ពី​អ្នក​ណា​ម្នាក់​ទេ។ អ៊ីចឹង​គួរតែ​ធ្វើការ​ស៊ើប​អង្កេត​រក​អ្នក​ដែល​បង្កើត​នូវ​បញ្ហា​ទាំងអស់​នេះ»។


សូម​ជម្រាប​ថា កាល​ពី​ដើម​ឆ្នាំ​២០០៩​កន្លង​ទៅ​នេះ សមត្ថកិច្ច​របស់​អគ្គ​ស្នងការ​នគរបាល​ជាតិ​កម្ពុជា​បាន​ចាប់​ខ្លួន​ជន​សង្ស័យ​ចំនួន​ប្រមាណ​៦​នាក់ ក្រោម​បទ​ចោទ​ថា​បាន​ដាក់​បង្កៃ​គ្រាប់​បែក​ច្នៃ​ចំនួន​២​គ្រាប់​មិន​ទាន់​ផ្ទុះ នៅ​ខាង​មុខ​ទីស្តីការ​គណៈរដ្ឋមន្រ្តី និង​នៅ​ក្បែរ​ស្ថានីយ​ទូរទស្សន៍​ប៉ុស្តិ៍​លេខ​៣ នៅ​ក្នុង​ទីក្រុង​ភ្នំពេញ កាល​ពី​ថៃ្ង​ទី​២ ខែ​មករា ដើម​ឆ្នាំ​២០០៩ កន្លង​ទៅ​នេះ នៅ​មុន​ពេល​គណបក្ស​ប្រជាជន​កម្ពុជា​កំពុង​កាន់​អំណាច​បាន​បា្ររព្ធ​ខួប​លើ​ទី​៣០​ឆ្នាំ នៃ​ថៃ្ង​រំដោះ ៧​មករា ពី​របប​ខែ្មរ​ក្រហម​នោះ៕

Cambodian Students Association in Japan

Cambodian Culture Network

Cambodia's Border Committee

Modern Progressive Khmer

Barack Obama Biography

Thailand News

American Rehabilitation Ministries International (A.R.M)

Embassy of Japan in Cambodia